الدروس الخصوصية ومحاربتها

الحمد لله الواحد مش بياخد دروس فى الكليه وطبعا دى نعمه كبيره جدا
انا بقول ان الطلبه بتاخد دروس نتيجه انهم جايين من نظام الثانويه المعتمد على تلقين المدرس للطالب المنهج عشان يدخل يجيب مجموع.
والنظام ده اعتقد انه مش مفيد للطالب الجامعى لانه بيلغى عقله ,ويجعله غير قادر على حضور معظم المحاضرات لان ميعاد القرص ممكن يكون فى ميعاد محاضره.
بس برضه ارجع واقول انى متفق مع جوهرة القصر فى بعض النقط .
زى الدكتور يدخل يقول فى اول السنه الساعات المكتبيه وتعالوا واسالونى وانا بابى مفتوح مش بس فى الساعات ولا فى المحاضره بس فى اى وقت تعالى واسال.
ولما نيجى نسال يكون الرد مش فاضى الوقتى ابقى اسال فى المحاضره.
وكمان لما دكتور يدخل ويقول فى اول السنه انى بحط امتحان صعب ومحدش هينجح فى مادتى .... طيب الطالب يعمل ايه بقى ؟؟؟؟
نفسى فعلا نعمم روح المحبه بين الطالب والدكتور بس فى معظم الاوقات صعب.
انا اعرف دكاتره فعلا بتعاملنا زى اخواتها الصغيرين بجد زى(د/عبد الفتاح عوف؛د/ ابراهيم عبد الجليل؛ وغيرهم) بس دول مش كتير .
ولو قدرنا نعمم الفكره دى يبقى قدرنا نحقق المستحيل.
وعندى كمان سبب ان المناهج ساعات كتير مليانه حشو طب ليه منخليش المنهج مش هقول صغير بس هقول المنهج اللى يوصل عقليه الطالب ويستوعبه عشان يقدر ميتجهش لبره.

استمرارا لكلامى عن هذا الموضوع
فان هناك سبب اخر يجعل الطلبه تاخد الدروس
الا وهو لماذا يعطى المعيد الدرس؟؟؟؟؟؟؟؟؟؟
طبعا الاجابه ان المعيدين مش بياخدوا رواتب تكفيهم ؛ لان معظم المعيدين مش كلهم لو بيقبضوا فلوس تكفيهم مش هيفكروا فى الدروس ووجع الدماااااااااغ .
انما دلوقتى هو مرتبه مش كبير يعمل ايه؟؟ مفيش قدامه غير سكة القرصاااات.
ارجوا ان ندرس الحكايه من كل جوانبها ولانظلم احد ابدا .....