اطلب واتمنى _ تلقى الحياه جنه

بسم الله الرحمن الرحيم

الموضوع دا يا جماعه يشبه فى طريقته موضوع عبر عن شعورك بكلمه واحده

طبعا كل واحد فينا ليه امنيات واحلام وآمال

فيه منها الحياتيه ومنها الروحانيه

منها اللى بيتحقق ومنها اللى بيفضل فقط ذكرى

كل اللى هنعملو هنا فى الموضوع دا

ان اى واحد فينا عندو اى امنيه يدخل يكتبها

سواء بقى الامنيه دى ممكن يساعدو فيها حد من المنتدى او غيره

ممكن اللى عايز يساعده يحقق امنيته ازاى يقوله طريقه بسيطه ومختصره

بس لازم يكتب بعدها امنيته وممكن ميعلقش على امنية غيره عادى جدا

المهم الامانى تستمر

وطبعا الامانى كتير وطول ما احنا عايشين لينا امانى بنحاول نحققها

يلا مستنى امانيكم و يا رب الفكره تعجبكم

هيا جاتلى وانا جاى دلوقتى فى الشارع

وبالتحديد شارع النخله عشان لو حد عايز يجيلو الوحى يروح شارع النخله

والافكار هتتحدف عليه

زى البلح

ههههههههههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

see you

عدل سابقا من قبل domeco في الأحد أكتوبر 11, 2009 1:24 am عدل 1 مرات

انا عاوزه ارجع مصر باقصى سرعه
لو تقدر تسفرنى من امبارح او الاسبوع اللى فات يا ريت

بسم الله الرحمن الرحيم

بالنسبه ل governo

امنيتك بسيطه وحلها ابسط

اضرب ظابط شرطه

ههههههههههههههههههه

هتروح فى ابو نكله ومش هتدخل الجيش شوف انهى ارحم بقى على الاقل هتاكل عيش وحلاوه

فى الجيش بيأكلوك باين عدس

او فيه حل سهل جدا و مقنع روح الجيش وخلص مدتك واطلع

فيه ابسط من كده [ندعوك للتسجيل في المنتدى أو التعريف بنفسك لمعاينة هذه الصورة]

بالنسبه ل doaa

امنيتك صعبه اوى

بس ممكن ندعيلك ان الايام اللى فاضله على سفرك تعدى هوا بسرعه ان شاء الله

او ممكن تقولى لبابا لازم اسافر دلوقتى وتقفى جنب الشباك وتقولى لو مسافرتش هرمى نفسى

هههههههههههههههههههههه

انا بقى هطلب امنيه

انا بتمنى اتعلم فوتو شوب

لان اكتر واحده غيظانى فى المنتدى هيا روما

نفسى اتعلمه واعديها واجى بقى انا اللى اعلمها

ههههههههههههههههههههههههه

see you

نفسي ربنا يوفقني واختم حفظ القرأن ...ياااااااااااااااارب اللهم امين.........

بسم الله الرحمن الرحيم

بالنسبه ل sad heart

يبقى احنا نكون مجموعه ونروح ناخد درس خصوصى عند روما

بس ان شاء الله لو انا اتعلمته هقولك طبعا انا اتعلمته ازاى يمكن تكون الطريقه اللى اتعلمته بيها متاحه ليكى

اما بالنسبه للحاجه التانيه دى ايه بقى

لو عايزه هديه او شيكولاته او اى حاجه اطلبى

ربنا يخليلنا دعاء [ندعوك للتسجيل في المنتدى أو التعريف بنفسك لمعاينة هذه الصورة]


dr sara

بتهيألى انتى قولتى اول امنيه ممكن حد يساعدك فيها

عايزه تختمى القرأن وعلى مهلك وتحفظيه كويس

كل دا مع دعاء وبس فى قسم القرآن الكريم


ويجى تانى الدور عليا عشان اقول امنيه

انا نفسى احس بالارتياح و الثقه وانا بتعامل مع الناس

معنتش مستريح وانا بتكلم مع الناس زى متقولو الوسط بقى ملوث

كمان غير العاده بقيت وانا بتكلم بلألأ كتير وانا بتكلم

مش عارف ليه يمكن عشان بقالى كتير مش بتكلم ولا لانى حاسس بالضعف شويه

see you

اتمنى ان المنتدى يتطور عن كده ويبقا الاهتمام بالاقسام العلميه اكتر شويه من الاقسام الاخرى زى الصور والترفيهى والموبيلات والاقسام اللى من راى مع بدايه الدراسه معتش ليها اى اهميه على الاطلاق واستاد علوم والتنميه البشريه وغرائب وعجائب ووكل ده اتمنى اهتمامنا يبقا اكتر على المواضيع والاقسام اللى قبل المنتديات العامه دى امنيتى الوحيده فى الوقت الحالى لان بجد ناس كتير انا اعرفهم مش عاجبهم المنتدى وشايفينه انه هايف محدش يزعل من كلامى
وشكرااااا يا عم دوميكو على الموضوع ويا رب امنيتى تتقبلوها بدون غضب سلاااااام

لالالالالالالالالالالالالالالا [ندعوك للتسجيل في المنتدى أو التعريف بنفسك لمعاينة هذه الصورة]

ايه الكلام الكبير ده يا على
المنتدى هايف مره واحده
طب كنت قولتها على مراحل علشان نتقبل الصدمه [ندعوك للتسجيل في المنتدى أو التعريف بنفسك لمعاينة هذه الصورة]
مش تعملنا فأجاه [ندعوك للتسجيل في المنتدى أو التعريف بنفسك لمعاينة هذه الصورة] على طول كده

بجد انا مش معاك خالص فى الكلام ده
انا بجد دخالت منتديات كتير بس المنتدى هنا من احسن المنتديات الى شوفتها
وبصراحه محدش قبل كده قابلته وقالى ان المنتدى هايف خااااااااااااااااااااااااااااااااااالص


وعلى فاكره كون ان فيه افسام اخرى ده ميعبش المنتدى
بجد كلها اقسام مفيده وجميله
انا من الناس الى بحب جدا ان اقراء فى قسم الحوار العام والتنميه البشريه
بجد فى موضوعات هايله وبجد والله بستفيد جدا
واظن ان الانسان ليس علم فقط
فالعلم ده جزء من اجزاء اكتر
ياعنى علم بدون شخصيه راقيه متحضره
ملهوش لازمه
لازم يكون علقنا اوسع من كده
لازم يكون عندنا درايه بكل شىء
ومعتقدش ان العلم واحده قادر على بناء شخصيه سويه
ومش معنى كلامى ده اننا نهمل المنتديات العلميه
بل بلعكس يكون ليها الاولويه

نجى باقى لامنيتى
نفسى بجد ارتاح واعرف هعمل ايه فى الدراسه
اصلى بجد قربت السع [ندعوك للتسجيل في المنتدى أو التعريف بنفسك لمعاينة هذه الصورة]
لان مواد البايو كمسترى ملهاش كتب ياعنى مهلهاش مصدر مذاكره
وربنا يهدنا للخير يا رب
نفسى ارتب امورى علشان اعرف اركز واذاكر
ربنا يسهل بقى

بسم الله الرحمن الرحيم

بالنسبه roma

اوك اتفقنا مستعدين ندفع

من 1 _100 قرش [ندعوك للتسجيل في المنتدى أو التعريف بنفسك لمعاينة هذه الصورة]

وكمان كاش

بس انتى ادينى شغل تاخدى تعبك على طوووووووووووووول

بس بالنسبه لللألأه مش انى مش متكيف مع اللى حواليا

لأ انا ببقى بتكلم بحريه بس عارفه لما سنانك تفضل تخبط فى بعضها من البرد زى كدا

دا تقريبا ضعف جسمانى

بالنسبه ل ali

صلى على النبى يا عم الحاج

هدى نفسك يا ابو على مين يا عم اللى مزعلك وانا ابهدله

وبعدين انا ايه اللى يزعلنى دا كفايه انك نورتنى فى الموضوع يعنى

بس بلاش حكاية التفاهه لان اللى بيصنع التفاهه الاشخاص مش المنتدى ذاته وطبعا ما شاء الله الاعضاء محترمين

بس خد بالك امنيتك دى بتحقق ان اى عضو محتاج حاجه فى العلوم اللى بيدرسها يدخل يشوفها او يقرأ بصوره عامه ودا هيقل عن الاول

لان مثلا فى الصيف الاعضاء كان ليهم اقبال على المنتدى العلمى لانه بيعوض الجرعه العلميه اللى فى الدراسه

لما الدراسه تيجى ممكن يستغنوا عن هذه الجرعه والاقتصار على مواضيع محدده

ميرسى يا على يا حبى [ندعوك للتسجيل في المنتدى أو التعريف بنفسك لمعاينة هذه الصورة]

نيجى بقى للعضوه المغموره heba [ندعوك للتسجيل في المنتدى أو التعريف بنفسك لمعاينة هذه الصورة]

نفسى امنيتى والله

الواحد عايز حاجه فى ايده يمشى عليها مش يبقى ماشى كدا مع نفسه

انا لحد دلوقتى عندى مادتين من غير كتاب

ميرسى جدا يا احلى شباب ونكمل بقى اللى يتمنى امنيه يقولها

الموضوع من غيركم ملوش معنى

see you

اولا انا مش قولت ان المنتدى هايف انا قولت ده راى ناس تانيه كتير انا اعرفهم سجلوا هنا وسالتهم ليه بعدوا قالولى كده ثانيا يا هبه انتى ممكن فعلا تستفيدى من المواضيع فى الاقسام التانيه اللى انتى بتقولى عليها دى لو كانت المواضيع من كتابتنا الخاصه ومن ابداعاتكم الخاصه لكن مع الاسف المواضيع كلها منقوله وكلنا بنشوفها فى منتديات تانيه كتير احنا مسجلين فيها فاعتقد النقل مش مفيد زى ميكون الموضوع معمول من ايد عضو بنفسه وانا شايف ان ده منتدى علوم المنصوره يعنى كيمياء يعنى بيولوجى يعنى جيولوجيا يعنى حاسب يعنى فيزياء يعنى رياضه مش صور وترفيهى وحورات عامه منقوله للاسف واستاد دا راى وانا مقتنع بيه واكيد لو قدرت اغير هغير بس للاسف مفيش اى امكانيه ففى الوقت الحالى وبتمنى ليكم كلكم التوفيق فى الدراسه وكمان بتمنى لمنتدانا مزيد من التقدم والازدهار الى ما هو احسن ان شاء الله ويبعد عنه انفلونزا الخنازير لعدم غلقه :%%:

خلااااااااااااااااااااااااااااااااااااااااص يا على

الكلام خلص

انتا هتكبر الحكايه

دا الواحد يبطل يبتكر مواضيع بعد كده يا اخى

دايما كدا اى حاجه افكر فيها تسبب مشاكل

شكلى كدا بفكر بطريقه غبيه اوى

غير كدا وكدا وكدا

مش من السهل ان الشخص يكتب موضوع من فكره ويكون كبير وبأسلوب ادبى تام

وفيه حبكه فنيه لاننا مش خريجى آداب او تربيه

ممكن يكون فيه موهبه ولباقه فى الحديث نفسه انما انك تكتب موضوع طويل عريض من دماغك

دا مش متوفر على طول

ارجو اكون قولت حاجه مفيده

وتحياتى القلبيه الى القيصر على

see you

على فكره يا دوميكو الحاجه اللى بتسبب مشاكل دى ناجحه وهيه مش مشاكل دا اختلاف اراء ودا مش عيب ولا مشكله اما بالنسبه ان الواحد عشان يعمل حاجه من نفسه مش لازم يبقا خريج الكليات اللى انت قولت عليها دى دى بتبقا موهبه وبعدين ععندك مثال بسيط جدا هل هشام خريج تربيه او اداب ولكن عند موهبه فى الشعر ارجو تكون فهمت حاجه

سلام يا دوميكو

اكدب عليك لو قلت انى فهمت

هههههههههههههههههههههه

شوفت المده دى كلها ولسه مفهمتش

مخى تخين اوى بس مش مشكله

منورنى يا على

See you

شفت يا برنس عشان تصدق

هوا فى احلى من شارع النخله

كله افكار

ويارب امنيتك تتحقق فعلا لان الافراح بتاعة اليومين دول مش حلو نهائى

عشان كدا مش بحب اروح افراح

ممكن فرح اسلامى يكون احسن

see you

ايه الموضوع الحلو دا بقى يادوميكو
المهم بقى انه لازم اقول امنيه
امنيتى الوحيده انى اعرف هى ايه الامنيه الوحيده دى اللى مش قادره الاقيها واعبر عنها
بس اكيد فيه امنيه بس مش لاقياها

ان شاء الله تلاقى امنيتك يا تاليا
انا عندى امنياااات مش امنيه واحده
اولا:انى ارتب على الدفعه ان شاء الله السنه دى ولا اقل عن جيدا جدا فى الفيزياء وعن امتياز فى الرياضه..مع انهم مش تخصصى
ثانيا:ان الدكاتره عندنا يكونوا مموهوبين فى الشرح وكل واحد يبقى عالم فى مادته
ثالثا:ان الانانيه الموجود عند (بنات) دفعتى تنتهى وياريت يبطلوا حركات العياااااال الصغيريين
رابعا:انى اخد دوره ICDL.... والتويفل ودبلومه التحاليل
رابعا:ومحدش يضحك .كوووووول الامانى اللى فاتت دى هتوصلنى انى اخترع علاج لفيرس سى...واديه لمصر والبلاد العربيه واذل الاجانب شويه وبعدين اديهم العلاج فى الاخر(شر ولا بد منه)
دى الامنيات اللى على المستوى الشخصى وهتفيدنى فى دنيتى
نفسى طبعا احفظ القران كله....واخد معهد اعداد دعاه ....والبس الخمار
كفايه كده دلوقتى ولى مرور اخر ان شاء الله

الاستمتاع بحياتك ؟
والله ده يتوقف على انك بتنبسط وبتحب ايه فى حياتك عشان يرجع تانى
[ندعوك للتسجيل في المنتدى أو التعريف بنفسك لمعاينة هذه الصورة]
ليه كده يا دوميكو...دا انا لسه واحده قالت ليا النهارده(شكلك كده هتخترعى حاجه)
ليه كده ؟؟؟؟؟؟؟ طيب ادينى امل ...مش مشكله برده ان شاء الله عايزه اخترع علاج لفيرس سى
وحل لمشكله الشذوذ الكروموسومى اللى بينتج عنه امراض كتييييييييييييير
اتمنى حتى انى اعمل ابحاث فى المجلات دى بس تضيف حاجه جديده للعلم.
بتمنى برده انى افتح مدرسه بتعلم بجد وباجر بسيط
اتمنى ان ربنا يشفى ابن خالتى
وبعد ما الامانى دى تتحقق كده ان شاء الله ابقى اتمنى تانى

هههههههههههههههههههههههههههههه

لؤلؤه لألألألألألألألأ

سيبك انتى من استمتاعى بحياتى ومش ضرورى يكون متعلق بالاشياء نفسها

فيه استمتاع بالحياه نفسها يعنى تحسى انك عايشه انك شخص متفرد انك بتأدى شئ مختلف

انك وانك وانك وحاجات كتير

بالنسبه ليكى انا غلطان انى خايف عليكى روحى اعملى اللى عايزاه بس مترجعيش تندمى وتقولى دوميكو قالى

وربنا يشفى ابن خالتك ويشفينا ويشفى المسلمين كلهم يا رب

بس عايز اقولك حاجه اينعم كلام الناس ساعات بيشجع بس مش بيحصل دايما

يعنى انا واحد زميلى قالى مش عارف ليه لما بشوفك لابس النضاره بحس انك عبقرى

قولت فى بالى دا ماله دا يعنى انا من غير النضاره ايه كوز دره

وانا بردوا صغير فى السعوديه شيخ قال لوالدى رحمة الله عليه باللفظ كدا

سيصير ابنك طبيبا

تذكر ذلك جيدا

نفسى اشوف بقى الراجل دا عشان احيه تحيه يااااااااااااااااااااااه دانا هخليه يزغرط من الانبساط

فهمانى يعنى مش بالكلام

ربنا يوفق كل واحد فينا لما هو مسخر له

وبعدين انا هستنى لما تحققى دول يبقى مش هقرألك امنيه تانيه

ههههههههههههههههههه

ربنا ميحرمناش من امانيكم يا ولاد ويخليكو لينا ويخلينا ليكو وابقوا افتكرونا بالخير

ايــــــــــــــــــــــــــــــــه دنــــــــــــــــــــيا

ولا دايم الا وجه الله
[ندعوك للتسجيل في المنتدى أو التعريف بنفسك لمعاينة هذه الصورة]
see you

ههههههههههههههههههههههههههههههههه
انا والله عارفه ان الكلام مش بيحصل حاجه
وعارفه كمان ان ممكن ربنا يكون مش مدينى الذكاء والقدره اللى اقدر اعمل بيها كده
بس ادينى بشتغل وبذاكر واكيييييييييييييييييييد هيبقى فيه محصله لده
(ان شاء الله)
وملحوظه :انتيمتى هيا اللى قالتلى كده وده مش عشان شكلى لكن بناء على تفكير لالالالالالالالالالاسع ....والحمد لله بيطلع صح
وبالنسبه ليك
لألألألألألألألألألألأ
متفرد ايه فى ظل الروتين اللى احنا فيه ده
دا انا اللى مهون عليا الكليه انى حاطه فى دماغى انى اطلع كل يوم مستفيده بمعلومه جيده
وحاضر يا عمو دوميكو هنبقى نفتكرك بالخير [ندعوك للتسجيل في المنتدى أو التعريف بنفسك لمعاينة هذه الصورة]

روتين بروتين ما علينا

واحنا يعنى عشان الروتين نفضل قاعدين لحد ما يتغير يبقى هنموتوا من غير ما نعمل حاجه

وبعدين

هههههههههههههههههه

بس مش كل حاجه بالذكاء مكنش حد غلب

وبلاش بقى حكاية اللسعان انا بطلته من زمان

وقولى لانتيمتك من جاور القوم ... صار منهم يعنى هيا هتتعدى منك

انا بقى اللى بيتقالى بيتقالى عشان شكلى دا فى حاجات اغرب من شكلى خلينا ساكتين

كويس جدا يا لؤلؤه انك عندك هدف ودا فى حد ذاته تميز عن غيرك

بس عايز اقولك ما يحسد المال الا اصحابه واسأل مجرب

see you