الاحباط$ موضوع مهم للنقاش

احب اكون اول واحد اجاوبك عليهم

حسيتى بالاحباط كتير مره فى شغالى ومره فى دراستى ومره من البيت كتير قوى بس الحمد لله باحول اتغلب على جزء منهم

انما موضوع انك كيف تتخلص من الاحباط فا كل واحد مننا له شىء بيحبه مثلا الرسم القرأة بالنسبالى انا هقولك بعمل ايه

انا لما بكون مديق قوى من موقف بكتب كل حاجة فى ورقه واشرح الموضوع قوى اكنى بتكلم مع واحد وفى الاخر بقطع الورقة مليون قطعة او بحرقها ومن هنا بتغلب على احباطى

يمكن يكون كلامى يعنى مش لذيذ بس انا بعمل كده

تقبلى منى مرورى

يسعدنى طبعا الرد عليك جالاكسى

الصراحة مافيش حد فى الدنيا ما جالهوش احباط ... حتى لو مجاش دلوقتى بيجى قدام .

الاحباط بيجى فى بيت فى شغل فى دراسة فى صداقة فى حب فى أى حاجة .

بس القنوط واليأس مش من صفات المؤمن علشان كدا فى الاخر أول ما ترجع لربنا تلاقيك ارتاحت نفسيا والعمليه بدأت تتحسن أكتر .

الحمد لله لما يجيلى احباط من حاجة بقولم أصلى ركعتين لله وأقوله "يا رب انا جيت أصرفها اتقفلت من عندى ... يا رب صرفها من عندك بمعرفتك" .

وبعدها أقعد مع نفسى أشوف سبب الخلل فين والمشكلة من اية , والحمد لله كتير من المشاكل اللى أحبططتنى ساعتها بتتحل .

ميرسى على مروركو
ميرسى لساحر العيون والحل اللى عندك كويس وفعلا بيساعد على الخروج من الحالة دى
بس طبعا افضل حل زى ما قال مانو دى افضل طريقة تقتل الاحساس بالاحباط
وده فعلا اللى بعمله
ميرسى مرة تانية عالمرور

انا كتير والله جالي احباط وبيجي متتالي وارا بعضه لدرجه مبلحقش افوق من اللي قبله
وبجد طريقه الخروج من الاحباط هو الصلاه ودعاء الله دول بيخففو الصدمه بس في اولها بس ميحلهاش
تيجي تاني حاجه اللي انا بعملها اني بكتب اللي مزعلني اي كلام يعني مش مترتب زي(زهقانه اناعملت ايه يارب ساعدني وكده يعني )بس انا مبقطعهاش انا بطبقها واعينها عندي وبعد اسبوع اقراءها كان حد غيري هو اللي كا تبها واحل المشكلها

ده مولدى اثبتت فشلها انها تحدت الملل والاحباط ..... ياعم احباط ايه مين الى جاب السيره دى اصلا الدنيه جميله جدا برا والشغل مش لاقى حد يشغله والدنيه جميله وفيه تسهيلات فى الجواز كمان ممكن تقسط وحوارت الدنيه بقت حلوه اوى بره يا جدعان انا حاسس ان هيجى علينا زمن الناس هتبدا تتكلم فيه عن التفائل وهيبقى حاجه غريبه فى مجتمعنا ده ان مكنش ده حصل فعلا دلوقتى المتافئل ده غريب فى وسط الناس
ده الدنيه بقت جامده والحياه عادت سهله جدا ومعتش فيه مشاكل عند حد الناس بقت مش عارفه تودى الفلوس فين ولا تعمل ايه بكتر الحاجه الى عندهم الناس خلاص فجرت بقت بتجيب كيلو الفول مرتين فى السنه واللحمه اللحمه الى كنا زمان بنسمع انها باسعار وهميه بقت دلوقتى برخص التراب والناس بتجيبها كل عشر سنين مره ده انا حاسس ان الواد ابن اويه الصغير ده ابوه سن سنه وشهر اما يكبر كدا وانا اكبر هقوله انت كلت زمان حاجه اسمها لحمه واقعد اوصفله شكلها متخيل انا هيجى يسالنى يعمو يعنى ايه كلمه لحمه
الشعب بره مبسوط ومزقطط ومش عارف يودى الفلوس فين من فجر الشعب زهد اللحمه البلدى وبدا يدور على اللحمه المسرطنه بتاعه بره يعنى مشاء الله علينا مش ملاحظ ان كل كلامى عن اللحمه هعهههههههههههههههههه بلاش ياعم اللحمه احنا نتكلم عن الجاز خلاص زمن لتر الجاز ابو نص جنيه انتهى الجاز دلوقتى معتش بتلقيه نزل بنزين 95 حاجه كدا الى بتشغل الطيارات فووووووو
ولا ايه الاتوبيسات عادت فاضيه والمواصلات عادت مش لاقيه الى يركبها السواقين بقى غلو سعر البنديره وبداو يوزعو ملبس فى العربيه بدل الفضه علشان يجيبو الزباين تركب معاهم شوفتو الدنيه حلوه ازى خلاص يا جدعان كل مشاكلنا اتحلت
انا مقتنع ان البلد دى حلت كل مشاكل الشعب ماعاد كام حاجه
المواصلات والسكن ورغيف العيش والنصب على البنوك والغاز والصرف الصحى والمواد المسرطنه ومشاكل الشباب وقضت على المخدرات والحشيش والشركات الى بتنصب على الناس والاحتكار والحديد والدهب والمرتبات
يعنى اعقتد ان شويه الحجات دى هى الى بقت فاضله بس فى مشاكلنا حرام علينا بقى نقول احنا جلنا احباط خلاص هانت اهى يا جماعه كلها 400/700 سنه وكل حاجه تتحل يتهيقلى بقى محدش يفكر فى كلمه احباط دى خالص

ههههههههههههههههههههههههههههههههه عندك حق والله يا كيميائى
احنا بنتبطر عالنعمة ومش حاسين بيها
ميييييييييييرسى على ردك

هو حد عنده اعتراض فى الى قولته