ايه رايكم فى كليتنا

الموضوع حلو بس الغالبية العظمى دخلت كلية العلوم علشان التنسيق وكان حلمها الاوحد دخول كلية من كليات القمة زى طب وصيدلة وغبرها من نفس المستوى وكمان دة بردة مش فكر الطالب لوحدة بس كمان فكر اللى حولية بس لازم كلنا نعرف اننا بجد فى كلية جامدة جدا وكلها مميزات ولازم نكون بنحبها علشان نقدر نكمل فيها اما بالنسبة لارى انا بجد مرتاحة على عكس اول يوم عرفتة فية ان انا داخلة كلية العلوم علشان مجموعى كدة بس بجد مرتاحة اوى ونفسى ربنا يفقنى وكمان عرفت اصدقاء ربنا يخليهم لية وتيقنت انى مطلعتش فى النهاية خسرانة

انا عن نفسى شايفا ان كليتنا هى الكليه القمه فى الجامعه
وانا من اللى دخلو علوم عن اقتناع جدا ودايما كنت بحلم ادخلها
عشان بحبها اوى وبحترمها بكل حاجه فيها حلوه او وحشا
وانا دلوقتى فخوره جدا ان انا طالبه فى علوم المنصوره

بصراحه فى الاول كنت بكرهها الوقتى لو اى حد قال عليها نصف كلمه اقطعه الواحد بقا يحبها اوى لو مرحشى الكليه يوم يبقا ناقصه حاجه والواحد بقا يشتاق ليها faculty of death

انا هقول راى بكل صراحه انا الاول مكنتش فى علوم المنصوره بس كنت فى علوم اسيوط كانت فى حاجه بتعجبنى دى فيديو عن الكليه فى اسيوط


[ندعوك للتسجيل في المنتدى أو التعريف بنفسك لمعاينة هذا الرابط]



وانت داخل الكليه رمز جميل جدا يدل على راى فى كليات علوم كلها


رمز مقبره

الرمز مش باين فى الفيديو طبعا انتوا عارفين ليه


يعنى هى مقبر الطلبه اللى فشلو ا فى الوصول لاهدافهم

انا كمان دخلت الكليه عشان التنسيق وكان نفسى ادخل حاجه تانيه بس الحمد لله على كل شى واعتقد ان اجمل شى اكتسبته من دخولى الكليه دى هما اصدقائى اللى عمرى مكنت هلاقى زيهم ابدا وربنا يخليهم لى ويديمها علينا نعمه وانا اتمنى اننا نحقق حاجه من دخولنا كليه العلوم

بصراحة كليتنا دى من اجمل واحسن الكليات اللى تتحسس الواحد انه فخور بانه طالب فيها دا غير ان الواحد بيطلع بمعلومات هايلة من الكلية

هالكلية دى صدمة وغلطة حياتى دخلت كلية مش بحبها ولا بحب مجالاتها ولا بحب اروحها اصلا ومش لاقية نفسى فيه يمكن تكون كويسة لغيرى بس مش ليا حتى مش قادرة احقق الى انا عايزاه فيها مهما ذاكرت بس برغم دا مقدرش انكر مكانتها فى المجتمع يمكن تكون اسم كويس فى شهادة التخرجا

اولا شكرا على الموضوع
فى الاول كلنا دخلناها عن تنسيق وعند وليس حبا فى الكليه
كلنا كنا بنقول احنا مدخلناش هندسه ومجموعى كبير مش هدخل حاجه اقل من مجموعى طبعا
وغير كده محدش بيبقى عارف نوعيه الدراسه اللى المفروض هيدرسها كلنا بندخل على السمعه
هههههههههههههههههههههههههههههههههههههههههههههههههههههه
بس والله انا حبيت الكليه كتير لما تعمقت فى الدراسه والواحد حس انه ليه قيمه كبيره يعنى اى واحد فى كليتنا بياخد كم من العلم والمعلومات اكبر بكتير من اى حد فى كليه تانيه فى نفس مجاله
مثلا هندسه مش بياخد نص منهج علوم رياضه او فيزيا بمقارنه المناهج
صيدله مقابلها كيمياء باختلاف مواد التخصص
وغير كدا ان الدكاتره بتوعناعلى درجه عاليه جدا من العلم وبكده هما بيدرسوا فى كل كليات الجامعه تقريبا زى طب وصيدله وتربيه واسنان وغيرها من الكليات
وغير كدا ان اى طالب فى علوم كيمياء مثلا لو اجرى مناقشه فى الكيمياء التحليليه العمليه مثلا مع طالب صيدله هيعرف الفرق الكبير فى المعلومات
والكليه خلتنا نعرف حاجات كتير فى الحياه الواحد مكنش بيفكر هى جت منين ولا ازاى وفتحت مخنا

اسف على الاطاله بس دا كات راى بصراحه وشكرا على الموضوع

انا بحبها جدا لان بجد اعظم كلية

اي نعم ردي جاي متأخر بس تعرفو ان في واحد في يوم من الأيام كان حلم حياته ان يدخل كلية العلوم
من صغري وانا نفسي ادخل علوم
يعني 91%في الثانوية كويسة
كنت طاير من الفرحة اني دخلت علوم جامعة المنصورة
وبصراحة كان نفسي اطلع عالم فلك
والحمد لله انا علي اول الطريق
عديتالترم اللي فات ب جيد جداواتمن ان الجميع يحققوا احلامهم
بس لازم تعرفوا ان الطموح+الحماس للدراسة=مستقبل عظيم ان شاء الله

قبل ما ارد احب اعرفكم ان انا خريج حديث مش طالب
بس بصراحة الكلية مختلفة الي حد كبير عن ما كنت متوقع
الشغل بتاعنا مش قليل وبرده مش ذي ما احنا بنتمنا بس معقول
الكلية مفيدة جدااااااااااااا في الشغل ومفيدة اكتر في الحياة

والله انت كده طمنتنا شويه يا محمد

السلام عليكم ورحمة الله وبركاتة
انا الحمد لله وصلت رابعة وبستنى اليوم اللى هتخرج فيه ان شاء الله
كنت بكرة الكلية جداااااا اول ما دخلتها بس سبحان الله الكلية بتوحشنى جدا لما بتيجى الاجازة
الواحد مبيعرفش قيمة الحاجة اللى معاة غير لما بتضيع منة
علشان كدة لازم كل واحد يعمل اللى علية بضمير ويسيبها على الله هو مقسم الارزاق وينتبه لمزاكرته وميبصش وراه ولا ماضيه مع الثانوية العامة وربنا يوفق الجميع يا رب

السلام عليكم
انا شايفه ان من اهم الميزات فى كليه العلوم هى وجودها فى مصر اصلا
ان يكون فى كليه بتدرس كل انواع العلوم العلميه ودى خطوه كويسه جدا لكن للاسف المستوى مش عالى مش ده المستوى اللى يخرج ناس تفيد بلدهم بجد لان مستوى المعامل منخفض وكمان المعدات اللى موجوده فيها قديمه اوى وكمان فيه عدم جديه من بعض المعيدين والدكاتره فى التدريس لان فيه دكاتره بيشعرونا اننا بناخد المناهج دى عشان نعدى فى الامتحان وخلاص مش بيعلمونا ازاى نستفيد بيها ونطبقها فى حياتنا ونطورها وكمان الكليه محتاجه بكل ما فيها من دكاتره ومعيدين وطلاب وضوح هدف لهم يعنى كل واحد يفهم دوره كويس ويؤديه على اكمل وجه ويكونوا كلهم عندهم هدف واحد سامى انهم يفيدوا غيرهم باى طريقه عشان كده لازم الدكاتره والمعيدين يتكاتفوا مع الطلاب اكتر من كده
بالنسبه لاغلب المدرجات بالكليه فمساحتها صغيره نسبيا وكمان الاضاءه مش تمام اما بقه المناهج فهى كويسه جدا بس لو ادرست كما ينبغى وكمان لو مفيش حاجه منها اتلغت وبكتابه المذكرات باسلوب واضح وبسيط وبتشجيع الطلاب على البحث والاطلاع وتخصيص وقت فى المحاضره لمناقشه الطلاب فى ما تم قرأته سواء عن طريق مكتبه الكليه او بالانترنت

على فكره الكلام ده جميل جدا وفى منتهى الواقعيه اولا بلنسبه للمعامل فهى فعلا تحتوى على معدات لاتصلح للستعمال فنحن فى كليه العلوم اى اهم شى فيها هو العملى لذلك يارب الكليهتهتم بالمعامل اكثر من كده ثانيا بالنسبه للمعدين فان اغلبيه الموعدين كرهونى فى الكليه متأ سفه على الفظ ولكن فعلا بيتعملوا معنا بمنتهى الاهمال وخاصة فى المعامل ولكن للحق هناك بعض المعدين لا غبر عليهم يتميزون بالكفاءة والاحترام ولكن اريد اضافه اخيره للانصف ان معضم الدا كتره بيعملونا احسن معمله فاتحين مكتبهم لنا فى كل وقت وفعلا انا اشكرهم جدددددددددددددددددددددددددددددددددددددددددددددددددددددددددددددددددددددددددددددددددددددددددددددددددا وعلى فكره والله انا مبجملش :pale:

بجد يا هشام مافيش كلام يقال بعد هذا الكلام ربنا يوفقك

بصو يا جماعه هى كليه كويسه بس محدش مقدرها يعنى احنا بتعب فى الشغل فى الكليه وفى المذاكره اكتر من صيدله ومع ذلك مش لينا تكليف ولا الناس بتقدرنا انا شوفت فى صيدله فى شغلهم احنا ادق منهم فى الشغل بكتير هما بيحطو الحاجات على بعضها مش زينا لازم نسب مظبوطه ده غير ان احنا بنفضل فى الكليه للساعه 8 باليل اللى عمر ما فى كليه منهم بتقعد للميعاد ده ده غير حاجه مهمه جدا ان الطلبه فى الكليات دى بيلاقو احترام كبير من الدكاتره والمعيدين وبيعملوهم على انهم بنى ادمين على عكس كليتنا تماماااااااااااااااااااااااااااااااااااااااااااااا

ومع ذلك مش لينا تكليف

ههههههههههههههههههههه
يا سندريلا انتى عايزه تكليف
انتى تعرفى حاجه عن التكليف ولا تعرفى انها شغل ثابت بس لطلبة صيدله يعنى اى صيدلى هيلاقى وظيفه

انا اختى لسه متخرجه من سنه وخلاص على وشك تروح تكليفها
مسخره وبهدله غير انك بتفضلى اول 6 شهور من غير مرتب ولا اجازات
وتقريبا بتقبضى 60 جنيه
دا لو كمان جالك التكليف فى حته كويسه
يعنى فيه ناس جايلها فى المنيا طبعا عارفه المنيا فين
غير طبعا الكوسه
التوزيع بيبقى حسب الترتيب
بس لو عندك واسطه ممكن تبقى جوه المنصوره واللى اعلى منك فى التريتب يخرجوه بره
ايه رأيك
حلو التكليف ؟
بكره افكركوا
صيدله هتبقى زى تجاره كليه شعبيه

انا من الناس اللي كان نفسها تدخل كليه طب اسنان بس الحمد لله انا وقعت في كليه العلوم

ايوه بجد الحمد لله لاني بجد حبيت الكليه العظيمه دي جدا والله ودلوقتي لو رجع الزمن بيه تاني والتنسيق بتاعي جاب اسنان هقول لأ وهدخل علوم لاني حبتها جدا

اما للدراسه بقي هي المناهج لذيذه اوي بس احنا عندنا مشكله صغيره ليه احنا مش بنطبق عملي زي ما بناخد نظري كتير اوي كده


الواحد نفسه بجد العملي يكون وقته اكتير بكتير من النظري مش الواحد يروح المعمل وساعه ولا اتنين من الست ساعات بتوع العملي ويلا يا شباب الغياب علشان نروح

بجد هو ده اللي يكسف

ونفسي يتغير

سلامي للجميع