قرارات فى حياتى....و اخطاء ساغيرها

فى علم النفس
من الضرورى رفع الروح المعنويه للمرء باستمرار
و من اسرار النجاح الثقه بالنفس و بقدراتك حتى تستخدم قدراتك فى الاتجاه الصحيح لكى تحقق النجاح
ولكى نعالج عدم الثقه بالنفس او قله الثقه بها و عدم التقدير الكامل للقدرات الذاتيه لابد ان نوفر عشره دقائق يوميا لكى نستطيع ان نتذكر فيها اى موقف كويس احنا عملناه لانه بالتاكيد هيسعدنا و يرفع من روحنا المعنويه و يخليك عندك قدره اكبر على الاستيعاب و ثقه اكبر بالنفس و بقدراتك
---------------------------------
الجزء الثانى
بمناسبه الامتحانات نود ان نكون جميعا عونا لبعضنا البعض
فنحن عائله واحده وافراد العائله الواحده دائما يحبون الخير لكل منهم و يسعون لتحقيقه من اجل الاخرين
لذلك بلا كل واحد دخل امتحان و اجاد فيه و شاف انه كان متفوق فيه يقول لنا ايه اسباب تفوقه؟
وبرده ادينا بنفكر بعضنا بشئ جيد و بنرفع الروح المعنويه لبعضنا البعض
----------------------
انا مستنى الردود على السؤالين :
انت عملت ايه كويس اوى النهاره؟
ايه الفعل اللى انت عملته و اللى بجد كان مخليك سعيد النهارده؟
ايه اسباب تفوقك فى امتحان انت دخلته و كنت كويس فيه؟
و ايه للى ممكن نتجنبه عشان نتجنب عدم التفوق فى اى امتحان؟
لو انت مش لاقى حاجه؟ يبقى لازم بكره تدور على خير او اى شئ كويس تعمله لانك بكده ممكن تصبح انسان سلبى
و لو مش لاقى امتحان عديت عليه و كنت فيه كويس يبقى تابعنا و التزم معنا باسباب نجاح باقى افراد العائله(عائله منتدى علوم) و ان شاء الله تكون موفق فى امتحانك القادم
----------------
تم تغيير الموضوع برجاء الذهاب لاخر صفحه للمشاركه فى الموضوع الجديد
مستنى الردود..............

عدل سابقا من قبل مصطفى محمد في الإثنين فبراير 16, 2009 10:47 pm عدل 5 مرات

هبدأ بنفسى
انا النهارده وفرت لاكثر من زميل ورق كان من الصعب انهم يحصلوا عليه من اى احد اخر و انا كنت اخر امل لهم قبل الامتحان
بجد خدمه الناس و فرحتهم لما بعمل الخدمه دى بتخلينى سعيد جدا
--------------------------------
الموضوع ده مستمر يوميا عشان كل واحد يقول لنا هو عمل ايه
الله اعلم..............يمكن يعمل حاجه كويسه محدش تانى يكون بيعملها فكل واحد مننا يتعلم من الاخر عمل خير صائب
و يلا بينا ناخد ايد بعض للجنه بقى...............

انا طبعا قاعده فى البيت بذاكر
احسن حاجه النهارده انى خلصت جزء كبير
من الماده اللى همتحن فيها يوم الاحد
ادعولى

شكرا ليك على الموضوع

شكرا على الرد يا دعاء
بالنسبه للنهارده
انا برده خلصت فرع فى الماده اللى همتحن فيها و ان شاء الله الليله دى هبدأ فى الفرع التانى
و الاجمل انى هبدأ اذاكر ماده مش عليا الا فى اخر امتحان بس لان وقتها ضيق هحاول اخف مذاكرتها فى الاسبوع ده
---------------
اسف على الاطاله

خلصت فرع بيقال انه اصعب فرع فى الماده اللى همتحنها الاحد
و خففت هموم بعض زمايلى
الحمد لله

بجد موضوع جميل جدا شكرا ليك اما انا انا قربت اخلص الماده اللي هامتحن فيها ربنا معايا ومعاكوا ويوفقنا كلنا لو الموضوع استمر كدة احتمال كبير المدير يثبتة شكرا ليك

اولا احب اوجه الشكر علي الموضوع الحي هزا
بس بالنسبالي فانا لم ابدا يومي بعد
و لكن يكفي اني بدات يومي بالتواجد في المنتدى

انا بشكر كل اللى رد البئر و منى و قمر اليل
---------------
بتمنى يا منى ان الموضوع يستمر دائما فى القمه بس مش مهم يتثبت المهم انه يدخل الفرحه و السرور فى قلوبنا نحن اعضاء هذا المنتدى
---------------------------------------
النهارده بقى امتحنت اول ماده الفيزيا بجد انا واخد دافع كويس منها للماده القادمه وهى الحيوان
بس اكتر حاجه بجد فرحتنى النهارده انى حسيت انه فى ناس كتير زملائى فى الدفعه بيحبونى
وزى ما انتم عارفين انا اكتر حاجه بتفرحنى حب الاخرين دون مصالح او اغراض شخصيه او حتى مقالب
---------------------------------
ربنا يوفقنى و اياكم فى الامتحانات و ييسر لنا امرنا كله باذن الله

انا خلصت من امتحان بس كان كويس عقبال بقيت المواد زيه

ربنا يوفقك دائما يا دعاء
الحمد لله انك خرجتى من العضويه على خير وعقبال التحليليه و الغير عضويه
-----------------
ربنا يوفقنا جميعا
---------------------------------
بمناسبه اننا فى الامتحانات يبقى لابد ان يساعد كل منا الاخر فمن يدخل ياريت يكتب لنا سبب تفوقه فى امتحان لكى يستفيد منه الباقون ويكون له الاجر العظيم فى مساعدته للاخرين
------------------------------------------------------------------------------
ابدا بنفسى
لابد من:
1- الهدوء اثناء المذاكره و التركيز
2-بعد الانتهاء من المراجعه حل امتحانات سابقه فهى غالبا تتكرر منها اسئله
3-محاوله الهدوء فى اللجنه فالهدوء مسابقه من استطاع السيطره على اعصابه اسرع فى بدايه الوقت استطاع الاستفاده من وقت الامتحان فى الحل الجيد و المراجعه ايضا
------------------------------------------
ياريت اشوف ردودكم و نصائحكم

الحمد لله خلصت جزء هام فى الحيوان و ان شاء الله الليلادى هخلص الفرع الاكبر فى الحيوان

النهارده الحمد لله خلصت امتحان الحيوان
تقدروا تقولو انى الحمد لله حليت كويس
ادعولى
انا النهارده هبدأ بسرعه فى الماده القادمه لان الوقت صغير جدا
------------------------------
اهم شئ فى المذكره واللى اتعلمته من امتحان النهارده خد بالك من الاشياء الصغيره (بين السطور) اثناء المذاكره
------------------------------------
مستنى ردودكم......................

اه فعلا اهم حاجه بين السطور دي بجد فظيعه اما انا فحاول اذاكر بس مش عارفه يارب اعرف اركز بس انا الحمد لله كان الحيوان معقول بس سوسه جدا ادعوا لي بقي بصراحه مش عارفه ابدأ بأية ولا اية بس ربنا يسترها معانا كلنا

احسن حاجة تعمليها النووووووووووووووووووووووووووووووووووووووووووووووووووووووم

شكرا لمرورك يا بوسى
و بشكر حبيب قلبى العضو kanaria
-------------------------------
النهارده انا امتحنت حاسب الامتحان كان سهل جدا و الحمد لله و انا هبدأ اذاكر كيمياء النهارده ادعولى الكيميا صعبه و الوقت صغير

ربنا معاك يامصطفي اما انا الحمد لله الحاسب كان كويس بس انا بقي خايفه جدا من الكيميا دي ربنا يستر ولسه النبات ربنا يعديها علي خير

انا مش عارف اشكرك ازاى على الكلام ده
انت عارف انك مصدر سعادتى و محطم كابتى و معينى( بفضل الله) على كل صعابى
انا بحبك من غير سبب و بحنلك من غير مصلحه و بشتاق لك من غير ما ابعد عنك
فى ناس بنحبهم من غير سبب و مش عارفين ليه مثل حبنا للاب و الام
و انت يا kanaria
منهم بحبك مش عارف ليه
------------------------------------
انا النهارده خلصت نص الكيميا و لسه امامى النصف الاخر و المراجعه الطويله
----------------------
مستنى ردودكم ...................و ادعولى بالتوفيق

انا مش قادره اذاكر ولا اركز ومش عارفه اعمل اية ولا عارفه انا فيا اية بس مش قادره

الحمد لله انا دلوقتى خلصت النظرى و هبدأ بعد الصلاه فى المراجعه اللى هتاخد وقت جامد
ادعوا لى ...............بالله عليكم تدعوا لى باخلاص

السلام عليكم


لوسمحتم الانجليزي دا بيذاكر ولا ايه اخباره



ياليت المساعدة[i]