الجيش العربى

واحد اتنين الجيش العربى فين
الجيش العربى فى مصر
ساكن فى مدينه نصر
بيصحى من النوم العصر
وبيفطر شاى ومنين
واحد اتنين الجيش العربى فين
الجيش العربى فى سوريا
حالق عالموضه كابوريا
وعلى طريه فيكتوريا خلى التورماى بدوريين
واحد اتنين الجيش العربى فين
الجيش العربى الليبى
زى الفن التكعيبى
كله بتنجان يا حبيبى
الظاهر واخد عين
واحد اتنين الجيش العربى فين
الجيش العربى خليجى
لافيه حيل لايروح ولا يجى
هذا صمت استراتيجى
اش فيك يا غراب البين
اوحد اتنين الجيش العربى فين
الجيش العربى فى تونس
اخضر مثل البقدونس
وعزيزه بتعشق يونس
تبقى الحروبات بعدين
واحد اتنين الجيش العربى فين
الجيش العربى سودانى
سامع رنته بودانى
هو انا ههجم فردانى
يالا ارجع يا ابو حسين
واحد اتنين الجيش العربى فين
الجيش العربى اتهان
يوم ما اتضربوا الافغان
وسكت فالبوسنه زمان
واحد اتنين الجيش العربى فين