ناقش العضو اللي بعدك بسؤال ..!

نجحاتى فى الصيف ولا الهوا
مفيش انجازات قاعد بلعب
بينى وبين الكتاب مصانع الحداد بص الكتب دى مبفتحهاش الا فى ايام الدراسه بس الوقتى ممكن تسال وتقول ايه انجازات مع النت مع التليفزيون مع الكوره مع ..........
سؤالى بقه :
معنديش اسئله !!!!!!!!!!!!!!!!!!!!!!!!!!!!

بسم الله الرحمن الرحيم

جميل جدا سؤال حلو لأ اسئله حلوه

بصى انا هعتبرك زى سوسو بالظبط وهجاوبك

مع ان سوسو مش بتسأل كتير كده

بالنسبه لمعنى الحياه بالنسبه ليا

اعتقد بجد ان الدنيا اكبر مخادع واكثر الحكماء عقلا واشد الكائنات غرابه وجنونا

وفى نهايتها حقيره وبها حكمه من الله ليختبر بها خلقه

السؤال التانى بالنسبه لانى راضى عن حياتى

دا جزئين او ليه معنين

اما انى راضى بيها وتقصدى قناعتى فا الحمد لله على كل شئ كل لحظه اختبار من ربنا لينا

يا نفوز يا نخسر

وفى النهايه نرضى بقضاء الله

المعنى التانى انى راضى بحياتى او باللى انا فيه او اللى وصلت فيه

فا اجابتى اكيد لأ

لو انا رضيت باللى انا فيه يبقى حياتى انتهت لان مفيش حاجه جديده بطمح ليها

السؤال التالت اعتقد انه مكمل للسؤال اللى قبله لو مش قادر اغير من حياتى الظروف هيا اللى هتغير بطريقه جبريه

دوام الحال من المحال

سؤال سوسو الاخير

اقدر اقول عن نفسى مش وصف لانى مش هقدر اوصف نفسى

بس كتعبير انا بحس انى مميزعن غيرى مش متميز لأ مميز يعنى فيا حاجات بحس انها مش فحد تانى

يعنى باختصار بحس انى عندى ملكات مش فى غيرى

يمكن مش عارف اقول هيا ايه بس دا شعورى واللى مجننى بقى انى متأكد انى كده فعلا

تعبتينى بأسئلتك الكتيره يا سوسو ومش هرد عليكى تانى عشان انتى بتسألى كتير اوى

ولا يمكن انا اللى كبرت ومعنتش بقدر على الكتابه اسئله جميله يا سوسو

وانا مش هكتب سؤال لانك طلبتى اعضاء يجاوبوا مش عضو واحد

بس عضو واحد هوا اللى هيسأل

وانا مش الواحد ده

see you

سوسو
**سؤال جميل بس صعب اختزاله فى جملة ..
الحياة تعنى بالنسبة ليا .. الاختبار اللى ربنا وضعنا فيه
الحياة .. مكان كله حسنات و سيئات و الشاطر اللى يجمع اكبر كمية حسنات تدخله الجنة
الحياة .. الحب .. لان القلب الذى لا يحب هو قلب ميت
الحياة .. مشاركة و تفاعل مع الناس .. لان الانعزال زيه زى الموت
الحياة .. طريق طويل آخره بابين .. اللى مش هيلاقى فى حياته مفتاح باب الجنة هيدخل غصب عنه من باب النار و العياذ بالله
الحياة .. عيلة و اهل و صحبة و زوجة و اولاد و ناس بتحبهم و يحبوك
الحياة .. حلبة مصارعة .. اتنين بيتافسوا عليك
الحياة .. أمل .. لو عشنا من غيره نموت
الحياة لو قعدت اتكلم لبكرة مش هيكفى انى اقولك ماذا تعنى ليا الحياة

** هل انا راضى عن حياتى .. زى ما قال دوميكو راضى بكل ما اراده الله لى اما ان كنتى تقصدى تحقيق امنياتى .. لا اكيد نفسى فى اكتر من كده و لازم اشتغل اكتر و اتعب اكتر علشان اوصل للى باتمناه

** هل ممكن تتغير .. طبعا .. الانسان الجامد اللى مش بيتغير ده موقفه صعب اوى فى الحياة .. الحياة بطبيعتها متغيرة و لازم الانسان يواكب تغيرها .. بس المهم ان الحياة متجرفوش للتغير السىء .. اه بتغير و هافضل اتغير لكن باتمنى من الله انى اتغير للاحسن

** كيف ارى نفسى ؟؟ اممم .. بصى الناس انواع .. نوع شايف نفس حلو على طول و صح على طول و مش بيسمع للى حواليه حتى لو كانوا بيحبوه و يتمنوا انه يبقى افضل .. و نوع شايف نفسه وحش على طول لا عاجبه حياته و لا تصرفاته و لا لبسه و لا اى حاجة فيه باختصار كاره نفسه .. و نوع نادر بيقيم نفسه بموضوعية شايف الحاجات الكويسة اللى فى نفسه و شايف كمان الحاجات الوحشة و بيحاول يصلحها على قد ما يقدر
نخلينا فى السؤال .. انا شايف ان مش المهم انت شايف نفسك ازاى .. المهم الناس شايفاك ازاى .. مش علشان تبقى ملطشة لآراء الغير و انما لان حكم الانسان على نفسه صعب جدا .. فانا شايف ان الانسان يرى نفسه فى مرآة الناس ..

آسف لانى طولت اوى .. لكن اسئلتك كانت صعبة اوى و محتاجة اجابات طويلة زى امتحانات علوم
شكرا سوسو على الاسئلة

soso torieh كتب:

لؤلؤه مصريه كتب:

انا اول مره اشوف الموضوع ده
وسؤالى هل ليك صديق بجد تتمناله كل خييييييير من غير غيره ولا حقد؟؟؟

سؤالك جميل جدا يا لؤلؤة
الصداقه دي اروع شيء في الكون واكيد ماحدش يعرف يعيش من غير اصدقاء
المهم في الاول يحسن اختيارهم
واكيد لي صديقه بجد اتمني ليها والله كل خير
ومافيش حقد ولا غيرة لاي حد والحمد لله
بالعكس دا انا اتمني للكل سواء صديق او مش صديق كل خير
[color=red]ومرسي لسؤالك[/color

سؤالي انا بقي:...
ماذا تعني لك الحياة؟؟
هل انت راضي عن حياتك؟؟
هل بإمكانك التغير في هذه الحياة؟؟
وكيف تري نفسك؟؟


اه هما مش سؤال هما اسئلة بس انا بجد نفسي اشوف الردورد بتاع جميع الاعضاء مش عضو واحد
وبعتذر عن الاطاله....

الحياه اختبار صعب
الحياه طموح
الحيه حب
دا عشان تبقى الحياه كويسه وانا شايفه كده لانى متفائله
وانا الحمد لله مش راضيه عن حياتى خااااااااااااااااااالص
بمعنى انى راضيه بكل اللى ربنا يقسمه ليا ولكن....مش راضيه عن نفسى فى الحياه وبحاول احسن من نفسى وساعات بينفع وساعات فيه صفات مش قادره اغيرها .(ده بالنسبه لشخصى انا)
اما عن التغيير فى الحياه عامة ااااااااااااااااااااااااه ممكن اوىىىىىىىىىى
وانا قادره على كده بس برضه مش فى كل الحاجات اقدر اغير فيها فقط (يكفينى شرف المحاوله عشروميت مره كده)

ايه يا سوسو السؤال الصعب ده........شايفه نفسى ازاى
بصى بصراحه انا بحس ان ناس كتير بتشوفنى كويسه جدااا ولا كانى ملاك ...
بس انا مش شايفه نفسى كده انا انسانه عاديه خالص
بحب عمل الخير بس برضه عندى حته شر فى شخصيتى المستفزه
بس برضه بحس انى مميزه فى حاجات وده بفضل ربنا

الحمد لله مفيش دموع ولا حاجه
بس انا قصدى ان مبحبش حد يعرف انى بعيط خااااااااااااااااالص ولو طولت معرفش نفسى انى بعيط هعمل كده
ولا بحب اى حد يعرف عنى اى حاجه لانى كتومه بشكل كبيييييير