[ندعوك للتسجيل في المنتدى أو التعريف بنفسك لمعاينة هذه الصورة]
في السوبرماركت الكبير اللي بيقولوا عليه الايام دي هايبرماركت .. وبالتحديد في ثلاجة السمك قالت السمكة لصاحبتها :
- أنا شمة ريحة زفارة .. منين ياختي الريحة دي؟[ندعوك للتسجيل في المنتدى أو التعريف بنفسك لمعاينة هذه الصورة]
- يمكن الفراخ اللي جنبنا
- معقولة .. دي فرنساوي
- وإيه يعني .. يعني هية الفرنساوي على راسها ريشة [ندعوك للتسجيل في المنتدى أو التعريف بنفسك لمعاينة هذه الصورة]
- طبعا يا أختي .. على راسها وعلى كل حتة في جتتها .. مش فرخة
- صحيح .. إمال تفتكرى الريحة دي منين
- يمكن الهامبورجر اللي ورانا
- الهامبورجر الامريكاني !! .. مش معقولة أبدا .. أمريكاني وزفر .. ما تركبش يا حبيبتى
- لأ تركب وألف تركب .. أنا سمعت إنها كترت عندهم وبيصدروها اليومين دول للعالم كله !!
- بلاش لماضة ليحولوا الملف بتاعك لمجلس الأمن وتبقى حكاية[ندعوك للتسجيل في المنتدى أو التعريف بنفسك لمعاينة هذه الصورة]
- وحيعمل إيه مجلس الأمن بتاعك ده
- هوه مش بتاعي .. ده بتاعهم [ندعوك للتسجيل في المنتدى أو التعريف بنفسك لمعاينة هذه الصورة].. وعشان كده بيخوفوا بيه العيال اللي ما بتشربش اللبن الصبح
- خللينا في موضوعنا .. ريحة الزفارة دي جية منين
- شئ يحير ويمخول العقل .. الفراخ وفرنساوي والهامبورجر وأمريكاني إمال الزفارة دي فين
- يمكن الراجل اللي عمال يفعص فينا من الصبح ده
- بيني وبينك أنا شكة فيه .. باين عليه ما استحماش من السنة اللي فاتت[ندعوك للتسجيل في المنتدى أو التعريف بنفسك لمعاينة هذه الصورة]
- وليه عامل في نفسه كده .. د باين عليه راجل كبير في السن .. مش يحترم شيبته
- شوفي عمال يبص على الحريم ازاي .. يا راجل عيب دي قد بنت بنتك
- وحاطط لي سلسلة في رقبتك كمان !! .. إخيه عليك [ندعوك للتسجيل في المنتدى أو التعريف بنفسك لمعاينة هذه الصورة]
- ولا شوفي اللي جنبه دي كمان .. ولية قد جدتي ولابسه بنطلون كاوتش
- يمكن موضة
- يعني إيه موضة[ندعوك للتسجيل في المنتدى أو التعريف بنفسك لمعاينة هذه الصورة]
- الموضة دي عند بني آدم .. إن الواحد منهم يسمع كلام الترزية بتوع بلاد برة .. وزي ما يقول لهم الترزي يعملوا ..
- الحمد لله طول عمرنا عايشين في البحر مش محتاجين هدوم ولا ترزية!!
- ياختي بني آدم دول حيجننوني .. ربنا لما وزع الأرزاق على الخلق كلهم رضوا إلا ولاد آدم ما حدش رضي برزقه .. لكن لما وزع العقول عليهم كل واحد عجبه عقله وبس ..[ندعوك للتسجيل في المنتدى أو التعريف بنفسك لمعاينة هذه الصورة]
- على رأيك .. لما الواحد فيهم ما يفهمش حاجة يقولوا عليه حمار .. مع إن الحمار فاهم شغله تمام .. ولما واحد فيهم يطلع ندل مع صاحبه يشتموه ويقولوا له يا كلب .. مع إن الكلب وفي جدا لصاحبه .. ولما واحد منهم يلخبط أي لخبطة يقولوا سمك لبن تمرهندي .. واسألي نفسك ماله السمك وإيه عيبه اللبن والتمرهندي عشان يعتبروها رمز للخبطة البني آدمين.
- طب تصدقي بإيه؟
- آمنت بالله
- بيقولوا علينا إحنا معشر السمك إننا زفرين وإن احنا أس الزفارة
- فشر .. قطع لسانهم .. د إحنا طول النهار في المياة .. يعني آخر نظافة[ندعوك للتسجيل في المنتدى أو التعريف بنفسك لمعاينة هذه الصورة] .. الدور والباقي عليهم.[ندعوك للتسجيل في المنتدى أو التعريف بنفسك لمعاينة هذه الصورة]
- ومالك قرفانة منهم قوي كدة ليه
- من عمايلهم .. مبوظين الدنيا في كل حتة .. في الجو خرموا الأوزون .. وفي البحر رموا النفايات بتاعتهم .. وفي البر الأخ بيقتل أخوه عشان كرسي من الكراسي أم ظهر عالي !!!
- وبعد ده كله بتسأليني الزفارة دي جية منين؟ [ندعوك للتسجيل في المنتدى أو التعريف بنفسك لمعاينة هذه الصورة]
................
