| عمرنا ما عرفنا عن الانتحار غير انه حرام وفى الدين يعتبر كفر ويودى جهنم من غير كلام ولا حواديت ..بس فى بقى مفاجأة ...اننا لاقينا طرق انتحارات تدخلك الجنه وما تعتبرش كفر ولا الحاد ...بس قبل ما اقولكوا على الطرق دى لازم نكون متفقين ان الميت عند الحكومه يعتبر شهيد زى ما بيقولوا .. الطريقة الاول:::تجيب مقاول زى الفل وشوف طلباته ايه علشان تطلع ببيت دورين فى المقطم وما تقلقش كلها سنه او اقل كمان وتلاقى نفسك ارض ارض حتى الناس اللى حتفضل عايشه مش حيعرفوا يطلعوهم وبعد كدا نقول دا ذنب الحكومه هى اللى ما وفرتش سكن لينا علشان كدا روحت للعشوائيات [ندعوك للتسجيل في المنتدى أو التعريف بنفسك لمعاينة هذه الصورة].. الطريقة الثانيه:::دى بقى اشيك شويه اركبلك اتوبيس من اللى بيطلعوا الكبارى اللى بيبقى زحمه دا وتقف على بابه مانت حتعمل ايه يا مسكين بس للاسف مش انت اللى حتقع دا الاتوبيس كله حيقع زى ما حصل فى اتوبيس الجيزة كدا وكل اللى فيه ماتوا[ندعوك للتسجيل في المنتدى أو التعريف بنفسك لمعاينة هذه الصورة] ومن الطبيعي انك شهيد واهلك حيتصرفلهم معاشات وقلق جامد الطريقه التالته:::بعد صلاة الفجر تصلي ركعتين لله تودع بيهم دنيتك وتسلم على كل أهلك ومعارفك وتسدد الديون اللي عليك وتسيب وصيتك وتجهز نفسك للعملية الانتحارية.. لأ يا راجل.. يا راجل مش في فلسطين.. إحنا بنتكلم عن عملية انتحارية هنا في مصر بتحصل كل فجرية في طوابير العيش على الأفران البلدي ولو أخلصت النية لله هتموت يعني هتموت مالهاش حل تاني..[ندعوك للتسجيل في المنتدى أو التعريف بنفسك لمعاينة هذه الصورة] الطريقه الرابعه:::طبعا كلنا بنحلم بالعمرة والحج وبم ان تحويشه العمر مش حتكفى طيران يبقى عليك وعلى العبارة ويبقى الذنب ذنب ممدوح اسماعيل وبرضه الحكومه حتعتبرك شهيد الطريقه الخامسه وليست الاخيرة::::محدش فينا ماسمعش عن طريق المحور اللي المفروض إنه بيختصر الطريق.. وماحدش فينا برضه ماسمعش عن الحوادث والكوارث اللي بتحصل عليه كل يوم.. كل ما عليك بقى لو أنت وعايز تنتحر بشياكة إنك تتلكك وتروح أي مشوار بيعدي من على المحور، ولو حتى تروح تجيب من هناك ترمس، وساعتها هتلبس هتلبس مفيهاش كلام وتبقى برضه ميت شهيد على حسب تصريحات السيد وزير النقل والمواصلات والسيد وزير الصحة والسكان وقبل منهم السيد رئيس الوزراء وصورتك تيجي في الجرايد ببلاش من غير ما تكلف عيلتك حق النعي في صفحة الوفيات.. وصباح الخير يا مصر. [ندعوك للتسجيل في المنتدى أو التعريف بنفسك لمعاينة هذه الصورة] |
منتدى علوم المنصورة
