منحة ال 9 شهور

التعريف بالمنحة:

ماهو الـiTi ؟؟؟
كلمة iTi هي إختصار لـ
Information Technology Institute
معهد تكنولوجيا المعلومات
=================
ما هو المعهد ؟؟
المعهد هو معهد بتدرس فيه المواد اللي بتخص تكنولوجيا المعلومات و اللي بيكون السوق المصري محتاجها.
و ده الموقع بتاع lلمعهد
إضغط هنا لزيارة موقعي

ودة رابط عنوان وارقام تليفون المعهد

إضغط هنا لزيارة موقعي

هي منح إنك تدرس مواد تكنولوجيا المعلومات بدون أي مقابل و تؤهلك لسوق العمل
=====================
ما هي مدة المنحة؟

المنحة مدتها 9 شهور متقسمة علي 3 مراحل كل مرحلة علي حسب وسوف يتم شرح المراحل فيما بعد
المعهد من حقه يمشيك لو لقا مستواك ضعيف في أول 3 شهور يعني برده لازم تفضل تذاكر و تجتهد الـ9 شهور
الشرط الجزائي اللي بتمضي عليه بعد أسبوع من دخولك المنحة تقريبا وهو 16000ج
=========================

الدراسات المتوفرة في المعهد:

هتلاقي تراكات مختلفة تختار منها اللي انت عايزة ع الرابط دة
إضغط هنا لزيارة موقعي

التراك ده اللي حضرتك هتدرسه أو بمعني أصح المنهج
بس في المعهد بيسموه تراك و التراك ده بينقسم لحاجات كتير بقا إنت بتدرسها
زي بالظبط المنهج لما يبقا متقسم لوحدات و كل وحده فيها دروس

حلو أوي .. يعني و أقدر أروح لأقرب فرع و أدرس التراك اللي انا عايزة؟
لأ !! خلي بالك من النقطه دي
مش كل المراكز فيها كل الكورسات، تقدر تكلم المركز و تسألهم التراك ده متوفر عندهم و لا لأ
====================

إيه التراكات المتوفرة في فروع المعهد ؟
القاهرة : كله تقريبا
الاسكندرية : SD | Java | Unix | E-Learning | Multimedia
المنصورة و أسيوط : SWE
(طبعا في أقسام جديده كل سنه فخليك متابع)

هل صحيح زي ما سمعت إن القاهره ليها فرعين القريه و التاني في شيراتون ؟
ايوا !! فعلا في فرع شيراتون ورا النساجون الشرقيون و لو مش عارف تروح إزاي إدخل علي اللينك

إضغط هنا لزيارة موقعي

===========
كل تراك و بيكون ليه التخصص بتاعة ماعدا بعض التراكات لا تشترط شهادة معينة
يعني مثلا تراك زي الـميجاترونيك ده عايز واحد هندسه
و لو عايز تتأكد برده التراك الفلاني هينفع معاك ولا لأ بص علي الرابط ده
مكتوب كل قسم محتاج خريج إيه
إضغط هنا لزيارة موقعي

هو مش لازم يكون عندي خبره في المجال اللي انا هقدم فيه ؟
مش شرط !! كده كده لما ربنا يكرمك إن شاء الله و تتقبل هيقلوا لك أي حاجه إتعلمتها سيبها علي باب المعهد عشان هما هيأسسوك من جديد [ندعوك للتسجيل في المنتدى أو التعريف بنفسك لمعاينة هذه الصورة]
==================
الشروط و الاوراق المطلوبة:

لازم تكون خريج جديد يعني مايكنش فات علي تخرجك 3 سنين إلا لو كان عندك جيش فالسنه دي مش بتتحسب
مثلا حضرتك إتخرجت 2010 يبقا عندك 10 و 11 و 12

خريجي سنوات 2008 ، 2009 ، 2010 من الجامعات المصرية.
ألا يقل التقدير التراكمى للخريج عن جيد.
الموقف من التجنيد للذكور ( تأدية الخدمة / إعفاء مؤقت من 3-5 سنوات / إعفاء نهائى / تأجيل)
إجادة اللغة الانجليزية (TOEFL Minimum Score: 550)
إجادة استخدام الحاسب الآلى (يعني ماتكنش بتمسك الماوس بالشقلوب [ندعوك للتسجيل في المنتدى أو التعريف بنفسك لمعاينة هذه الصورة] )
إجتياز الاختبارات المؤهلة للبرنامج(سوف يتم التحث عنها فيما بعد)

(ملحوظة : الشروط ممكن تتغير فراجع موقع المعهد للتأكد)
=======================
الاوراق المطلوبة:

#شهادة التخرج بالكلية أو بيان نجاح معتمد موضحاً به تقدير التخرج.
#أصل شهادة الميلاد أو مستخرج رسمى منها.
#صورة البطاقة الشخصية أو جواز سفر فى حالة عدم توفر صورة البطاقة.
#أصل شهادة تأدية الخدمة العسكرية (للذكور) أو مستند التأجيل.
#عدد 2 صورة شخصة 4×6 .
#أصل شهادة TOEFL.
بس عشان إنت لسه بتقدم فكل الحاجات دي هتكون صور و الاصول لما تتقبل إن شاء الله

(ملحوظة : الشروط ممكن تتغير فراجع موقع المعهد للتأكد)
==========================
بخصوص الجيش ... لو أنا نص تاني أعمل إيه ؟؟
خلي بالك !!
لو إنت نص تاني لازم تعرف موقفك و إلا مش هينفع تدخل إلا طبعا لو إنت وحيد
أو عندك سبب مقنع إنك ماتدخلش الجيش عشانه فقول لهم و هما هيشوفوا ممكن
يعدوها

كان في سؤال نفسي أسأله ... سمعت إنهم مش بيقبلوا الناس الملتحية أو المنقبات؟؟
بالنسبه للناس الملتحيه فلازم يحلقوها قبل دخولهم لأن ممنوع قبول أي ملتحي
بس للمنقبات معنديش فكره خالص

في حالة إني إتأخرت في التقديم .. مش عارف التقديم قفل ولا لسه ... أعمل إيه ؟؟
تقدر تتصل بالمعهد نفسه و تسألهم
======================
كيفية الالتحاق:

أنا هروح و أديهم ورقي علي طول و أقول لهم أنا عايز أقدم ؟؟
لو
إنت عايز !! الافضل لك طبعا إنك تسجل علي الموقع بتاعهم الاول لما بفتحوا
التسجيل و بعد كده تروح لهم بعدها بيوم أو إتنين المهم ماتتأخرش
بس طبعا كل ما كان بدري كل ما يكون أحسن عشان الاعداد و الزحمة
هتروح هناك تقول لهم أنا اليوزر بتاعي كزا و دي أوراقي

لازم أقدم في نفس المحافظه اللي أنا فيها ؟
لا طبعا مش لازم !! إنت ممكن تكون في إسكندريه و التراك اللي إنت عايزه موجود في القاهره فممكن تقدم عادي

هو أنا لما بسجل بختار من الكليات الكليه بتاعتي ؟
بالظبط !! و إحتمال ماتلاقيش الكليه أو التخصص بتاعك
ماتقلقش كل ده ممكن تظبطه لما تروحلهم في المقر بتاعهم

في حالة إني سجلت مثلا .... و نسيت البيانات أو عملت حاجه غلط...هل هقدر أغيرها ؟؟
لأ ماينفعش، بس ماتقلقش كل ده تقدر تغيره لما تروح المعهد أو سجل أكونت جديد و إتعامل كأن شيئا لم يكن
لكن خلي بالك إن اخر ميعاد تلحق تغير الرغبات فيه قبل الانترفيو علي طول

هو لو شهادتي لسه ماطلعتش أعمل إيه ؟
بيان النجاح يكفى لحين عمل الشهادة

بعد كده هتملا ورقة رغبات و تكتب فيها ترتيب أولوياتك للتراكات
مع العلم إنك لو حطيت أكتر من رغبه هتعمل إنترفيو لكل تراك و هنتكلم علي الانترفيو كمان شوية
و الرغبات كمان ممكن تحطها أثناء تسجيلك للأكونت في الاول
و نصيحة مني ماتحطش رغبه إنت مش عايزها عشان ماتضيعش من عمرك 9 شهور في حاجه إنت مش بتحبها
بعد كدة،،،،
هيقولوا لك علي ميعاد عشان تيجي تمتحن فيه إمتحانات القبول بتاعتك و اللي لو عديت فيها هتأهلك للمرحله اللي بعديها
و ماتنساش لما تيجي تمتحن تجيب معاك البطاقة و الوصل اللي هتاخدوا منهم لما تروح لهم و انت بتقدم الورق
و صور كل الورق المطلوب قبل ما تروح
======================
إمتحانات القبول:

الامتحان
ده بيكون متقسم لثلاثة أجزاء و كل جزء بوقت محدد فلازم تكون سريع و طبعا
إنت هتكون مدرب نفسك كويس علي الموضوع ده عشان لسه الامتحان في شهر 7 مش
دلوقتي

ايه الثلاثة أجزاء بتوع الامتحان؟
الامتحان هيكون مقسم كالاتي:
إمتحان إنجليزي (من منهج التويفل)
إمتحان IQ عشان يعرفوا مستوي ذكائك هيمشي معاهم ولا لأ
و أخيرا إمتحان Personality
و طبعا كله علي الكمبيوتر

إيه الـPersonality ده ؟؟

لامتحان ده اللي بيعرفوا فيه شخصيتك يعني مثلا هيقلوا لك إنت قيادي ولا لأ
عصيبتك ممكن تخليك تعمل كزا
و الاجابات بتكون أوافق بشده – أوافق – نص نص – لأ –
نظام إستفتاء يعني

لكن أنا ماسمعتش إن في ناس إمتحنته السنه اللي فاتت
فعلا!! إمتحان الـPersonality كان للدفعة 2008 لكن مجاش لدفعة2009
لكن الله أعلم بقا السنه دي هيكون إيه النظام

الـIQ:

مسائل حسابية و الاشكال المتشابهة (رسومات)
طبعا بالاضافه بقا لأسئله متنوعة هتشغل فيها مخك برده
و خلي بالك إن في الامتحان ده الاسئله الصعبه في الاول
ف اللي مش عارفه سيبه

هو النجاح من كام؟
النجاح من 60% في الانجليزي و الاي كيو سوا

هو الوقت متقسم إزاي علي الامتحان؟
75 دقيقة تحل فيهم 22 سؤال إنجليزي
75 دقيقة تحل فيهم 35 سؤال IQ
(عدد الاسئله و الزمن بيتغير فتابع )

درب نفسك بأنك تحل إمتحانات إنجليزي و IQ علي قد ما تقدر
و خصوصا الـIQ لأن نص الاسئله تقريبا بتكون عمليات حسابية و باقيتها بقا اللي هي أسئلة ذكاء
وراجع القسمه المطوله Long Division
و كمان إتعلم إنك إزاي تضرب و تنقص و تتعامل مع الكسور( الـFraction و الـ(Decimal

هي الامتحانات متقسمه علي الايام ؟؟
لأ!! كل الامتحانات في قعدة واحدة و مدتهم كلهم ساعتين ونص

و بعد اما أمتحن هعرف النتيجه إزاي ؟؟
بعد ما تمتحن و تستني كام يوم (من 2 الي 7 أيام )
ولازم
تتابعوا معاهم اول باول عشان تعرفوا بالميعاد المقابله الشخصيه ومحدش يروح
عليه المنحه كلها اهاا ممكن تروح لو معرفتش ميعاد المقابله وعرفت اصلاااا
انك نجحتت
========
و لما أنجح إن شاء الله ... إيه بعد كدة؟
هتلاقي متحدد لك ميعاد الانترفيو عشان تروح تعمل مقابلة و ياسلام لو حظك كان رئيس القسم
بس ماتقلقش إتعامل عادي جدا و خليك علي طبيعتك

أنا في الاكونت بتاعي لقيت علامة الصح إتشالت من جنب الاوراق اللي سلمتها، يعني إيه ؟
مش معناها حاجه ماتقلقش، إعمل logout و إدخل تاني و هتظهر لك
===============
المقابلة الشخصية

لازم المقابله الشخصيه تكون بشكل رسمى يعنى الشباب لازم يلبسوا بدله وتكون من الالون ديه (( اسود .. رصاصى ..ازارق)))
هما
هناك بيهتموا بالمظاهر الكويس ... وبالنسبه للبنات برضوا لازم تكون رسمى
بس مش بدله يعنى بس متحسس نفسها انها رايحه فرح لا مقابله شخصيه وتكون نفس
الالوان

**فى المقابلة:
مش مطلوب منك إنك أي حاجه غير إنك تكون علي طبيعتك عادي جدا
مع العلم ... ماتحاولش تهزر إلا لو اللي بيعملك الانترفيو بدأ و برده ماتبالغش في الهزار
بلاش تتعصب أو ترد علي سؤال بأستخفاف أو إسهزاء لو كان حتي السؤال سخيف

يعني لو جه قال لك مثلا إنت شكلك مابتفكرش و دماغك علي طول واقفه
ماتدخلش شمال في الراجل عشان مايقلكش نشوف وشك بخير، خد ثانيتين فكر و رد عادي.
بلاش عصبية – بلاش إندفاع – بلاش إستخفاف دم كتير
==============
لانترفيوااااااااا(((( المقابله الشخصيه )):
بيكون كام واحد جوا و هل بنكون مجموعو مع بعض بتعمل الانترفيو؟
لأ يا سيدي هتكون لوحدك
و العدد بتاع الناس اللي بتعمل لك الانترفيو علي حسب نوع الانترفيو
بس معظم الانترفيوهات بتكون مش أقل من 3 و ساعات بيبقا ربنا كاتب لك
إن واحد بس هو اللي يعمل لك الانترفيو

يا تري هل هو إنترفيو واحد؟
إنت هيكون عندك إتنين ثابتين
واحد في التراك اللي إنت كاتبه في الرغبات و التاني اللي هو السوفت سكيلز soft skills
و عدد الانترفيوهات بتزيد علي حسب عدد التراكات
مثلا : رغباتك SE-Multimedia-ELearning
هتعمل إنترفيو عن الرغبه التانيه و التالته


كنت هنسي ... هما هيسألوني في إيه في كل واحد؟؟؟
بالنسبه للتخصصات : طبعا إسمك و خريج إيه و تقديرك و ليه عايز تغير المجال
هيسألوك عن مشروع تخرجك بالنسبه للأسئله المختصه بالتراك اللي انت بتقدم عليه و ليه إختارته
هيسألوك بس لو إنت قلت إنك بتفهم فيه و لو حاجه بسيطه

بالنسبه للسوفت سكيلز : أولا ده هيكون كله بالانجليزي، هما هيسألوك عن شخصيتك و ممكن مواقف لو إتحطيت فيها تعمل إيه و طبعا شوية puzzle حلوه كده
بالاضافه بقا للأسئله المعتاده اللي هي نقبلك في الدوره ليه و عملت إيه من ساعة ما إتخرجت و حاجات من دي.

لو عايز تعرف المقابلة نظامها إيه أكثر تقدر ترجع للموقع ده
واحد كاتب تجربته و شارح بالتفصيل عمل إيه و المفروض تقول إيه

إضغط هنا لزيارة موقعي

النتيجه النهائية بتكون إمتي بقا ؟
دي غالبا بيحددوا ميعاد مثلا علي أول شهر 9 و نتيجة الناس كلها بتظهر سوا
و طبعا بما إن هيكون في أسماء كتيييييير أوي فأنجز و دوس علي ctrl+F
و إكتب إسمك و شوف موجود ولا لأ في الصفحة
مالقتهوش جرب بقا تقرا إسم إسم عشان ممكن يكون مكتوب بس بحروف مختلفة

و لما ربنا يكرمني و أنجح إن شاء الله ؟
هتلاقي متحدد كيعاد علي الموقع بيقلوا لك فيه تروح تقدم الاوراق الاصلية بقا
اللي إنت قدمت صورها لما كنت بتمتحن
==================

نظام الدراسة

الدراسه هتبدأ إمتي ؟
السن اللي فاتت النيجه ظهرت 7 سبتمبر و الدراسه بعدها بأسبوع تقريبا

الدراسه هتكون عامله إزاي؟؟
شوف يا سيدي .. مبدئيا إنت لاااازم تروح أول يوم عشان تتعرف علي الناس و تعرف الحوار هيبقا ماشي إزاي
و خليك فاكر إنك رابح تتعلم مش عشان حاجه تانية
الدراسة هتكون متقسمة علي 3 مراحل

إيه هما الـ3 مراحل ؟؟
المرحله الاولي : Foundation
المرحله التانية : Focus Module
المرحله التالته : Graduation Project

تفاصيلهم كالاتي:-

المرحله الاولي (3 شهور) :
و دي اللي كله بيكون بيدرس فيها مع بعضه للسوفت و كل قسم تاني
لوحده،الفتره دي اللي بتشرح لك فيها المباديء و ماتنساش إن هيكون في
إمتحانات في النص كل شوية يعني لازم مذاكره علي طول و أول بأول

لمرحله الثانية (4 شهور) :
و هي التخصص و اللي بعد ما تخلص المرحله الاولي و تنجح في الامتحان تبقا
تتأهل لمرحلة التخصص و اللي فيها بقا هتدرس التراك اللي إنت إختارته.

المرحلة الثالثة (شهرين) :
اللي هتعمل فيها بقا مشروع التخرج بتاعك و طبعا شد حيلك في المرحله دي لأن
دي اللي هتعرفك إنت مدي إستفادتك من المنحه قد إيه. غير إن في المرحله دي
الشركات هتجيلك تعمل معاك إنترفيوهات و هنتكلم عن الموضوع ده بعدين.

و هيكون في كورسات إنجليزي ؟
اه إن شاء الله !! و مركز New Horizon هو اللي كان ماسك موضوع الكورسات الانجليزي بتاعة السنه اللي فاتت
و هتمتحن إختبار تحديد مستوي عشان يعرفوا هيبدأوا معاك من ليفل كام

العقد إيه نظامه ؟؟
العقد يا سيدي هتخلي إتنين موظفين يمضوا عليه و بعد كده إنت تمضيه
و مش شرط موظف بس المهم يعني يكون ضامن من الاهل مثلا
و الشرط الجزائي 16 الف جنيه لو هتسيب المنحه (إلا لو عندك ظروف فمش هتدفع)
لأن إنت كده ضيعت علي زميلك فرصه تانيه و الفلوس بتاعة دراستك تم دفعها خلاص
و لو مش عارف تجيب ختم النسر إبقا روح لشئون الطلبة

---------
هو مواعيد الدراسه بتكون كام ساعه في اليوم؟
دي بتكون إنت و حظك، يعني العادي من 9 الصبح لحد 3
ممكن تمتد ساعات الي 6 و 7 بليل و لو في مشاريع يبقا حظك وحش و إحتمال تقعد لـ8 بليل
و الباص اخره هيكون 5 و نص يعني تعمل حسابك في مواصلات برده
بس حضرتك طبعا لما تروح مش تروح 9 بالدقيقة
يعني روح قبلها إحتياطي بعشر دقائق ولا حاجه
--------------
الدراسه هتكون كل يوم ... مفيش أجازات؟
لأ هتريح في بيتكو جمعة و سبت
بس مش بعيد ينزلوك السبت لو إحتاجو (مهو إنت متفرغ بقا)
-----------
بالنسبة للمواصلات
في أتوبيسات بتاخد الناس من المواقف العمومية
زي مثلا رمسيس و التحرير و كده يعني
هتركب الاتوبيس و هو هيوديك لحد هناك
و طبعا هيكون ببلاش، هتلاقي خطوط سير موجوده في المعهد تبقا تشوفها عشان تعرف أقرب واحد ليك
-----------
إنت في المنحة بيتحدد لك مكافأة شهرية
بتعتمد علي التقدير بتاع كليتك و بتكون كالاتي:-
إمتياز : 1400 جنية
جيد جدا : 1000 جنية
جيد : 800 جنية
و دي بتاخدها بعد شهرين من بداية الدراسه يعني إعمل حسابك في مصاريف أول 60 يوم في المعهد سواء مواصلات أو أكل
و هيتصرف لك الشهرين سوا
-----------------
مصلحة أوي ... ده الواحد يروح عشان ياخد فلوس و يمشي.
إنت مش أول واحد يفكر في كدة و في غيرك برده عملوا كده
بس مش هتعرف تكمل صدقني
المنحة محتاجه مذاكره و مجهود كبير منك و لازم تكون داخل المنحة و حابب إنك تدخلها عشان تدرس قبل أي حاجه تانية
يعني لو دخلت عشان هدفك الاساسي فلوس أو فرصة عمل و أهملت باقي العوامل المساعدة هتلبس في الحيط و هتاخد شلوت علي بره. [ندعوك للتسجيل في المنتدى أو التعريف بنفسك لمعاينة هذه الصورة]
------------------------------------------
بس بعد ما أخلص هلاقي شغل ولا ؟؟
لو إنت ذاكرت و إجتهدت فعلا .. في المرحلة الثالثه من المنحة الشركات بتبدأ تعمل معاك إنترفيو
و بتكلم في شركات كبيره و عالمية و مش بعيد لما ربنا يكرمك الشركه تاخدك بره في فرعها اللي بره مصر
لو عايز أمثلة حيه علي ناس خريجه من المعهد و دلوقتي ماشاء الله عليهم تقدر تزور الرابط ده

إضغط هنا لزيارة موقعي

الكل هياخد لاب توب عشان يعرف يشتغل علية
و بيتم خصم جزء من المكافأة الشهرية اللي بياخدها.
بتكون تقريبا 400 جنية من المكافأة الشهرية بتاعتك
و مفيش حرية إختيار و هتاخده كده كده
و بتاخده كعهده و بتسلمه ليهم لو لقدر الله سقطت
-----------------------------
باخد الجهاز إمتي ؟؟
Intake30 أخدوا الجهاز يوم 21 أكتوبر و بعدها بكام يوم باقي الفروع
---------

هو أنا هتخرج و متأهل إني أنزل الشغل علي طول ؟؟
أكيد لأ !! بس إنت كده كده ممكن شركة تاخدك Training عندها لحد ما تعرف الشغل ماشي إزاي و لو أثبت كفائتك بتكمل
الموضوع
كله بيعتمد علي الـSelf Study يعني هما هيشرحولك أساسيات اللغة و إنت تجيب
كتب و تقرا بعد كده ثم متنساش إن المنحة دي 9 شهور بس و الحاجات اللي
بتدرسها لو هتدرسها بأحتراف المنحة هتبقا سنتين أقل واجب.
-------
بخصوص التخصص جوه هل همتحن تاني بعد ما أدخل ؟؟
إنت بعد المرحله الاولي اللي هي بتدرس مباديء الكمبيوتر و البرمجه تقريبا
بتدخل إمتحان و عشان يشوفوا مستواك و إتقبلت في قسم إيه
أو اللي هو إمتحان الـFoundation
لو سقطت أول مره إدفع 100 و خش الامتحان تاني و المره التانيه 250
و لو لقدر الله سقطت 3 مرات بتبقا مع السلامه من المنحة و بتدفع الشرط
لأن صعب أوي إنك تسقط جوا المنحة إلا لو إنت متعمد أو فيك حاجه غلط
-------------
ده غير الامتحانات الصغنونه اللي في النص أثناء الـ3 شهور
----------

هي الامتحانات الصغنونه دي هتكون عامله إزاي ؟؟
زي إمتحانات أعمال السنه و دي مش بتعرف درجتك فيها
إنت بس بتمتحن في الماده بتاعتك كل فتره و بتختلف الفتره دي علي حسب المنهج
يعني ممكن تمتحن مادة بعد أسبوع أو شهر
و اللي منها بيقدروا يحددوا أوائل الدفعة فشد حيلك إنت و ذاكر كويس
------------------
و إمتحان الانجليزي بتاع تحديد المستوي ؟
الامتحان
أنصحك ماتذاكرش قبله و إمتحن باللي عندك عشان لما تتحط في مستوي يبقا دا
فعلا مستواك و تستفاد بعد كده من كورس الامجليزي ده
هيكون عبار عن إنك هتدخل إنت و مجموعه لواحد كده و تدردشوا سوا اللي هو إمتحان الـOral
غير طبعا الامتحان الـWritten و الـListening
هتحل علي الورقه و في شوية حاجات تسمعها كده و إنت بتحل
يعني السؤال مثلا يكون سمعي و الاجابه كتابية
---------------------------

إتقبلت في قسم إيه ... هو في تحويل بعد م أدخل ؟
أيوه !! لكن مايكنش من ترال لتراك تاني
لكن لو إنت مثلا في السوفت وير و كنت مختار ERP و قلت لأ هاخد Java فدي ممكن

إيه نظام الكتب بقا اللي هناخدها ؟
الكتب مش هتكون ورق، يعني ملفات PDF – Word – PowerPoint
لكن ....... لازم برده يكون معاك كشكول و قلم و تكتب ورا اللي بيشرح لك
لأن مش كل حاجه بتكون موجوده في الملف
--------------------
هو بعد ما أخلص و أنجح إن شاء الله ... الشركات هتاخدني بقا ولا إيه؟
بص يا سيدي، يا إما إن شاء الله هتشتغل في شركه محترمه أو هيبقا ليك فرصه إنك تاخد ماجيستير في جامعه من الـ6 جامعات بره مصر
من أمريكا و بريطانيا و المانيا و السويد و بتعملها في جامعة القاهره + جامعه أجنبيه من دول
و دي هتكون مدتها سنه
أو تسافر بره 3 شهور و تاخد كله علي حسابك بقا اللي هيكون حوالي 20 الي 30 الف جنية

هو مجموع درجاتي بيكون درجات المقابلة + الامتحان؟؟
أيوا !! حضرتك ممكن تحل حلو في الامتجان و تعك في الانترفيو بس الدرجه بتاعتك تدخلك عادي
و ممكن العكس برده و تدخل لكن ماتحطش في دماغك إنك ممكن تقع في حاجه
إن شاء الله هتحل حلو و هتخلي أعصابك هادية في الانترفيو

لو حبيت أروح بنفسي و أسألهم ... أنا في القاهرة أبقا أروح إزاي ؟
فرع القاهرة يا سيدي هتلاقية في القرية الذكية
أنا عن نفسي بركب لحد رمسيس و من رمسيس إسأل فين عربيات أكتوبر
و
لما تركب عربيات أكتوبر قول للسواق عايز أنزل عند "نزلة الصحراوي" أو
"السلم الصحراوي" و إنت أول ما تنزل هتلاقي ميكروباصات بتقول "قرية قرية"
إركب و إنزل و إسأل أي حد فين معهد الـiTi هتلاقي مليون واحد يدلك
هو عموما علي بعد حوالي 200 متر من مكان ما هتنزل (ده تقريبا)
إنت كده كده أول ما هتدخل هتلاقي مبني "إكسيد" قدامك، كمل لحد عنده و إنت هتلاقي المعهد وراه

نصائح قبل بدء المنحة:

*
تدرب نفسك علي أسئلة أي كيو كتير و اللي الهدف منها تنمية ذكائك مش تدريب
عشان تدخل الامتحان و تعدي فيه لأن كده مش هتعرف تكمل في المنحة و وتلاقي
وقت تحل من كتب الـIQ اللي بالـ200 صفحة

* خد فرصة (لطلبة الحاسبات) إنك تراجع علي اللي إنت درسته في الكلية أو المعهد عشان دي دراسة 4 سنين من عمرك مش هتلمها في شهر

*
إرجع لمشروع التخرج بتاعك تاني و إبدأ ذاكره و شوف لو في فكره ضيفها عشان
لو إتسألت فيها (عشان إحنا يا بتوع حاسبات اللي هنتظلم و هنتفحت أسئلة)

*إقرا عن شوية معلومات عامة من و إقرا جرايد و إعرف أسامي الوزارات و الاحداث اللي في مصر و بتدور حوليك.

*
ذاكر الانجليزي و درب نفسك علي النطق الصح و الجرامر (إتكلم مع أجانب و
إتفرج علي أفلام من غير ترجمه و إسمع أغاني أجنبي عشان تجيب منها كلمات
علي قد ما تقدر و صدقني ده أحسن إختبار للـListening)

*بعض الناس
بتقطع في الكلام في الانجليزي عشان تقول جمله مفيدة عشان مش بتجمعها في
دماغها (و الموضوع ده انا كنت بعاني منه)و دي حلها هي إنك تدرب كتير و
إتكلم مع أصحابك و حتي لو الانجليزي بتاعك (إنجليزي ده يا مرسي)مع التدريب
هيتحسن

*اللي مايعرفش يعني إيه كمبيوتر أو عمره ما إتعامل معاه قبل كده يبدأ يعرف مباديء

*
اللي عايز يختار تراك و هو ميعرفش عنه حاجة ، إبدأ من دلوقتي خد فكره عنه
لأن التراك الواحد فيه حاجات كتير و مش عيب إن الواحد يكون عارف حاجه ولو
بسيطه في كل حاجه

* لو عندك رهبه من الانترفيو أو عمرك ما عملت
واحد إبدأ قدم في شركات و إعمل إنترفيهوات عشان بس تعود نفسك علي جو
الانترفيو و أنصحك بأنترفيوهات الكول سنتر زي Wasla - Raya - Etisal و
خصوصا إن الانترفيو بتاعة الاي تي اي مش زي أي إنترفيو تاني ممكن تعمله.

*إلحق
خد شهادة الـICDL و الـTOEFL عشان لو لقدر الله مقبلتش في المنحة دي تلحق
تدخل منحة الـMCIT بالاضافه لأننا مش ضامنين ليكون معهد الـiTi طالب شهاده
منهم أثناء التقديم السنه دي.