بسم الله الرحمن الرحيم
المكان : فصل من فصول احدى المدارس الابتدائيه
الزمان : الحصه الرابعه – فى يوم من ايام ربنا -- التاريخ : 1993
الحدث : حصة قراءه
المشهد
مدرس يدخل الى الفصل مسرعا – حاملا فى يده اكوام من الكراريس التى تتطلب الكثير من الجهد لتصحيحها --
يطلب من احد التلاميد ان يمسح السبوره -- ثم يلقى عليها بعض الكلمات ( لزوم الشغل ) ثم يطلب من التلاميذ – الذى كنت احدهم – فتح كتاب القراءه على درس
) العالم سنة 2000 (
فتحنا الكتاب – بدأ احد التلاميذ يتهجى الكلمات – والمدرس يصحح له احيانا ويشرح المعانى احيانا
بدأ الدرس بتصور للمستقبل – القريب - - وعما سيحدث من ثوره للعلم والتكنولوجيا
انبهرت بالسياره التى ستعمل بعصير القصب
[ندعوك للتسجيل في المنتدى أو التعريف بنفسك لمعاينة هذه الصورة]
– كوباية عصير بربع جنيه – يخليك تسافر للقاهره وترجع
ياحفيييييييييييييظ يارب
وانبهرت اكثر حينما سمعت المدرس يشرح التطور المذهل للنقل والمواصلات
فبإمكان الفرد ان يتنزه – لا الى حديقة الحيوان كالمعتاد --
بل بإمكانه ان يؤجر سفينه فضائيه ويذهب ليزور خالته على سطح القمر – ومافيش مانع انه يبات عندها يوم ولا اتنين --انما لو وراه شغل تانى يوم – مافيش مانع انه يقطع تذكره عوده فى السفينه – الفضائيه – ويعود فى نفس اليوم عشان يلحق شغله
[ندعوك للتسجيل في المنتدى أو التعريف بنفسك لمعاينة هذه الصورة]
اتسعت افواهنا – ولا ادرى ما العلاقه بين فتح الفم و الفهم فى تلك المرحله السنيه – وسرحت
سفينه فضائيه – و صعود على سطح القمر – وسيارات تعمل بعصير القصب
وانسان الى ينفذ لك كل طلباتك
[ندعوك للتسجيل في المنتدى أو التعريف بنفسك لمعاينة هذه الصورة]
يعنى أروح البيت أرمى له الشنطه بتاعة المدرسه واقول له يكتب لى الواجب ويذاكر بدالى على ماسيادتى يروح يلعب شويه مع العيال –ياااااااااااااااااااااااااااااااااااااه
ده العالم سنة 2000 ده هيبقى عالم جميل اوى اوى
وتمنيت ان اكبر لأرى بعينى تلك المعجزات وكل يوم انظر للقمر ( جايلك – جايلك ياقمر )
و
و
و
وكبرت
واصبح العالم سنة 2000
تخرجت من الثانويه العامه
وانتظرت كثيرا سفينة الفضاء – وتسلحت بالعديد والعديد من اعواد القصب
– فأنا انوى اللف والصرمحه كثيرا بالعربيه اللى بتمشى بعصير القصب --
وكل يوم انظر للقمر واقول له ( فاضل على الحلو دقه --
لم يساورنى الشك اطلاقا فى صدق ماقراته فى كتاب المدرسه
وعلى الرغم من مرور الايام – ولم يظهر لا الانسان الالى ولا السياره التى تعمل بعصير القصب – ولكنى كنت مؤمنا – مقتنعا بأنها لابد وانها مخزنه فى مكان ما وسيأتى لها يوما لكى تظهر فى عالمنا
وبرضه كل حاجه لازم لها وقت للتجهيز
اكيد بيفكروا العربيات القديمه دى هتروح فين - ولا الاتوبيسات ولا القطارات
واكيد برضه محتاجين وقت يعملوا محطات على سطح القمر لاستقبال السفن الفضائيه المحمله بسكان الارض
واكيد محتاجين وقت عشان الانسان الالى ( يتبرمج ) على مصطلحاتنا المصريه الجديده امثال انتخه و تمبله وروشنه
أكيد اليوم ده جاااااااااااى
معقول كتاب القراءه هيكدب ؟؟؟
ومرت سنة 2000
وبعدها 8 سنوات
ولازال كل شىء حولى على حاله
بل قل لو شئت – زاد سوءا
قطارات تصطدم
[ندعوك للتسجيل في المنتدى أو التعريف بنفسك لمعاينة هذه الصورة]
و
عبارات تغرق
بنزين غالى - ومش موجود
[ندعوك للتسجيل في المنتدى أو التعريف بنفسك لمعاينة هذه الصورة]
هل كان كتاب القراءه يكذب ؟؟؟
هل كنا نتعلم اشياءا من وحى الخيال ؟؟
ام ان الكتاب صادقا ولكن سقط ( صفر ) سهوا من عنوان الدرس
فكان العنوان الاصلى
-- العالم سنة 20000 --
--- عشرين ألف -- -
عشان الصفر اللى بيقع كتير ده
لازلت اتمسك بالامل ان تظهر سيارتى القصبيه
واركب تلك السفينه الفضائيه المنتظره
وازور احد اقاربى على سطح القمر
وفى النهايه
حتى لاتكذب كتب القراءه مره اخرى
وعشان مايطلعش واحد زيى بعد ( عشرميت سنه ) يقول كتب القراءه كدبت عليه
مارأيكم لو كتبنا نحن تصوراتنا وتخيالتنا للعالم سنة 20000
تفتكروا العربيه بتاعة القصب دى هتمشى فى شوارعنا ؟
وفى فعلا رحلات للفسحه على سطح القمر
ولا للاسف سيبقى الحال على ماهو عليه
سؤال يتردد كثيرا
والاجابه عليه فى ( العشرميت ) سنه القادمه
[ندعوك للتسجيل في المنتدى أو التعريف بنفسك لمعاينة هذه الصورة]
منتدى علوم المنصورة
