بعض المواعظ للاعتبار بذكر الأقوال والآثار


ـ معاهدة الدفاع العربي المشترك لا تلزمني اطلاقاً بالدفاع عن لبنان أو أى بلد عربى آخر
ـ معاهدة الدفاع العربي المشترك تلزم مصر بالدفاع عن الكويت أو أى بلد عربي آخر يتعرض للغزو
-الرئيس مبارك في مناسبتين مختلفتين-
*******
كل البني ادمين دول بيتضربوا فى خلاط واحد بس.. اسمه خلاط لقمة العيش
يتضربوا فى الخلاط ويتعملوا كوكتيل على كيف ومزاج الراجل اللي بيدوس على الزرار سعادتك
والزارير كترت في البلد دي أوي
-محمد سعد-بوحة-
*******
اجرحني يابابا خميس علشان السيرك يعيش
-محمد صبحي-
*******
لا شيء أسوأ من الحبيب الذي يفرّق بين صديقين
إلاّ صديق يفرّق بين حبيبين
-.....-
*******
الشوارع حواديت
حودايه.. الحب فيها
وحودايه.. عفاريت
-أحمد مصطفى-
*******
زمنك وزمن اللي في سنك متنيّل بستين نيلة
-راجل كبير فى السن-
*******
عيّط لأمك وهات بريزه
-راجل بيبيع بليله-
*******
يا عزيزى كُلنا لصوص
-محمود عبد العزيز-
*******
ـ الراجل بتاع الكبده ده السندوتش عنده بـ 2 جنيه
ـ لا ياعم بقى بـ 5 جنيه
ـ ايه ده, هوّ بقى يحط طحينة؟
ـ لأ, بقى يحط كبده
-....-
*******
منين أجيب ناس لمعناة الكلام يتلوه
-نجيب سرور-
*******
لايمكننا حل مشكلة بإستخدام نفس العقلية التي أنشأتْها
-اينشتاين-
*******
في اطار الخطة العامة لترشيد النفقات تقرر بشكل نهائي ضم عيد الأم وعيد الحب وعيد العمال فى عيد واحد باسم: عيد حب أم العمال.. حيث يذهب العمال فى هذا اليوم الى مصانعهم لابسين تي شيرتات عليها دبدوب وماسكين في ايديهم المفتاح الانجليزي الحديد.. لتصبح الأغنية الرئيسية لهذا العيد: ست الحدايد يا حديدة
-سيد أبو حفيظة-نشرة أخبار الخامسة والعشرون-
*******
من حق المواطن "جمال مبارك" الترشح لرئاسة الجمهورية
-تصريح لمسؤل مش عاوز افتكر اسمه-
*******
"مطلوب فتاة حسنة المظهر للعمل بالمحل"
-محلات كتير-
*******
كلنا زبالة وريحتنا فاحت
-ليلى علوي-
*******
أه يا زمان العِبَر
سوق الحلاوة جَبَر
احنا اللى كانوا الحبايب
بيسافروا بينا القمر
بقينا أنتيكة
-عبد المنعم مدبولي- فيلم مولد يا دنيا-
*******
ايديا ف جيوبي وقلبي طِرب
سارح ف غربة بس مش مغترب
وحدى لكن ونسان وماشي كده
بابتعد ما عرفش أو باقترب
-محمد منير-
*******
طاب قوليلي بحبك وانا اسيب إيدك
-شاب على الكورنيش-
*******
لو‏ حسيت‏ ‏وانت‏ ‏بتقرا‏ ‏إن‏ ‏إنت‏ ‏اللي‏ ‏كاتب‏ ‏الكلام‏ ‏ده‏.. ‏او‏ ‏إنه‏ ‏هو‏ ‏بالضبط‏ ‏اللي‏ ‏انت‏ ‏بتفكر‏ ‏فيه‏..‏
يبقى -الحمد‏ ‏لله‏- ‏العملية‏ ‏نجحت‏
-محمد عبدالله-الكلام كلامنا -مجلة الشباب-
*******