من انت في هذا المنتدى؟؟

Mano كتب:

أنا مانو [ندعوك للتسجيل في المنتدى أو التعريف بنفسك لمعاينة هذه الصورة]

شوف يا ويكا أنا شايف إنه صعب إنك من رد كل واحد فى المنتدى على المواضيع تعرف توصفه فى سطرين زى ما وصفت فوق النوعيات المختلفة

لأن محدش بيوحد ردوده فى كل المواضيع ... ( كلنا بنوحد ربنا طبعا )

والموضوع نفسه وطريقة العرض ومدى صحة المعلومات هو اللى بيحدد طريقة الرد عليه

يعنى لو موضوع حصلت علي إستفادة منه بشكل جديد عليك ولم يسبق لك التعرف عليه فلا تملك امامه سوى الشكر

ولو موضوع ليك تجربة أو رأي فيه هتشارك وتوافق على اجزاء وتعارض فى اجزاء

ولو موضوع مش عاجبنى وكنت متضايق شوية ساعتها لانى شايفه غلط بكل المقاييس ههاجم وهعارض وهتعصب

فساعتها أى حكم ينطبق عليا ؟ ... انى شخص مجامل وبشكر وخلاص ولا شخص متفتح العقل وبشارك ولا شخص عصبى ومتقلب ومش متفتح الذهن ؟

ولكن ممكن نقول مجمل مشاركات العضو بيدخل عندك فى تصنيفين

1) إما عضو جاد وداخل يفيد ويستفيد ويتعلم حاجة جديدة ويقدم ما عنده علشان يعلم الاخرين ويحصل على قيمة جديدة يضيفها لرصيده سواء كانت قيمة دينية أو اجتماعية او علمية او غيرها

2) وإما عضو متقلب المزاج وغير محدد الهدف داخل المنتدى وبيقضى وقت لو استفاد يبقى تمام ولو مش استفاد يبقى كل وقت فى الهوا

ودا التوصيف السليم لنوعية الأعضاء فى أى منتدى فى رأيي المتواضع

لكن التوصيفات اللى ذكرتها دى شايفها توصيفات وليدة اللحظة وتنطبق على الشخص من موقف او رد خاص على موضوع خاص فى موقف خاص وليس على مجمل كلامه او مجمل شخصيته ومحصله اسلوبه فى المنتدى

هذا والله اعلم والله وأكيد أحب أسمع أراء الشباب اللى هيقرأوا الموضوع الجميل دا

تسلم إديك وللأمام دائما