جهزي نفسك عشان في عريس جي يتفرج عليكي باليل!................مناقشه مفتوحه

i think there is not aproblem in that .the lovers also have afrist meeting then they love each other.so when someone come to see me it is ok for me. my feeling is normal like talking with any body at frist time . at least i will not loss any thing . if he refused me , i will remove it as nothing is done . there isnot any problem to make this again
thanks alot

يعني حضرتك مش هتحسي بأحراج ولا اي حاجه خالص عادي
يعني لما تحسي ان انتي بقيتي حاجه او شئ الناس بتتفرج عليه لو عجبته اوك لو ما عجبتهوش يشوف غيره ؟
على العموم شكرا على المشاركه

الناس دى مش بتعمل كده بمزاجها ممكن يكون العريس جى من بره و مش لسه هيدور هو بنفسه فبيعتمد على امه مثلا
او يكون طيب و ملهوش فى الطور او الطحين و ميعرفش ينقى هو
و الجوازات دى نسبتها كويسه فى النجاح
و بينى و بينك اسال مجرب ولا تسالش طبيب

انا مش موافقه ع انى اكون فرجه لحد وامى كانت بتصر ع انى اقابل العرسان اللى بيتقدموا لى لكنى كنت بصر ع موقفى

لحد اما ربنا وفقنى وقابلت شريك حياتي وجه واتقدم لى وطبعا زى كل قصه حب لازم الاهل يرفضوا فى الاول لكنى اصريت عليه وهو كمااااااااااااااااااااااااان

والحمد لله اتخطبنا لبعض

لان دى حياتي انا مش حياتهم هما ودا مستقبلى وانا اللى لازم احددة مش اى حد تانى

موضوع جميل فعلا لانك جبت كل اللى فى دماغى
انا فعلا مش ممكن اقابل عريس الساعه 8 خالص
بس ممكن 9 عادى
لا طبعا بهزر
استحاله طبعا ليه يعنى هو ييجى يتفرج عليا وانا اتفرج عليه وفى الاخر يوافق بناءا على الشكل بتاعى بس مش على الشخصيه ليه يعنى
انا عن نفسى ماما ضدى ودايما تقولى هو كل الناس بتتجوز كده بس انا مالى ومالهم كل الناس تتجوز كده براحتهم عادى لكن انا لا
لكن اللى بينقذنى من الموضوع ده هو بابا لانه برده رافض زيى الجواز اللى من النوع ده او بمعنى اصح بيتلكك علشان هو مش عايزنى ابعد عنه واسيبه واتجوز
وبما ان احنا عندنا زى اى بيت مصرى شخصيه الرجل اقوى من الست فبعد النقاش بابا بينتصر الحمد لله على ماما
بس ملحوووووووووووووووووووووووووووووووووووووووووووووووووووووووووووووووووووووظه
مش عايزه كلامى يتفهم غلط
لا خالص والله العظيم انا طول عمرى ضد الفكره دى تماما ايه يعنى اللى يجبرنى انى اعمل حاجه حراااااااااااااااااام وطبعا مش محتاجه اثيتلكوا انها حرام
لان مجرد ان اى بنت تتكلم مع ولد وتوعده بانهم لبعض فى المستقبل والكلام الاهبل بتاع الناس الفاضيه دى ده طبعا حرااااااام مش هتكلم فى كده لان طبعا كل الناس عارفه كده سواء كانوا بنات بيكلموا ولاد او العكس او حتى مبيكلموش خالص
لان مفيش اى حاجه تجبر اى انسان انه يعمل حاجه من ورا اهله ومن ورا الناس ويضطر يكدب وكل ده
يعنى ولا جواز صالونات ولا جواز اهبل من بتاع الارتباطات والكلام الهبله دى
هتقولولى زى كل اصحابلى وزى كل الناس امال انتى عايزه ايه
هقولكوا الجواز الطبيعى اتنين يكونوا بيشتغلوا مع بعض مثلا وعارفين بعض وبيتكلموا وكل حاجه بس فى نطاق الشغل او يكونوا قرايب وعارفين بعض
او يكونوا متقابلين فى نادى وحد عرفهم على بعض او او او
المهم يكونوا عارفين بعض فى النطاق العادى وشافها وشافته وهما مثلا فى الجامعه وطبعا كده بيكونوا على طبيعتهم على الاخر
يعنى من الاخر رايى ان الجواز يكون ان كل حد شاف التانى على طبيعته من غير ما يكونوا فى حاجه بينهم وعرف شخصيتها الحقيقيه مش اللى هتمثلها لما تبقى عارفه انه عريس جاى يخطبها
يعنى لما واحده مامتها تقولها جهزى نفسك جايلك عريس الساعه 8
المفروض انها هتعمل ايه
طبعا اكيد ولازم تقوم وتفكر هتلبس ايه وتحط 10 كيلو حاجات على وشها
ومحدش يحاول يقنعنى انها هتبقى داخله عادى كده ومش مكسوفه
وهيبقى نصف الكلام اللى بيقولهولها مش عارفه ترد عليه وقاعده تتلجلج فى الكلام وبالنسبه لنفسى لو هقابل حد بالطريقه دى فى الغالب هيخرج يقول عليا خارسه
ومش ممكن هتعرف شخصيته ولا هيعرف شخصيتها فى الوقت ده
يااااااااااااااااااااااااااااااااه حاجه صعبه قوى

انا كمان استحالة ان افكر اتجوز بالطريقة دي لان فعلا دي اهانة

بس لازم نعذر البنات شوية لانهم ساعات كتير بيضطروا لجوازات من النوع ده

مثلا بتكون البنت خلصت الكلية وقعدت في البيت ومبتشتغلش

طيب هتشوف ناس فين وهتتعرف علي شريك حياتها ازاي

فبيكون الحل الوحيد ادامها هو جواز الصالونات معذورة

بس اللي انا مستغرباه هوة الاولاد اللي بتضطر للطريقة دي

مش قادرة اقتنع ان ولد يجوز بالطريقة دي

لانه باختصار ملوش عذر لانه بيخرج وبيشتغل وبيقابل ناس كل يوم
يعني عنده فرصة انه يلاقي شريكة حياته اللي تناسبة

انما معني انه يتجوز جواز صالونات ومامته هي اللي تدورله علي عروسة

انه معندوش شخصية وميعرفش ياخد قراره بنفسه
وكمان معندوش قدرة علي الاختيار

انا طبعا من رايك . يا جيسييييييييي يا عسل