خريطة الكنز

عايز تعرف الكنز
عايز تشوف الكنز
عايز تاخد الكنز



أيه دا هو ممكن أى واحد ياخد الكنز ؟؟؟

أه ممكن

أزاى ؟؟؟



لأن الكنز مهما أخذت منه مايقل


ممكن أعرف طريق الكنز ؟؟؟

ممكن طبعا


دى الأسئله اللى سألوها خمس شباب عايزين يوصلوا للكنز
منهم اللى لسه بيدرس ومنهم اللى لسه خريج جديد ومنهم اللى
مش لاقى شغل ومنهم اللى بيشتغل وعايز يرقى من نفسه


تيجى نعرف حكايه الكنز ....... يلا بينا

الحكايه بدأت لما الخمس شباب عرفوا أن فى كنز فى أحد الصحاري
وأن فى واحد بس راجل كبير فى السن حكيم هو اللى عارف طريقه


بدأوا الشباب فى الذهاب اليه وقالوا للحكيم أحنا عايزين نعرف طريق الكنز
قالهم الحكيم بكل سرور ... أستغربوا أى دا بالسهوله دى
فرد الشيخ بم أنكم سعيتوا وسألتم يبقى لأزم أجاوب


الشباب: كام واحد عرف الطريق قبلنا
الحكيم: يااااااااه كتير مئات ويمكن ألاف


فأستغرب الشباب ونظروا لبعضهم البعض
وقالوا: يعنى حد وصل للكنز

الحكيم: القليل جدا ....
الشباب: يبقى كده مافيش كنز ....

الحكيم: الكنز
مابيقلش مهما أخذت منه وقاطعهم قبل كلامهم وقال دى الخريطه روحوا
خدوا الكنز



فأخد الشباب الخريطه وعرفوا أن الكنز فى أحد الصحراء المصريه
وعزموا وكلهم حماس للوصول للكنز


ذهبوا للصحراء يقودهم الحماس والأمل وعند الوصول للصحراء وجدوها
حر جدا كادوا أن يعومون فى عرقهم فقال أحدهم ما هذا الجهد وعموما
أنا مش مصدق كلام الراجل الحكيم دا دا شكله مجنون ..... أنا راجع......



ورجع الأول ومع الليل وقسوته وشده البرد قال أحدهم فعلا صديقنا كان
عنده حق الراجل دا مجنون أحنا هنموت من البرد ...... أنا راجع .....



وفى الصباح أصبح عددهم ثلاثه فقط يحلمون بالكنز ..أخذوا الخريطه
وذهبوا لمكان الكنز وكلهم فرحه فوجدا أمام الكنز خمس حوائط لأبد من
كسرها للوصول فعزموا على ذالك وبدأو وكسروا أول حائط ومع الثانى
رأهم الناس وقالوا لهم ماذا تفعلون قالوا لهم نسعى للكنز
فاجتمع كل الناس على أن من يسعى للكنز لا يصل له ويموت وهو يكسر
الجدران وأن كسر الجدران هناك أسد شجاع يحرص الكنز يأكل من يصل


فنظر الشباب فى عيون بعضهم البعض وقال أحدهم ..... أنا راجع ....



وواصل الأثنين الباقين حتى وصلوا للحائط الرايع وكسروها وأصبحوا
وجها لوجه أمام الأسد الحارس فخاف أحدهم وقال ..... أنا راجع .....



وبقى واحد فقط فنظر للأسد ولاحظ أن الأسد كبير السن عجوز وبجسمه
العديد من الجروج كما أنه لا يقدر على الهجوم والأفتراس كباقى الأسود




فواجه أخر شاب يكمل المسيره واجه الأسد فرأى الأسد فى عيون الشاب
الأصرار فذهب الأسد لبيته البعيد وترك الشاب ينعم بالكنز
فحطم الشاب أخر جدار وذهب يبحث عن الكنز فرأى صندوق صغير
مكتوب عليه الكنز ففتحه فرأى ورقه مكتوب بداخلها
.... الأن حصلت على الكنز الأن هزمت خوفك الأن نخلصت من أحباطات
الأخرين لك الأن أنت أقوى الأن أنت مؤهل للكنز (( الحياه )) وستحلص على
ما تريد فى حياتك ........




الكنز بداخلنا جميعا ونبحث عنه فى الخارج


أن تأثرت بحر النهار لم تجد عملك ....... كنزك
أن هزمتك برد الليل لم تنعم بأمل النهار .... كنزك
أن أستمعت لأحباطات الأخرين تفقد نفسك ... كنزك
أن خوفت من المستقبل تفقد ثقتك فى الله عز وجل .....:كنزك

أذا كنت حكيم تثق بالله تتمتع بالأمل تسعى لحلمك تساعد الأخرين
أعرف أنك حصلت على : الكنز