خبر مهم للخرجين

شكرا على مرورك احب اقولك بدل انت لسه بتدرس متشغلش نفسك بموضوع الشغل والكلام ده اعمل اللى عليك الاول وخلص دراستك والمستقبل ده بتاعنا ربنا وخط الموضوع خطوه خطوه

مع احترامى لحضرتك ا دكتور نور المصرىانا شايفة ان حضرتك متفائل زيادة عن اللزوم انا واحدة اهو خريجة علوم كيميا 2009 بتقدير جيد جدا بمجموع 78% ورغم كدة من شهر 6 بدور على شغل ولحد دلوقتى ملائتش ومرت بفترات اكتئاب كتيرة اوى وبجد زعلانة اوى انى كليتى اللى بحبها مالهاش اى سعر اليومين دول

عادي يا جماعه لازم نضور ع شغل و منلقيش و لازم برده نسعي اكتر

و مش هنشتغل بالستاهل يعني بعض الناس بتلاقي شغل بسرعه حظهم كده وو الباقي اللي مش لاقي شغل يصبررررررررررررر و ربنا هيكرمه

انا خريج علوم منذ ثلاثين سنة جيولوجيا -كيمياء واخذت كورسات ودورات فى ذلك الوقت كانت مكلفة جدا وغير مجدية ولا تسال عن النقابة اسفا فقد وئدت قبل ان اراها اتكلم عن نفسى ...المهم اخوانى الخريجين الجدد وانتم كذلك فى عمر اولادى..كنت اظن اننى ساتخرج كى اصبح باحثا ثم عالما ولكن الحقيقة المؤلمة هىاننا راينا العجب من الاساتذة ولكى اكون منصفا بعضهم ولقد رايت بعض الاسماء لازالت موجودة ...للاسف اصابونا بالاحباط ثم اجهزت الدولة علينا بعد ذلك ...هى كلية عظيمة ولكن ليس فى مصر او العالم العربى مكونات الخريج ضعيفة وامكانات الكليات فى مصر واقصد كليات العلوم تكاد تكون منعدمة فاولادى درسوا فى كليات الطب والصيدلة وبالطبع درسوا اعدادى فى هذه المفرمة اسف للتعبير ..المهم بعد انتقالهم لكلياتهم الاصلية يشرحون الفرق الهائل..طبعا ان نصحتهم بما فيه الكفاية من شر هذه الكلية واقصد بعض هيئة التدريس وهم ليسوا فى المنصورة لقد تخرجوا ولله الحمد ..لقد مررنا بهذه التجربة فى علوم المنصورة فى قسم الجيولوجيا ..نصيحتى من يستطيع الافلات من هذه الكلية فليفعل وقد تركها زملاء لنا فى السنة الثانية وذاكروا الثانوية العامة والتحقوا بالطب والصيدلة..انصح الكل الا يتقدم لهذة الكلية ..والان الكل متساوى بل الاخرون افضل ..وليفرح الاجلاء العلماء سامحهم الله..

يا ريت يا جماعه يبقا فيه تفائل بلاش احباط
ومع احترامى لحضرتك يا مدام جهاد
كلامك مش صح كليه علوم اعظم كليه فى الكليات كلها بس احنا منفعدش فى البيت ونحلم اننا نكون علماء او نشتغل لازم نجتهد اكتر واكيد ربنا مش هيضيع جهد حد

اسعدنى الرد وانت فهمت كلامى من ناحية التشاؤم ..االعكس صحيح انا متفائل جدا ولولا هذا التفاؤل لما استمرت حياتى الى الان وانا اعمل ولله الحمد انا متميز على مستوى البلد الذى اعمل به ..شكرا لله على نعمته فانا من القلائل جدا فى مجال العمل الذى يشار اليهم بالبنان..ومن ناحية اخرى انا موش مدام فقط للتصحيح... كما لابد وان تلاحظ ان رؤيتى ترجع الى ثلاثين سنة قبل الان ولكن مازال خريج العلوم على الرغم من مادتة العلمية القوية الا ان مجالات عمله محدودة ..ولايثاب على قدر تعبه فى دراسته..وانا موش قاعد فى البيت انا لفيت الدنيا ابنى العزيز اما عن المجهود فقد مكثت اربع سنوات كما يقولون اشتغل على حالى...وزمان كان الحال غير الحال...فالميسور منا هو الذى اكمل ...وحتى الان هو كذلك ..والله بنى العزيز القصد هو ماقلت اننى افتخر اننى خريج هذة الكلية المظلومة ...اسف ان لم تصل رسالتى ولعلى لم افلح فى صياغتها ولكن لابد من العمل الشاق لخريج هذه الكلية ..اجتهد حتى تتخرج وربنا معك ومع الاباء هذه الايام..ولا نعفى الاساتذة من المسؤلية عما يحدث لخريجى الكلية ..وكفى

انا اسف يا جهااااااااااااااااااااااااااااااااااد على سوء الفهم
بس هعلق على نقطه واحده بس انت بتقول ان مجلات العمل محدوده
اعتقد اننا بالنسبه لاى كليه تانيه فاحنا مجلات العمل بتاعتنا اكتر بكتير

انا اول ما خلصت لسه من شهرين دخلت الجيش بسبب الكلية اصل ما رحتش بالمواليد انا دخلت الجيش عن طريق الكلية والتخصص اللى هو رياضيات شفت الكلية حلوة ازاى
بس ان شاء الله اول ما اخلص ليا فرص عمل حلوة قوى بس فى مجال التدريس وربنا يوفقنى ويوفق الجميع

بالنسبة للاستاذ علي
ممكن تقولي مجال واحد محترم الاقي فيه شغل
خريج كيميا وفيزيا