السلام عليكم ورحمه الله وبركاته
ازيكم يا شباب علوم
ازيكم يا اجمل اعضاء لاحلي منتدي
الفتره اللي فاتت غبت عليكم كثير اوي
لكنها مشاغل بسبب المنتدي او خلافه من امور الحياه
اوعدكم ان ده مش هيحصل تاني باذن الله
بينا نشوف ايه المطلوب
-----------------------------------------------
في البدايه ايه العنوان ده ؟؟
العنوان ده حصل بناءا علي رؤيه الكليه ووحدة الجوده والاعتماد بالكليه
ان اعضاء المنتدي هم الاصلح يكونوا وجهه الكليه
--------------------------------------------------
يعني ايه وجهه للكليه ؟ وايه المطلوب ؟
يعني في لجنه جايه للكليه علشان تشوف ايه اللي بيحصل في موضوع الجوده والاعتماد
وايه اللي وصلتله الكليه وايه اللي يخص الطلبه
وطبعا اللجنه دي لازم تتكلم مع طلبه
ووقع الاختيار علي اعضاء المنتدي
بناءا علي الربط بين اداره المنتدي واداره وحده الجوده
----------------------------------------------------
ايه الاستفاده ليكم برضه من كل ده ؟؟؟؟
الاستفاده انكم تعجلوا من اعتماد الكليه
لان كل لما الكليه اعتمدت في خلال وقت قليل
كل لما كانت شهادات الناس المتواجده معتمده دوليا
والكليه بتسعي بقدر الامكان علشان تعتمد العام القادم
بمعني الناس كلها اللي في نظام الساعات المعتمده
باذن الله هتبقه شهادتهم معتمده دوليا
لكن لو اللجان للجوده مالقتش ناس علي مستوي الحدث
هيبقه في عطله في اعتماد الكليه
يعني انتم اختياركم بيؤكد رسالتين :
الاولي / انكم موضع ثقه من الجميع
الثانيه / اننا عاوزين نساعدكم في التعجيل بالاعتماد وكله لمصلحتكم
---------------------------------------------------------
طيب السؤال دلوقتي
ايه المطلوب منكم ؟؟؟
المطلوب من حضراتكم الاتفاق علي ميعاد
لتجميع 20 طالب من الفرق المختلفه ممثلين في طلبه لاقسام الكليه
واعضاء للمنتدي
وبعد تجميع الناس والاتفاق علي ميعاد واحد واتمني يكون الاسبوع ده
لان اللجنه هتوصل الاسبوع القادم
هنطلع لوحدة الجودة والاعتماد بالكلية
وهنقابلكم بالدكتور / حمدي نبيه عجيزه
مدير وحدة الجودة بالكليه
وان شاء الله هو اللي هيفهمكم كل شئ عن طبيعه زيارة اللجنه
ودوركم هيبقه ايه
اتمني الاتفاق سريعا
وكنت اتمني الميعاد كمان يبقه بكره في وقت النشاط الطلابي
لكن الوقت اللي هتتفقوا فيه هنروح فيه باذن الله
اتمني انكم تهتموا بالموضوع ده
لانه جزء من خطه الاعتماد اللي هتلمس كل طالب فينا
حتي طلاب النظام القديم
اتمني التوفيق للجميع
سلامي ختامي
ولي عودة اخري خلال ساعات في نفس الموضوع
اداره المنتدي
عدل سابقا من قبل hishamfathi في الجمعة ديسمبر 11, 2009 12:39 pm عدل 1 مرات
