بليز يا جماعة سؤال مهم عن قسم البيولوجى

انا لسة ف اولى و دخلت قسم بيولوجى و بجد مش فاهمة حاجة ف الجدول و المجموعات ( أ ) و ( ب ) و ( ج ) انا شعبة كيميا و حيوان و عايزة حد يفهمنى بس كل حاجة عن الاقسام دى لان انا من اول الاسبوع و ماحضرتش ولا [ندعوك للتسجيل في المنتدى أو التعريف بنفسك لمعاينة هذه الصورة] محاضرة اروح الكلية وف الاخر محدش يدخلنا و محدش عايز يفهمنا حاجة
بلييييييييييييييييز حد يرد عليا و يفهمنى بجد هبقى متشكرة ليه جدااااااا [ندعوك للتسجيل في المنتدى أو التعريف بنفسك لمعاينة هذه الصورة] ا

اهلا بيكي Gimy في علوم المنصوره ...اول حاجه متقلقيش انتي تايهه ده عادي جدا ههههههههههه لا بجد شوفي اسمك في مجموعه ايه واكتبي الجدول بتاع مجموعتك وحاولي تشوفي حد في مجموعتك عشان مش تكوني لوحدك .....وياريت لو توضحي اللي انتي عاوزاه بالضبط واحنا كلنا هنا معاكي وتحت امرك في اي حاجه عاوزاها

شكرا جدا عشان جاوبتينى ع سؤالى

بس انا دلوقتى اللى عايزة اعرفه بالظبط ( هو فيه كذا حاجة بصراحة )اولا:

المجموعات دى بيقسمونا ف كشف اسماء و كده ولا احنا بنروح نسأل عنها عشان انا كل ما اسأل حد ف الكلية يقولى روحى هنا و هنا و ف النهاية ما بيقولوش حاجة بصراحة انا حاسة ان هما مش عارفين حاجة و بهدلونا نزول و طلوع ف الكلية وف الاخر ماستفدناش بحاجة

ثانيا :

كيميا حيوية شغالة لكن بيولوجى مش شغال محاضرات مش عارفة ليه هم قالولنا تعالوا الاسبوع الجاى و المحاضرات دى هتتعاد تانى بس انا عندى بكرة محاضرة لغة مش اروحها هتبقى شغالة ولا اطنش

سورى بس جاوبينى ع السؤالين دول دلوقتى اكون افتكرت حاجة تانية منرفزانى

و مرسى

بالنسبه للمجموعات المفروض تنزل الاسماء في كشوفات بتتعلق عند شباك الشؤن مقسمه الي سكاشن.... هتشوفي اسمك في مجموعه كام وسكشن كام وبعدين تشوفي الجدول بتاع مجموعتك ...هتلاقي مواعيد محاضرات دي بيكون حاضر فيها كل الاسماء اللي في مجموعتك ..وكمان هتلاقي سكاشن بيحضر كل سيكشن في معاد محدد والتزمي بالموعد علي حسب السكشن بتاعك ...يعني من الاخر اهم حاجه تحددي مجموعتك الاول واعتقد ان الاسماء لسه هتنزل الاسبوع الجاي....ان شاء الله.....علي فكره انتو حاجه وبيو حاجه كل قسم مستقل مش تقارني نفسك بيهم. ..... وبالنسبه لمحاضرات اللغه متقلقيش خالص دي الماده الوحيده اللي اضمن انك تجيبي فيها امتياز بس نصيحه حاولي تحضري علي طول... بس بالنسبه لبكره اعتقد انها مش هتشتغل عشان اول اسبوع ...اذا كنتي بتسافري ممكن مش تروحي عشان مش تنزلي علي الفاضي وحتي لو بدأت مش هيفوتك كتير متقلقيش ...يارب اكون رديت علي اسئلتك وتكوني استفدتي حاجه.......وانا لسه موجوده شويه لو عندك اي سؤال .......

لا مرسى كتييييييييييير بجد انا كده الحمد لله فهمت
شكرا جدا جدا جدااااااااا ع اهتمامك بأسئلتى [ندعوك للتسجيل في المنتدى أو التعريف بنفسك لمعاينة هذه الصورة]

معلش يا جماعة انذر سؤال
هى المجموعات هتنزل امتى ده بقالهم يجى اسبوع و يومين اهه و لسه مفيش حاجة نزلت يا ترى حد عارف هى ممكن تنزل ع امتى ؟؟؟؟؟

اه والله استاذ فتحى ده منرفزنى اوى هم كلهم بصراحة منرفزنى و مابيفدوناش بأى حاجة انا بس قلقانة من حكاية المجموعات والغياب و كده لانى انا دلوقتى بحضر ف كذا مجموعة و مسجلة اسمى ف 3 لغاية دلوقتى ربنا يستر بقى
الترم ده :s

بس بخصوص الكارنيهات ففى واحدة راحت سألته قالها دى صورتك و ده اسمك ع الكمبيوتر و بعد ده كله قالها خلاص تعالى يوم الاتنين استلمى الكارنيه بس هو لا هيدلها كارنيه ولا حاجة انا متأكدة :@