منتدى علوم المنصورة
النظام نظام _ بس لو حد فاهم Ezlb9t10


منتدى علوم المنصورة
النظام نظام _ بس لو حد فاهم Ezlb9t10

منتدى علوم المنصورة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى علوم المنصورةدخول

اهلا بك يا زائر لديك 16777214 مساهمة


النظام نظام _ بس لو حد فاهم

power_settings_newقم بتسجيل الدخول للرد
+5
نور
doaa
let me alone
heba
domeco
9 مشترك

descriptionالنظام نظام _ بس لو حد فاهم Emptyالنظام نظام _ بس لو حد فاهمالأربعاء سبتمبر 30, 2009 12:31 am

more_horiz
بسم الله الرحمن الرحيم

بما انى واحد من طلبة النظام اللطيف الظريف الخفيف

نظام الساعات المعتمده

كنت عايز مساعده من ذوى الخبره و المعرفه

دلوقتى يا جماعه انا وبلا فخر معايا مادة حقوق انسان

ماده جميله وطعمه بتتحسب بساعتين

لكن لا ليها دعوه بتقدير

ولا بتأثر فى ترتيب

ولا ماده اساسيه

بعد ما لفيت وسألت عن نظامنا نظام الساعات المعتمده

عرفت انى هيتأجلى ماده من المواد الجديده بساعتين بردوا لحد ما انجح فى مادة حقوق الانسان

وناس قالتلى انى ممكن ميتحذفليش حاجه وآخدها كدا مع المواد الجديده

مدام انا المتوسط بتاعى فوق ال 2

يعنى مش اقل من جيد

وانا فعلا متوسطى فوق ال 2

عشان بس اللى مش فى النظام يبقوا فاهمين

من 1 الى 1.5 مقبول

من 1.5 الى 2.5 جيد

من 2.5 الى 3.5 جيد جدا

فوق ال 3.5 امتياز

المهم بقى

فانا لسه مش عارف هيعملوا معايا ايه بالظبط

فا انا بدل ما اقضل مستنى واقف مش عارف أأجل ايه

ويحطونى امام الامر الواقع

شوفت الجدول بتاعى

فا لقيت 3 مواد بساعتين

ماده احافير كبيره ودى جيولوجيا

ومادة فيزياء ذريه

ومادة كيمياء العناصر الممثله ودى عند طلبة كيمياء حيوى بردوا

انا قبل ما اشوف الجدول قلت انا هأجل ماده جيولوجيه وخلاص

بس فى النهايه رجعت غيرت رأى لسببين

* علشان دى مادة التخصص فا الافضل مأجلهاش عشان لو فيه حتى تكثيف صيفى متضغطش ويأثر على تقديرها لان طبعا اهم تقدير فى مواد التخصص
دا غير ان فيه سكاشن
* والاهم بقى ان المادتين الذريه وكيمياء العناصر الممثله
ملهومش سكاشن
يعنى عباره عن محاضره + تمرين
3 ساعات ورا بعض
وبكده يبقى سهل عليا حتى احضر الماده اللى هتتحذف حتى مش هتتعبنى فى حاجه خصوصا وانى مش هحضر محاضرات حقوق ولا عندى مواد تانيه الحمد لله

السبب بقى اللى انا عامل الموضوع عشانه

هوا ايه الاسهل بقى مادة الفيزياء الذريه
ولا مادة كيمياء العناصر الممثله ؟؟؟؟؟؟؟؟؟؟؟؟؟؟؟؟؟

عشان طبعا الاسهل أأجلها عشان متقرفنيش بعد كده

فا ياريت اللى يعرف حاجه عن المادتين دول يقولى انهى الاسهل فيهم او حتى يقولى لو يعرف ماده واحده بس ايه رأيه فيها

يعنى اللى يقدر على حاجه يقولها

وكمان يا ريت تقولولى الفيزيا الذريه اسهل ولا الاهتزازيات والموجيات

ارجو الرد والتفاعل
وشكرا

see you

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالأربعاء سبتمبر 30, 2009 12:56 am

more_horiz
انا اول مره اعرف الحكايه دى

ان الواحد لو شايل ماده يتاجله ماده تانيه

ده بجد؟؟؟؟؟؟؟؟؟؟؟؟؟؟؟؟

طيب على كده كل سنه هيفضل يتاجله ماده

صعبه اوى الحكايه دى

بس انت متاكد من الحكايه دى

والماده دى هتتاجل لامتى؟؟؟؟؟؟؟؟؟؟

للسنه الجايه ياعنى
ولا لترم الصيفى الى الله اعلم هيكون موجود السنه دى ولا لآ
؟؟؟؟؟؟؟؟؟؟؟؟؟؟؟؟؟؟

انتى بقى لو بتسأل تاجل ايه
صعبه دى شويه
ودى لان محدش خد فينا المواد دى

بس ممكن حد من الناس الى فى ثالثه ورابعه
يفدوك فى الحكايه دى

بس انا من رئى دى حسب ميولك
بمعنى انك لو مثلا بتحب الفزياء وشاطر فيها عن الكمياء
تاخد الماده الاصعب بالنسبالك السنه دى
لانها فرصه هيكون عندك الجدول اخف ماده
وبالتالى تقدر تركز فى الماده الصعبه بالنسبه ليك
اما الماده الى تحس انك هتنجز فيها
دى هى الى ممكن تاجلها
ده كان رئى

وممكن تسال المرشد الاكاديمى بتاعك هيقدر يفيدك جدا
وكمان ممكن تسال العميد فى الندوه الى هيعملها

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالأربعاء سبتمبر 30, 2009 1:11 am

more_horiz
ههههههههههههههههههه

طب بالذمه يا هبه

دى مش حاجه تضحك

بندرس كلمات متقاطعه

سبحان الله نظام لذيذ مع نفسه

والاحلى ان فى النظام القديم كان اللى معاه ماده اوحتى مادتين ياخدهم معاه عادى مع المواد الجديده

بقى فيه اكتر من كده ظلم

يعنى بيصعبوا على الطالب اللى تعثر بالصدفه

طالب سقط فى حقوق انسان وما ادراكم حقوق وتصحيحها وهكذا الكلام عن اداره ومحاسبه فى تصحيحها

فا بدل ما يساعدوه ويدولوا الماده الخفيفه دى عادى لأ بيعجزوا ويأجلولوا يعنى كدا بيضروا طالب لو كان فى النظام القديم كان احسنله لانه كان هياخودها معاه عادى ومش هيتحذفله حاجه

بالنسبه بقى للتكثيف الصيفى بيقولوا بنسبة 90% هيتطبق السنه دى

حتى التعليم بقى فيه نسب يعنى لو مفيش نفضل نرحل بقى

ولو ان شاء الله نجحت فى حقوق هيفضل يرحلى ماده انا اصلا ممتحنتهاش ولا درستها ولا حتى سقطت فيها

والغريب كمان ان حقوق متطلبات جامعه مش كليه

ويا سلام بقى لو معملوش تكثيف صيفى يبقى الطلاب اللى طلعوا تانيه ومعاهم بتاع 3 او 4 مواد مستفادوش حاجه وهيجوا فى تالته ويقعدوا لان لازم كل الطلبه يعدوا تالته نضيف

لألألألألألألألألألألألألأ الكلام ملوش لازم وكمان هخرج عن هدفى من الموضوع
المهم

انا فعلا ناوى ان شاء الله أأجل الاسهل عشان متتعبنيش

بس مستنى رأى الناس اللى درسوا المواد دى يقولولى رأيهم فيها

ميرسى يا هبه على مشاركتك


see you

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالأربعاء سبتمبر 30, 2009 3:17 pm

more_horiz
سلام عليكم

انا رايى اولا واخيرا انك تسال المرشد الاكاديمى بتاعك
لان بالتاكيد ان شاء الله الفصل الصيقى هايتفتح الصيف دا 100%

ولازم تتكلم مع المرشد بتاعك هو اللى معاك هايختار تاجل ايه وتاخد ايه
وهو اللى هايشرح لك كل حاجة
ماهو علشان كدا اسمه مرشد [ندعوك للتسجيل في المنتدى أو التعريف بنفسك لمعاينة هذه الصورة]
لان بصراحة هاتسمع كلام كتير من كل الناس فالافضل انك تكلم المرشد هم موجودين على فكرة حاليا

شكرا [ندعوك للتسجيل في المنتدى أو التعريف بنفسك لمعاينة هذه الصورة]

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالأربعاء سبتمبر 30, 2009 6:57 pm

more_horiz
merci , let me alone

طبعا انا فى الاول والآخر هرجع للمرشد الاكاديمى

بس بردوا انا عايز ابقى مثلا عندى خلفيه حتى لو بتناقش معاه

فيا ريت وبكرر بقى اى حد درس مادة فيزياء ذريه

او كيمياء العناصر الممثله

يقولى

see you

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالإثنين أكتوبر 05, 2009 6:37 pm

more_horiz
بسم الله الرحمن الرحيم

انا انهارده كنت عند الدكتور عمرو بسائله فى كام سؤال كده
بخصوص المواد بتعتنا السنه دى

وفى الكلام قالى ان لو حد شايل ماده زى حقوق الانسان
مش لازم ياجل ماده بساعاتين علشان الماده دى لانها مش اسايه
لالالالالالالالا ممكن ياجل حقوق الانسان اصلا
وممكن ياخدها فى الترم الصيفى
وبكده ميكونش اجل مواد خالص

ده الى فهمته منه

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالثلاثاء أكتوبر 06, 2009 1:13 am

more_horiz
فعلا دا الجديد فى الكلام اواللى عرفته يوم الاحد بردوا من وكيل الكليه

وعشان كده انا لسه هرجع تانى للمرشد الاكاديمى علشان اعدل التسجيل بتاعى تانى وأأجل حقوق انسانللصيف وآخد البرنامج بتاعى كامل ان شاء الله

حاجه تانيه عرفتها ان اللى معاه مواد المفروض انه يمتحنها فى الصيف

عدد الساعات السموح بيها فى الصيف هوا 8 ساعات مش اكتر

يعنى مثلا مادتين ب 3ساعات وواحده ب ساعتين

فيه بقى حاجه سألته عنها بالنسبه لاعتماد شهادة التخرج

بس الموضوع يطول شرحه شويه عشان الكل يفهم ودا سواء للنظام القديم او الجديد

وكمان هوا قال ان مفيش اى دراسه الاسبوع ده

وعليه ان مفروض ميبقاش فيه اى محاضرات او سكاشن الاسبوع ده

ومع ذلك انا نزلت الاتنين وحضرت محاضره فعلا

والاحلى ان المحاضره كانت مدتها ساعتين الدكتور خلاهم 3 ساعات وفىالآخر بيقول دى مقدمه يا جماعه

see you

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالثلاثاء أكتوبر 06, 2009 6:58 pm

more_horiz
ربنا معاكم
الحمد لله انى نظام قديم
بس ربنا ييعينكم وتقبلو الامر زى مهو بقى
وباذن الله تلاقو حد من الدكاتره يقدر يفهمكم كل اللى انتم عاوزين تفهموه
وتكون سنه سعيده وسهله عليكم باذن الله

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالثلاثاء أكتوبر 06, 2009 10:05 pm

more_horiz
بسم الله الرحمن الرحيم

طيب ممكن لو سمحتى يا دكتوره دعاء

تفهمينا

ههههههههههههههههههههههههههه

انتى الدكتوره بتاعتى

ولو حد يفهمنى غيرك هصور قتيل

ومتقوليش انتى نظام قديم ولا جديد ولا نص نص

انتو دخلتو فى اللعبه وجت رجلكو خلاص

ههههههههههههههههههههههههههه

اليكم هذا الخبر العاجل

اعلن وكيل الكليه لشئون التعليم والطلاب

ردا على سؤال طرحه احد قادة النهضه والدفاع عن حقوق الطلبه

ومندوب قسم الجيولوجيا

وعضو منتدى علوم المنصوره

والفائز بجائزة المركز الرابع

والحاصل على جائزة تحفيظ القرآن الكريم

والمتحث باسم جماعة المنكوبين فى علوم

والمرشح لجائزة الاسوأ حظا فى العالم



كفايه كدا عشان متتعبوش

هههههههههههههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

ان النظام الذى تعتزم الكليه تطبيقه بالنسبه لاعتماد شهادة الكليه

ان الكليه سوف تعتمد شهادة التخرج لاى دفعه من الخريجين سواء كانو من النظام القديم او الجديد وذلك فور نجاح الكليه فى الحصول على درجة الاعتماد

الجدير بالذكر ان ادارة الكليه تعتزم التقدم بطلب لاعتمادها العام المقبل

وفى حالة نجاح الكليه فى ذلك فسوف تخضع الكليه لاختبار سنوى لتحديد مدى التزامها بمعايير الجوده

وفى حالة تراجع مستوى الكليه سوف يتم سحب الاعتماد من الكليه

كان معكم مراسلكم المتواضع

دوميكو بين ايديكو [ندعوك للتسجيل في المنتدى أو التعريف بنفسك لمعاينة هذه الصورة]

هيحقق امانيكو

see you

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالثلاثاء أكتوبر 06, 2009 11:52 pm

more_horiz
ان الكليه سوف تعتمد شهادة التخرج لاى دفعه من الخريجين سواء كانو من النظام القديم او الجديد وذلك فور نجاح الكليه فى الحصول على درجة الاعتماد


والله حاجة كويسة جدا
بس دا لو الكلية نجحت واخدت درجة الاعتماد
فى النظام ده اللى كل الناس حولت
والدفعات قلت جدا ........
والكل بيهرب من النظام ده
وخصوصا فى قسم احصاء وحاسب
ورياضة سمعت ان الدفعة بقت 13بس
بصراحة ومن رايى النظام ده
شهادة معتمدة وبــــــــس

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالأربعاء أكتوبر 07, 2009 1:20 pm

more_horiz
السلام عليكم
اولا
شكرا يا دوميكو عللى انك اديتنى لقبين انى اختك الكبيره وكمان الدكتوره بتاعتك
وده شرف ليا طبعا
ههههههههههههههههههههههه

ثانيا
عاوزنى افهمك ايه؟
الكلام واضح
ان لما الكليه هتدخل الاعتماد السنه الجايه زى مبتقول
كل اللى هيتخرج منها بعد كده سواء كان نظام قديم او جديد هتبقى شهادته معتمده وده كويس جدا

بس مشكلتى بقى ان اخر سنه ليا السنه الجايه ولو مخدتهاش السنه الجايه
يبقى شهادتى مش هتبقى معتمده
ربنا يستر وتاخدها بقى
لان الشهاده المعتمده بتبقى حلو اوى فى الشغل جوه مصر او فى الخارج
لانها هتبقى منوره فى الcv بتاعك

وسلالالالالالالالالالالالالامى ختااااااااااااااااااااااااااااامى

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالأربعاء أكتوبر 07, 2009 11:09 pm

more_horiz
السلام عليكم ورحمه الله وبركاته
أولا
النظام سهل وبسيط جدا بس المشكله ان الواحد علشان يفهم لازم يروح لاي حد من الكبار في النظام يسأله مثل وكيل الكليه

ثانيا
الحكايه وما فيها ان الطالب الي كان في المستوي الاول وحقق 14 ساعه في الترم الاول من السنه الماضيه هيسجل مواد الترم الاول من السنه الجديده عادي جدا ذي الي ماشلش مواد ويأخذ الي هورسب فيه في اولي في الصيف
وكذلك كل ترم هيسجل علي هذا الاساس
لان شرط المرور من الفصل الدراسي ان يكون الطالب حقق 14 ساعه معتمده وان يكون المعدل للطالب واحد فيما يليه
اما الطالب الذي لم يحقق 14 ساعه من الترم الاول للسنه الماضيه هيسجل المواد القديمه حتي يكمل 14 ساعه ولابد ان ينجح بهم والا يعتبر رسب بالسنه الاولي مرتين وفي هذه الحاله يكون مفصول

وشكرا ومعزرة علي الاطاله
كان معكم الجيولوجي ميمو

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالجمعة فبراير 26, 2010 2:10 pm

more_horiz
بسم الله الرحمن الرحيم

انا جاى دلوقتى حالا وعايز اقول

ان طلبة النظام القديم اللى بيقولوا اننا مدلعين ونظام الساعات المعتمده نظام حلو ووو...........

يحمدوا ربنا على اللى هما فيه

تخيل كده لما تبقى داخل عشان تجيب نتيجتك وتشوف نتيجة المواد عادى وتمام التمام وتيجى تبص على متوسط الترمات تلاقيه رقم معين وليكن 2.5

وتمر الايام ويعدى حوالى اسبوع ولا حاجه والارقام ثابيته زى ما هيا ومفيش مشكله

وفجأه كده تيجى تبص على النتيجه مره تانيه او وانتا بتسجل لقيت المتوسط بقى 2.3

او اى رقم بقى

ايه احساسك ساعتها
اكيد هتحس انك فى نظام آمن جدا ويدار بطريقة مظبوطه دون اى خطأ

يعنى مثلا ممكن تدخل بعدها ولا حاجه تلاقيها بقت 2

ويمكن تبقى 3 الله اعلم

ويمكن تلاقى نفسك شايل ماده ويمكن ماده انتا شايلها تلاقى نفسك نجحت فيها

كل شئ جايز

مش عارف هوا المفروض الواحد يلحق يطبع نتيجته اول ما يجيبها

ولا مثلا يستنى على ما يظبطوا النتيجه

لا اعتراض لنا الله وحده هوا عالم بينا

وبتهيألى ان الواحد بعد كده يشوف هوا عمل ايه فى المواد وخلاص وجايب جيد ولا جيد جدا ولا امتياز وخلاص

وختاما بردوا

النظام نظام

بس لو حد فاهم

see you

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالجمعة فبراير 26, 2010 7:30 pm

more_horiz
النظام جميل وفى مصلحه الطالب ده اللى شايفاه بس بتهيالى عشان لسه جديد
والله يا دوميكو انا دخلت على موقه الكليه عشان اتاكد من النتيجه تانى ومن معدلى كمان
والحمد لله لقيته ثابت
ربنا معاك

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالجمعة فبراير 26, 2010 7:56 pm

more_horiz
والله يا لؤلؤتنا انا بستغرب بس

يمكن عشان انتى فى اولى ولسه بقى صغيوره اه واللهى

عارفه المثل اللى بيقول اللى يشوف بلاوى غيره تهون عليه بلوته

انا كل اللى بقوله فى اى مره على النظام والله والله والله ودا حلفان اتحاسب عليه مش عشان مثلا حد يحبط او يتشائم او يبقى مرعوب

انا عايز زمايلى اخواتى اصحابى وانا كمان ناخد بالنا اوى لان النظام دا لسه جديد ومش مظبوط بدرجه كافيه

ولسه خاضع للتجارب

انا مش معترض على انهم خفضوا متوسط تقديرى الحمد لله على كل شئ المهم اننا ناجح ودا اهم شئ ثم يأتى الاهم اللى هو التقدير

ثم ان مقدار النقص بالظبط 12 من ميه يعنى مش فارق اوى

بس دا يخلى الواحد مش مرتاح للنظام ولا واثق فى النتيجه ما ممكن تتغير بعد كده

فا الحمد لله بس زى ما قولتلك انتى لسه فى اولى ومشوفتيش نتايج وتسجيل زمايلك فى اكتر من ترم واللى بيشوفوه

وطبعا مقصدش اى زمايل زمايلك اللى معاهم مواد ربنا يعين كل واحد على ما بلاه والله شئ محزن

من كتر اللى بيشوفوه ومش فاهمين منه حاجه بيضحكوا

اقول ايه

اقول

لا اله الا الله

see you

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالسبت فبراير 27, 2010 12:21 am

more_horiz
بجد ده ياعنى انا لو شوفت
التراكمى بتاعى هلقيه قل
ده انا كنت اشاليت وانا وقفه
ربنا يستر

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالسبت فبراير 27, 2010 12:56 am

more_horiz
لأ يا هبه معتقدش ان كل الناس كده

واحد زميلى بردوا لسه قايلى حالا ان الgpa

وكمان انا دخلتله اتأكد لقيته فعلا نزل

واللى يدايق ان فى فعلا ناس زى ما هيا

يعنى مثلا لو انتى اعلى من شخص وجيتى تدخلى ممكن انتى تقلى وهوا زى ماهوا

المشكله كمان ايه

انى باجى احسب المتوسط

فى طريقتين

ياما تجمع المتوسط بتاع اولى على متوسط الترم التالت وتقسم على 2 يديك رقم

وآجى اجمع متوسط كل ترم لواحده واقسم على 3 يدينى رقم تانى

حلو الكلام

حلو الكلام

وبعد الشر عليكى يا هبه

بس الحمد لله واللهى رغم كدا انا مش مدايق وراضى باللى ربنا كتبه ومش عارف حاسس انى استريحت عن الاول

الاول لما كنت اعلى شويه كنت مش مرتاح وحاسس ان خلاص الدراسه خلصت ومفيش ترم تانى

بتهيألى كدا احسن

احب ادعى فى النهايه

ربنا لا تضلنا بعد اذ هديتنا ربنا اهدنا لما تحب وترضى ووفقنا واكرمنا فى حياتنا الدنيا والآخره

وتوفنا وانت راض عنا يا عزيز يا جبار

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالسبت فبراير 27, 2010 1:31 am

more_horiz
ايوه انا شوفت الموضوع ده
وانا فعلا قاليت
كتيررررررررررررررررر

عارف ليه
لان المعدل الموجود فى الاول بتاع السنه الى فاتت بس
وهما كانوا بس غالطنين
وانا كنت عارفه كده
اسال كل زميلك
هيقولك ان التراكمى القديم
بتاع السنه الى فاتت
والحمد الله على كل شىء

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالسبت فبراير 27, 2010 4:25 am

more_horiz
heba كتب:
ايوه انا شوفت الموضوع ده
وانا فعلا قاليت
كتيررررررررررررررررر

عارف ليه
لان المعدل الموجود فى الاول بتاع السنه الى فاتت بس
وهما كانوا بس غالطنين
وانا كنت عارفه كده
اسال كل زميلك
هيقولك ان التراكمى القديم
بتاع السنه الى فاتت
والحمد الله على كل شىء


الموضوع ليس كذلك على حد علمى
المعدلات التراكمية مظبوطة
لو حضراتكم تقصدون AccGPA
الموجود بموقع الفارابى وده بيدل على
متوسط معدلكم التراكمى اللى وصولنا الية
خلال التلات ترمات السابقة
وهو نفسة الموجود فى موقع ابن الهيثم
...............................................
ويتم الحصول علية عن طريق جمع المعدلات السابقة
الخاصة بالتلات ترمات وقسمتها على 3
وهكذا يتم تغيره مع كل تيرم
لذلك AccGPA بيختلف من ترم لاخر
.....................................
وليس هناك اى اقلية كما تدعون
GPA الموجود فى موقع التسجيل (موقع ابن الهيثم)
واللى يكافىء AccGPA الموجود فى موقع الفارابى
يقصد بة متوسط المعدلات التراكمية لكل الترمات السابقة
وليس المعدل التراكمى لاى سنه سابقةأو تيرم سابق كما تظنون
...أتمنى ان تكون الفكرة واضحة

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالسبت فبراير 27, 2010 5:26 am

more_horiz
المشكله مش كده يا اختى الفاضله

المشكله ان المعدل ده

كان موجود فى الموقعين بقيمه معينه وقت ظهور النتيجه

ودلوقتى القيمه انخفضت فى الموقعين بردوا

مع العلم ان القيمه قبل وبعد التغير كانت تشير الى التلات ترمات

يعنى قللوا المتوسط عن ما كان موجود

وقت ما النتيجه ظهرت

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالأحد فبراير 28, 2010 10:02 pm

more_horiz
صح انا لسه صغييوره
وايه المهم انك ناجح دى لازم تتفائل شويه دا انت فى سنه تانيه
الترم التانى شكله لطيف وفعلا بدات انا احس بالظلم
هو انا لسه هستنى لما اشوف اصحابى لازم اتظلم الاول عشان هما يشوفونى....ومادام عايزه اشتغل بجد وافهم يبقى لازم اخد على دماغى
الحمد لله ......بس برضه متفائله عشان حاجه واحد بس
ربنا كرييييييييييييييييييييييييييييييييييييييييييييييييييييييييييييييييييييييييييييييم...(كده كبرت شويه صح)!!!!!!!!!!!!!!!!!!!!!!!!!!!!!!

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالإثنين مارس 01, 2010 2:06 am

more_horiz
ههههههههههههههههههههه

ايه يا لؤلؤه زعلانه عشان بقولك انك لسه صغيوره وحد يطول يفضل صغير

دا زعلان جدا انى كام شهر وهكمل 19

يع يااااااااى 19 كان نفسى افضل 18

انا اقصد صغيوره لسه متعمقتيش فى النظام عشان تكتشفى جمالياته

الجديد بقى

ان رئيس قسمنا قال ان درجة الشفوى هيتم قسمها بحيث نصها للشفوى والنصف الآخر لعمل بحث

وواحد من المجموعه يقوم يناقشه

وهيكون فى امتحانات دوريه

بالنسبه يا لؤلؤه انى مفروض فى تانيه ومفروض مكتفيش انى ناجح اهم حاجه فى علوم تنجحى اولا ثم اولا ثم اولا

وبعدين يجى التقدير

بالنسبه ليا التفائل بيجى بسرعه وبيروح بردوا بسرعه

وبعدين لا يختلف اثنين على كرم الله

بس دى حاجات متعلقه بالجو المحيط

ومتزعليش يا لؤلؤه انتى كبيره جدا

ايوه كبيره

انا كنت قلتلك انك صغيوره من اربع او خمس ايام

اكيد دلوقتى كبرتى

see you

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالإثنين مارس 08, 2010 10:05 am

more_horiz
يا دوميكو انا مش اقصد الكبر فى السن خالص
اقصد فى التفكييييييييييييييير
وازعل من ايه هوه فيه حاجه تزعل اصلا!!!!!!!
[ندعوك للتسجيل في المنتدى أو التعريف بنفسك لمعاينة هذه الصورة]

descriptionالنظام نظام _ بس لو حد فاهم Emptyرد: النظام نظام _ بس لو حد فاهمالسبت مارس 13, 2010 6:23 pm

more_horiz
[ندعوك للتسجيل في المنتدى أو التعريف بنفسك لمعاينة هذه الصورة] بالعكس النظام بتاعنا حلو جدا واحلى من القديم بكتيييييييييييير ده كفايه ان مافيش حاجه اسمها عايده السنه ولو شلت ماده ممكن تاخدها في الصيف او في اي سنه مش شرط السنه اللي بعدها ده غير انك تاخد فيها تقديرك الطبيعي مش مقبول وخلاص
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد