سؤال ..... ياريت الاجابه

بسم الله الرحمن الرحيم

انا كان عندي سؤال ارجو الافاده

السؤال بخصوص مرتبه الشرف عندنا في الكليه

مرتبه الشرف تعني الحصول علي تقدير جيد جدا او امتياز في الاربع السنوات

طيب لو واحد معاه تقدير ثلاث سنوات امتياز وسنه واحده جيد جدا ،وتقديره العام امتياز ، ده يقدر ياخد مرتبه الشرف يعني يبقي امتياز مع مرتبه الشرف ، ولا لازم يكون تقديره في الاربع سنين امتياز

ومين الاحسن لو فيه واحد مثلا جايب تقدير جيد جدا مثلا 80% بس من غير مرتبه شرف ، وواحد تاني جايب جيد جد مرتبه شرف 76% ،مين الاحسن في الاتنين دول ؟ ، ولا هما الاتنين في نفس ال
rank

وايه قواعد الرفع يعني لو انا جايب تقدير عام 84 % ، دي ممكن تتحسب امتياز ولا جيد جدا

منتظر الرد
شكرا

ههههههههههههههههههههه بتتكلم فى امتياز وجيد جدا والحاجات دى يبقى اعقتد هشام يجاوبك هو ليه فى الجو دة
بس انا بقا عندى سوال اللى بيطلعو بمادتين كل سنه يعملو ايييييييييييييييييييييييييييييييييييييييييييييه؟

بعيد عن المراتب
لو دى طموحاتك ان شاء الله هتحققها
بس ادعلنا ننجح صافى بس
ولا اقولك نعدى بس كل سنه
وربنا معانا كلنا

شكرا ليكم
بس مفيش حد برده جاوبلي علي سؤالي
ويا عم جالاكسي بدام انتا مش عارف الاجابه خليك في موادك ، اوك
شكرا كمان مره

ميييييييييرسى يا عم science_mad والله انا فى موادى وربنا يستر بعد كدة
وانت ربنا يوفقك وتحقق كل احلامك يااااااااااااااااااااااااااااااااااااااارب وتاخد كمان مرتية الشرف
لكل مجتهد نصيب وربنا معاك
ميرسى مرة تانية

بص يا مان على حسب معرفتى ان لو انته جايب اللى اربع سنين امتياز فوق ال 95 تاخد مرتبة الشرف


وهيا بتنقاص كده 50 الى 65 مقبول
من 65 الى 75 جيد
من 75 الى 85 جيد جدا

وبعد كده الامتياز

ام المراتب فوق ال 95 والله اعلم واستنى ان شاء الله منى رد تانى

تقبل منى مرورى

كنت بقرا فى المواضيع القديمه ولقيت الموضوع ده واستغربت ان مفيش حد رد عليه
او بمعنى اصح مفيش حد جاوب عليه الاجابه الصحيحه
وفعلا استغربت لان السؤال هام جدا ويستاهل ان احنا نرد عليه
علشان كده بجاوبك واقولك
ان مرتبه الشرف دى تعنى الحصول على تقدير جيد جدا او امتياز طوال اربع سنوات الدراسه
واذا حصلت على تقدير جيد جدا او امتياز كل عام
وكان تقديرك التراكمى جيد جدا او امتياز تحصل على مرتبه الشرف
اما لو حصلت فى اى سنه من السنوات على تقدير جيد يبقى لايمكن تحصل على المرتبه حتى لو جبت باقى الثلاث سنوات الباقيه امتياز
يعنى مش شرط انك علشان تجيب امتياز مع مرتبه الشرف انك تكون جايب الاربع سنين امتياز لا ممكن عادى جيد جدا المهم مش جيد
يعنى بالنسبه لسؤالك لو جايب سنه جيد جدا او حتى سنتين وجبت فى الباقى امتياز وكان تقديرك العام فى النهايه امتياز يبقى التقدير اسمه امتياز مع مرتبه الشرف
بالنسبه للنقطه التانيه
وانا هتكلم فى الجزء اللى انا اعرفه بالنسبه لتعيينات الكليه او اى حاجه هتقدم فيها سواء دبلومات او تحضير ماجيستير او غيره الاولويه لاصحاب التقديرات الاعلى يعنى يفضلوا واحد جايب 80 ومش معاه مرتبه عن واحد جايب 79 ومعاه مرتبه
يعنى الاولويه للتقدير باستثناء المرتبه
يعنى المرتبه دى كلمه بتتحط فى الشهاده بتخليها احلى ولما تقول كمان انا جايب امتياز مع مرتبه الشرف اكيد احسن من لما تقول انا جايب امتياز بس
لكن على الورق التقدير هو اللى يحكم
وبالنسبه للسؤال التالت قواعد الرفع
لما تجيب اى تقدير تراكمى هتلاقى ان مفيش حد جايب 84.5 ولا 74.5 ولا 64.5 كل دول بترفعوا
يعنى لو تقديرك التراكمى 84.5 بيكتبوها فى الشهاده امتياز مش جيد جدا
وبرده لو حد جايب 74.5 بتتكتب جيد جدا مش جيد
ولو حد جايب 64.5 بتتكتب جيد مش جيد جدا
بس من اول 84.5 وكده بتترفع لكن مش اقل من كده مش لدرجه 84 يعنى دى واسعه شويه
بس بيبقى فيها عيب انهم بيكتبوا فى الشهاده مجموعك الاصلى قبل الرفع ويكتبوا تم اضافه . . . . . درجه ليصبح التقدير العام . . . . . وطبعا دى بتبقى وصمه عار فى الشهاده
مع تمنياتى بالحصول على تقدير عام امتياز مع مرتبه الشرف ليك ولك اعضاء المنتدى ان شاء الله

شكرا يا moon light
علي الاجابه
ولك مني كل التقدير والاحترام علي الاجابه المفيده
شكرا كمان مره