السلام عليكم و رحمه الله و بركاته
كيف حالكم اخواني لعلكم بخير
ايه مستغربين ليه
ايوه في عجوز عمره عشرين سنه
العجوز ده هو اللي بيكلمكم دلوقتي
مش ضروري ان العجز يكون شويه شعر ابيض و كرمشه في الوش و سنان وقعت و عصايه اتسند عليها
انا عقلي و
قلبي كبروا في السن اوي بقوا خلاص بيحتضروا يادوب النفس اللي داخل و اللي
طالع هو اللي مخليهم عيشين و مخليني انا عايش برضوا انتم عايزين ايه من
واحد عمل اللي عليه سواء في دراسه او في حياه اجتماعيه كنت مخلص بدرجه
مثاليه لدراستي و لسه لحد دلوقتي بس خلاص ممنهاش فايده مادام ان النقطه
السوده
وسعت و
كبرت اوي انتم عارفين ايه هي النقطه السوده دي النقطه دي هي الواسطه و
المحسوبيه و الكوسه و الطماطم و كل انواع الخضار اللي قلبك يحبها عشان هو
ابن العميد يتعين معيد و عشان هو ابن اللواء يمشي عكس السير و عشان هو ابن
راجل الاعمال الكبير يبقي بفلوسه يحل اكبر مشكله هي دي مصر هو ده العفن
اللي انتشر في ارض خضره بس قلوب ناسها مش خضره دي بعيد عنكم سوده كحل قلوب
ضلمه قلوب مطفيه النور مقطوع عنها من زمان ميهمش انت طالع الاول و لا يهم
ان تقديرك امتياز المهم انك مش ابن العميد و لا اللواء و لا ابوك عنده
فلوس زي الرز تبقي ملكش وزن لحد امته هنفضل كده العفن انتشر اوي في قلوب
الناس و علي فكره العيب مش علي الناس دي العيب علينا احنا اللي سكتنا اول
و تاني و بقي تعديل الحال من المحال نفسي كل واحد يفوق و يحاسب ضميره و
يبص للناس علي انهم بشر زيه ليهم احلام برضوا و ليهم حق انهم يعيشوا مش
عشان انت معاك معارفك و محاسيبك و راجل واصل تدوس علي الناس
ايه الكلام الكبير اللي انا بكتبه ده[ندعوك للتسجيل في المنتدى أو التعريف بنفسك لمعاينة هذه الصورة]
اهو كلام في الهوا من واحد قلبه عجز قبل عقله و عقله عجز قبل ما يبيض شعر راسه
كنت راسم
حلم في دماغي و كل يوم احلم بيه و اقول كلها سنه ياد و تخلص و تبقي معيد و
لا باحث قد الدنيا بس الظاهر اني مكنتش بتغطي كويس هو ده انا خدت برد و
درجه حرارتي ارتفعت و عشان كده كنت بحلم الاحلام دي
و الله عيب عليا المفروض انقي حلم ينفع يتنفذ زي مثلا اسرح بعربيه كبده و لا اشتغل صبي ميكانيكي
البلد دي طيبه قوي و ناسها اطيب من الطيبه نفسها بس للاسف الطيبين ملهمش مكان فيها
انا مش
متشائم و هو يعني انا احسن من تشي جيفارا و لا احسن من جيفارا الراجل كان
زي كده بيحلم و معرفش ينفذ الحلم بس هو ده تشي بس برضوا مش هيأس ازا كانت
البلد دي مقفوله بأربيعن ضبه و خمسين مفتاح اكيد ان اللي الارض اللي بعد
البحر مش مقفوله اهم حاجه هي اني احاول يمكن تتعدل [ندعوك للتسجيل في المنتدى أو التعريف بنفسك لمعاينة هذه الصورة]