السلام عليكم ورحمة الله وبركاته اخواتى الطلبه والطالبات .....
أقدم لكم فى هذا الموضوع اخر المقترحات التى تمت فى قسم الكيمياء بكلية العلوم
اقترح الدكتور / طه ذكى سكر عميد كلية العلوم جامعة المنصوره
لطلاب الفرقه الثالثه قسم الكيمياء (سبيشيال ...كيمياء وفيزياء ... حيوى) بزيارة هؤلاء الطلاب للشركات والمصانع الكيميائيه ومحطات المياه ضمن برنامج التدريب الصيفى لهم وذلك لأكتساب الخبرات ومزيد من المعرفه فى هذا المجال
هذا وقد قرر بتخصيص يوم الاثنين من كل اسبوع للقيام بهذه الزياره من الساعه العاشره صباحا حتى الثانيه ظهرا
ويلزم على الطلاب بالمتابعه الجيده والحضور الدائم ذلك لعمل تقرير بكل مارأه وتعلمه من هذه الزياره و تقديمه للمشرف الخاص بكل قسم وذلك للتقيم فى نهاية التدريب
وفى هذا الموضوع سيتم عرض ملخص لكل مايتم فى كل زياره
انا اللى بشكرك بجد ياعلى على كلماتك الرقيقه وأتمنى انك فعلا تستفيد وكل الناس فى جميع الفرق ياخدوا فكره بسيطه عن اللى بيحصل لأن كل سنه البرنامج بيتطور عن اللى قبلها وبيكون للأفضل والاحسن طبعا
وطبعا انا عارفه ان الموضوع ده هيهم الناس اللى فى الفرقه التانيه اكتر لأنهم مايعرفوش عنه حاجات كتير علشان كده انا هوضحلكم ياجماعه ايه اللى بيحصل ...
ببساطه خالص .... أكيد كلكم تعرفوا ان كلية تربيه فيها حاجه اسمها تربيه عملى يعنى طلبة كلية تربيه بيروحوا مدارس علشان يتدربوا فيها ويبدأوا يتعودوا على جو المدارس وطبعا ده بيكون فى فترة الدراسه وبيخصصوا يوم فيه للطالب انه يروح المدرسه اللى هو اتوزع عليها فى الاول او هو يختار واكيد كل ده عليه درجات ومهم جدا
نفس الحكايه هى اللى بتم فى علوم ان الطلبه بتروح الكليه وينزلوا المعامل كلها بحيث كل معمل فى يومين
فيه حد هيسأل ويقول طيب ما احنا بندرس معامل فى أيام الدراسه لزمتها ايه اننا ننزل فى الاجازه ؟؟
هقولك ..... لأن شغل المعمل فى فترة الدراسه دى بيكون من المناهج المقرره على كل فرقه .....لكن اللى بناخده فى التدريب بيكون له علاقه بالشغل أكتر بعد كده يعنى تطبيق على اللى بنعرفه وكمان بيربط بين الحياه العلميه والعمليه
برضو فيه ناس هتقول طيب وليه مش بناخده فى فترة الدراسه زى بتوع تربيه ؟؟
هقولكم .... لأن احنا معندناش وقت كافى... لأننا تقريبا عندنا دراسه كل يوم ومش هنلحق ولا هنعرف نركز علشان كده بنعمله فى الصيف
والفتره بتختلف حسب كل سنه .... يعنى ساعات بتكون بعد الامتحانات على طول زى السنه اللى فاتت ... لكن السنه دى بدأوا متأخر شويه وكان من أول يوم 25 /7 وبالنسبه للكيمياء والفيزياء فبيكون شهر كيمياء... وشهر فيزياء وكذلك باقى الشعب
لكن موضوع زيارة الشركات ده جديد لسه السنه دى أول مره يتم تطبيقه ...... وبصراحه هى فكره ممتازه لأنها هتفيد الجميع
وفترة الغياب بتكون محدوده واللى يتجاوز الفتره المسموحه فى الحاله دى ممكن يتلغى التدريب ويعيدوا تانى السنه اللى بعدها
وطبعا بالنسبه للناس اللى هما خارج محافظة الدقهليه ممكن ينقلوا تدريبهم خارج الكليه .... وده طبعا بيكون بشروط وهى موافقة الجهه اللى هيتم التدريب فيها وطبعا موافقة من وكيل الكليه ورئيس القسم
ياريت تكون الصوره وضحت للناس ويكونوا فهموا المطلوب منهم
والله يانور انا اللى بشكرك جدا على أهتمامك اصلا بالموضوع بالرغم انك فى قسم اخر غير الكيمياء وكمان بشكرك على زوقك أنك تنزلى صور هنا بس انا عاوزه اقولك حاجه ... هى الزياره كانت لمعملين بس ومش محتاجين لصور لأن شكلهم معروف بالنسبه لطلبة علوم لأن هو ده اللى تم الشرح عليه لكن لو على صور محطة المياه ف انتى ممكن تنزلى الصور اللى عندك ومش هنحتاج لشرحها لأن هى مش تهم أوى بمعرفة شكلها أو هيكلها العام لكن لو هننزلها فده هيكون للعلم فقط علشان يسهلوا على الناس ومره تانيه بشكرك جدا جدا على زوقك ورقتك
شكرا يا نورا على كلامك يا جميل بس انتى فهمتى غلط فى حكاية الشرح دى انا كان قصدى بس تبينى كل صورة زى مثلا دة المعمل ودة الفلاتر بس انا لية مش عارفة الكلية لية مش بتعمل رحلات للطلبة فى الاماكن دى لية؟؟ وبشكر كمان طالب علوم على تقريرة وانا اسفة جدا على التاخير
فضلت ارفعهم احسن فى ملف مضغوط لان بصراحة حجهم كبير ومبوظين الموضوع والنت بطىء جدا والجهاز مهنج [ندعوك للتسجيل في المنتدى أو التعريف بنفسك لمعاينة هذا الرابط]
ثانيا بشكرك يامحمد على مساهمتك الممتازه وتقريرك الاكثر من رائع لأنه فعلا فيه كل المعلومات المطلوبه ومجهود تشكر عليه
ثالثا .... نووووووووور بحييكى بجد بجد على زوقك انا والله كنت فاهمه قصدك من الاول بس عاوه اقولك ان دى صور للمحطه فعلا ..... لكن مش دى اللى تمت الزياره ليها لكن هناك احنا اتعرفنا على المعامل بس ... اما اللى موجود فى الصور شفنا زيها لكن محدش شرح او عرفنا ....مش لأنهم مش بيساعدوا ولا حاجه لأ ... ده لأن الاعداد كانت كتيره جدا جدا ... فكان صعب أوى انك تسألى او تاخدى راحتك فى الزياره
اما بالنسبه للصور ... فهى عمرها ماهتبوظ شكل الموضوع ولا حاجه دول نوروا الموضوع زيك كده يانور أما بأه مشكلة النت والجهاز فسبحان الله انا كمان بعانى منها والله علشان كده حاسه بيكى
السلام عليكم ورحم الله طبعا فى الاول بعتذر لتأخير نشر تفاصل اليوم الثانى للأسبوع الثانى للتدريب الصيفى لطلبة الكيمياء لكن هو فى الحقيقه مكنش فيه جديد لأن مفيش زياره من الطلبه لأى شركه ولكن اللى حصل كان استكمال للأسبوع اللى فات وهو زياره محاضر من شركة المياه والصرف الصحى لكلية العلوم والقاءه محاضره للطلبه والطالبات فى احدى المدرجات
وكان الهدف منها هو استكمال توضيح ماتم رؤيته ومعرفته فى داخل المحطهوكمان الاعلان عن فرص عمل للخريجين فى جميع الاقسام فى داخل المحطه وذلك لتشجيعهم وبث روح التنافس بين الطلاب
وكمان كان هناك امكانية واتاحة الفرصه لأى طالب فى السؤال عن أى استفسارات
بجد انا اللى بشكرك يا نور على متابعتك واهتمامك دايما بالموضوع ويارب تستفيد بية كل الطلبة ويجعلة إن شاء الله فى ميزان حسناتك بس أنا من رأيى حكاية المحاضرة دى مش حلوة اوووووى صيف وشتا حرام يعنى وربنا يوفقكوا جميعا ومستنين اليوم الثالث للاسبوع الثالث
على فكره يانور هى حكاية المحاضره دى كانت غريبه بالنسبه للطلبه شويه زى ما انتى بتقولى .... لكن والله كانت فى مصلحتنا ومكنش الكلام ممل ولا حاجه وانتى فاهمه طبعا ان اى حاجه خارج الدراسه بتكون ممتعه بالنسبه لأى حد بس انا بشكرك والله يانور على حسن متابعتك الجميله ووجودك اللى منورنى فى قسم الكيمياء
