ماذا نفعل لمعالجه اثار الاحتباس الحرارى فى مصر

ممكن الحل ده بس هيبقى اسهل من تغيير سياسه امريكا
زياده عمق البحيرات الشماليه

اسفه لتاخري الشديدده عن المواضيع

قطر الندي امه الله حلولكم مقنعه وتفكيركم ايجابيجدا
انا حبيت اضيف بعض المعلومات الي حصلت عليها اثناء بحثي وانا ببحث فيالموضوع للاستفاده وكمان حوار مع العالم الجليل فاروق الباز حول هذا الموضوع

تجدر الإشارة إلى أنَّ هناك تحذيرات عديدة من كبار خبراء البيئة والجيولوجيا‏,‏ وفي مقدمتهم الخبير المصري العالمي د‏.‏ مصطفي طلبة (المدير السابق لبرنامج الأمم المتحدة) الذي حذر من احتمالات غرق 15%‏ من أراضي شمال الدلتا بسبب ارتفاع درجة حرارة الأرض بمقدار ‏3‏ درجات خلال الـ‏50‏ عامًا المقبلة‏,‏ وتهجير أكثر من ‏3‏ ملايين مواطن من أراضيهم‏.‏

وقال طلبة عندما ترتفع درجة حرارة الأرض ‏3‏ درجات تتمدد المياه في المحيطات ويرتفع مستوى سطح البحر بما يتراوح بين ‏25‏ و‏90‏ سنتيمتر على مستوى العالم‏، ولو حدث هذا فإن محافظة البحيرة كلها ستغرق وبعض أجزاء من العريش والإسكندرية وبورسعيد والساحل الغربي للبحر المتوسط‏,‏ ومع ازدياد ارتفاع البحر ستزداد سرعة الرياح وقوة الأمواج‏.‏

وأشار بشأن ظاهرة الاحتباس العالمي للحرارة إلى أنَّ الفترة منذ عام ‏1995‏ حتى عام ‏2006‏ كانت ضمن أكثر السنوات حرارة على الأرض منذ عام‏1850.‏

وأوضح التقرير أنَّ دلائل هذا الاحتباس الحراري تتمثل في انكماش عدد من جبال الجليد وذوبان الأراضي دائمة التجمد والتحطم المبكر لجليد الأنهار والبحيرات‏,‏ وإطالة فصول النمو في خطوط العرض التي تمتد من المتوسطة للمرتفعة وتغيير تيارات المحيطات وزيادة توتر وبشدة موجات الحرارة والعواصف والفيضانات والجفاف في بعض المناطق‏.‏

ويتوقع التقرير أن يؤثر التغيير في توافر المياه والأمن الغذائي بصورة درامية على الملايين من الناس‏,‏ إذ يهدد ارتفاع مستوى سطح البحر السكان والمراكز الاقتصادية الرئيسية على حد سواء في المناطق الساحلية بل يهدد وجود دول الجزر الصغيرة نفسها‏.



خريطة بالقمر الصناعي موضح عليها بالأسماء القري والمدن المصرية التي ستتعرض للغرق وهي منالغرب إلي الشرق: سيدي كرير وغرب الإسكندرية وأبو قير وجزء من كفر الدوار وجزء من أبو المطامير ورشيد وجزء من دمنهور وأدفينا ودمنهور وجزء من دسوق وسيدي سالم والبرج وبلطيم والحامول وشرق بلطيم والخلالة وفرسكور ودمياط والمنزلة وجزء من دكرنس وجزء من صان الحجر وبر الضمرة والمطرية ومصرف بحر البقر وبورسعيد وبور فؤاد وجزء من القنطرة ورومانة

وكدا طبعا المنصوره في امان

يعني نتتناقش براحه هههههههههههههههههه

nodysmsm كتب:

السلام عليكم
هناك استفسار!بالنسبة لفيضان تسونامي يا تري ليه محدش كان عارف وليه محدش حظر منه ويا تري أي ظاهرة حدثت علي فجأة بالمنظر ده ويا تري أين الأقمار الصناعية ولماذا لم يرصد قبل وقوعه؟!؟!؟
ليه محدش بيرد علية في استفساري
تقبلوا مروري

السلام عليكم ورحمة الله وبركاته على الجميع

فيضان تسونامى كان عباره عن موجات زلزاليه بحريه
والزلزال البحري بيكون له اشارات واضحه زى انحسار الميه واتجاها لعمق البحر وبعد حوالى ساعه
بترجع الموجات على السواحل من مركز الزلزال وارتفاع الامواج ما بين 5 الى 30 متر
شوف/ى حضرتك حجم الخسائر هيكون اد ايه
حضرتك قولت/ى
ليه مرصدوش بالاقمار الصناعيه
اكيد كان فيه بس زى ما قولت هي ساعه واحده
زى اجهزة الزلزال بتعرف قبلها بوقت بسيط مش هيلحقو يعملو حاجه
في العمرات والمبانى والناس حجات كتير لكن بيكون في علامات تدل على اذاكان المكان دا معرض للزلزال او لاء
زى مثلا سمك القشره الارضيه تحت البحار والمحيطات
ياريت اكون افدت
انا قولت كل اللى اعرفه ولو حد في قسم جيلوجيا ممكن يفيدنا
لي عوده لمناقشة الموضوع الاصلي

انا شايفه ان الكل اتكلم على اساس ان خلاص منسوب الميه زاد وغرقنا

وخلاص بنقترح حلول

طب ليه مفيش حد اقترح ازاى من خليهوش يزيد اصلا

يعنى نحافظ على درجة حرارة الرض ثابته
لان خلاص كلها درجتين كمان والجليد يذوب
بس قالو ان الذوبان هيكون في القطب الجنوبي واللى هيتاثر اكتر بالاحتباس الحرارى
الهدف الرئيسي بقي هو معرفة الحجات اللى بتساعد على ارتفاع درجة الحراره وتجنبها

ازالة غابات تلويث بحار ومحيطات عوادم سيارات كل دا عمل على زيادة معدل غاز ثانى اكسيد الكربون والميثان واكسيد النيتروجين واللى اتراكمت تحت الغلاف الجوى للارض ومنعت خروج اشعة الشمس مرة تانيه

والحل هو استخدام طاقه بديله زى الالواح الشمسيه والوقود الحيوى والكهرباء

ولو في سدود هتكون على البحار مش على الانهار
يبنوسد على مضيق باب المندب في البحر الاحمر
ربنا يستر ويحفظنا ويحفظ بلاد المسلمين من كل سؤ يارب

شكرا ليكى

ولكن لية استفسار هل لابد من معرفة هذه الأمور قبل وقوعها !!

هيبقي ايه فايدة العلم لو متطورش عشان يحافظ على ارواح الناس من حدوث الكوارث هي مش بتكون تنبؤات من غير دليل لاكن حاجه مترتبه على حاجه وبيبقي في عوامل بتتغير عشان يقولو اذاكان في كارثه طبيعيه هتحصل او لا هقولك مثال
الزلزال مثلا بيبقي في علامات زى مثلا حدوث تصدع في القشره الارضيه ويفضل العلماء يراقبو المكان اللى حصل فيه زلزال مرات متكرره
أم أنها يمكن أن تقع بدون علم منا

اكيد اى حاجه بتكون في ايد ربنا حدوثها او عدم حدوثها لاكن العلماء بيجتهدو على اد علمهم واكيد طبعا في حجات بتحصل من غير مانعرفها بدليل ان كل يوم في اكتشافات جديده كان الانسان قبل كدا مش عارف عنها حاجه يعنى موصلناش لدرجة معرفة كل شئ في الكون
اكبر مثال الفضاء واللى الانسان مش كان يعرف ان في كواكب وكمان بتتحرك الا لما اخترع تليسكوب قدر يشوف من خلالها

وهل لو أثبت العلم حدوث شيء في المستقبل هل يجب ان يقع هذا الشيء أم أنه يمكن ألا يقع..؟؟!!

مش بالضروره لان كتير من العلماء حطو نظريات غلط وبعدين اللى بعدهم اثبتو عكسها او اثبتو قصور فيها ممكن حجات تحصل وحجات لاء وكله بامر الله
انما في حجات طبعا مسلم بيها واللى مثلا ذكرت في القران عن نهاية الارض وشروق الشمس من الغرب مؤمنين بيها ومصدقنها سواء اثبتها العلماء او لاء
شكرا ليكى

موضوع مهم جدا وبجد موضوع هايل

مناقشة جميلة جدااااااا وهادفة فعلا
بس ليا استفهام على الاراء اللى قالت نستخدم هذه المياه لاستصلاح الصحراء
ازاى وهى مياه مالحة لا تصلح لرى الاراضى
المفروض ان معدل وارتفاع البحر هوا اللى هيزيد مش النيل
يعنى الخطر هيكون من البحر الابيض المتوسط بالاخص
معنى كده ما ينفعش نستخدم هذه المياه ف الاستصلاح
الا اذا كانت فى تقنية لتحلية هذه المياه
وهذه التقنيات تحتاج اموال طائلة

ارجو تقبل مرورى ومناقشة رأى لعله خاطئ