بسم الله الرحمن الرحيم


حبايبي الأعزاء مساء الفل عليكم

دي شوية قوانين للمنتدى يعني نتمنى من الزملاء الأفاضل الأعضاء انهم يساعدوني علي إنجاح اللي انا عايز أعمله .
واللي بتمنى أنه يحصل أننا كلنا نحب الشعر ومش بس نحبه وكمان ممكن نكتبه

احنا ممكن نتكلم عن الحب في الشعر ونتكلم عن دنيتنا في الشعر وعن ديننا ونتكلم في السياسة وممكن نضحك من أبيات شعرية وممكن نعيط ممكن نتكلم عن التكنولوجيا ممكن نتكلم عن بلدنا وكل ده بالشعر
لذلك فيه شوية حاجات لازم نتكلم فيها علشان انا كمان مش عايز اطول عليكم

1- إحنا مش داخلين منتدى الشعر والخواطر علشان نقرا ونمشي .. لازم تقول رأيك

2- رأيك مش لازم يبقى جارح قوى لصاحب الموضوع .. ممكن تنتقده بكل ذكاء وتهذيب


3- وانا اسف في الطلب الرخم ده .. لو سمحتم أكتر عدد للمشاركات في اليوم لا يزيد عن 3 مواضيع بمعني إن لو حبيت تضيف مواضيع يبقى علي الأكثر 3 مواضيع يوميا .. والردود طبعا برااااااااااحتك

4- لازم ناخد رأي بعض ونحترم آراء الجميع .. والموضوع اللي هيبقى في المنتدى مش تمام .. أو ملهوش لازمة .. هناخد رأي الناس .. ولو اتفقنا إننا نشيله هنشيله

5- منتدى علوم المنصورة ده منتدانا كلنا ولازم كلنا نشارك .. اللي عنده موضوع يكتبه .. واللي مألف قصيدة ميتكسفش وينزلها المنتدى .. لو القصيدة محتاجة حاجة أو ناقصها حاجة هنتناقش ونكملها

ويا رب ما أكونش طولت عليكم وسلامي ختامي

نسيت حاجة مهم جدا .. لو سمحتم .. أي رد هيعتبر مسيء لصاحب الموضوع هشيله من الردود لأننا هنا مش بنتخانق .. طبعا ده بعيد عن إنتقاد الموضوع .. ممكن ننتقد الموضوع من غير إهانة .. يعني مثلا ممنوع نهائيا التريقة أو إستخدام ألفاظ غير معبرة عن مضمون الموضوع أو غير معبرة عن الواقع أصلا
لأننا في منتدى شعر وخواطر أي تسمية غير سليمة ممكن تتفهم غلط .. وعلى فكرة هنشيل الرد دون إنذار العضو علشان محدش يزعل مني أو يعتبرني بتعدى على حقه
ممكن لو حد شايف أنه مش غلطان نتفاهم انا وهوا ولو هوا عنده حق هديله المنتدى هدية
شكرا للاهتمام