مدى الأستفادة من المقررات الدراسية

احنا اللى نتشرف بوجود حضرتك معانا د/ممدوح
بالنسبة للقسم بتاعى اللى هوه احصاء وحاسب فانا دخلته علشان ادرس حاسب وبرمجة وللأسف لقيته قسم رياضة واحصاء مش حاسب خالص
احنا بندرس مواد ومبنعرفش هنعمل بيها ايه وقلما لما نستفيد منها ونذاكر ونحل تمارين وبعد الإمتحان كله بيتنسى والحصيلة النهائية صفر ولا حول ولا قوة الا بالله العلى العظيم
يا ريت يبقى فيه اهتمام اكتر بالحاسب ويكون فيه كمان دكاترة متخصصين ومحترفين

شكراً يا شباب على تفاعلكم البناء
أنا سعيد بهذا المنتدى الناجح بجهودكم ومشاركاتكم

مشكلة اللغة الإنجليزية هي وقتية في بداية الدراسة فقط ومع التقدم في الدراسة تختفي بإذن الله، وفي المقابل فالفائدة من الدراسة باللغة الإنجليزية هي الاستفادة من مصادر العلم الأجنبية التي لا تقارن في غناها المعرفي بالمصادر العربية

زميلة الثالثة إحصاء وحاسب - بعد الإمتحان كله بيتنسى والحصيلة النهائية صفر - أم المشاكل - نعتذر إذا كانت الدراسة تعب وحفظ وفي النهاية لا حصيلة - هذا ما لا نبغاه - فالعلم والتعلم لنفهم وتزداد مهاراتنا وقدراتنا الانتاجية والابداعية - لنبني بلدنا ونرقى بمجتمعنا

كان الهدف من سؤالي عن مدى أهمية المقررات الدراسية التى درستموها و مدى الإستفادة منها
هو عندما يتاح لنا إعادة هيكلة البرامج الدراسية أي المقررات مفيد ويستمر وأيها يخفف أو يستبدل؟

في انتظار ردودكم ومقترحاتكم عن أهم المقررات الدراسية وأقلها أهمية

وسؤال آخر مهم هل توجد مقررات مكررة المحتوى تحت مسميات مختلفة؟ [b]

بنستفيد ايه ولا حاجه احنا بنروح الكليه محدش يكدب كل الطلبه بتروح الكليه عشان تعرف حاجه تقدر تبصمها فى الامتحان محدش بيروح عشان يفهم نفهم ازاى والدكتور بيقولك اكتب وهوه بيشرح مش عارف هيه الكتب لزمتها ايه وبنشتريها ليه والدكتور بيقول كلام غير اللى فى الكتب ونقعد ننقل زى اللى فى المغفلين وراه ومش فاهمين حاجه دا لو قدرنا نكتب وراهم حاجه اصلا ثانيا المفروض يكون السكشن اهم اهتماما من المحاضره كمان دا لو احنا بنروح الكليه عشان نتعلم حاجه فى الحياه العمليه ولكن اللى بيثبت كلامى اللى فوق ان السكاشن مفيش فيها اى اهتمام والمعدين اللى بيشرحوا للاسف مش فاهمين اى حاجه فى البطاطس الا قليل منهم لانهم اتعدوا على حفظ كلمتين وبصمهم فى الامتحان زينا الوقتى احنا اسوء بلد فى التعليم فى الدنيا كلها بس سبحان الله بيطلع من عندنا علماء برده سبحان الله بالك بقه لو بنتعلم زى بقيت الخلق بتوع اوروبا هنبقا ايه على فكره احنا هنفضل كده طول عمرنا لان مع احترامى لاغلبيه الدكاتره والمعيدين الجدد هما اتعدودا على طرقتنا دى مش هيقدروا يتغيروا

السلام عليكم ورحمه الله وبركاته
بالنسبه للمقررات الدراسيه الي انا درستها في قسم كيميا وفيزيا كلها متميزه بس العيب هو في توزيع المواد علي الترمين وعلي كميه كل ماده وجدول الامتحان
فمثلا يعتبر الترم الاول في الدراسه مواده بسطه حيث ندرس ماده اللغه والحاسب كل منهما ماده مستقله الي جانت ماده فيزيا ومدتين كمياء وفوجئنا في الترم الثاني اننا ندرس كل المواد مواد تخصص والمنهج كبير فتوزيع المناهج بين الترمين كان عبا علينا في الترم التاني
بالاضافه الي عدم وجود اختبارات في منتصف الترم ذي امتحانات الميد ترم الي بتساعد علي فهم ومذاكره نص المنهج حتي لا يكون عبا علينا في نهايه العام فنحن نبدا مذكرتنا في نهايه العام نتعرض لكثير من النقاط يصعب علينا فهمها ولكن الدراسه بتكون متوقفه لامتحانات العملي وهكذا وكمان العامل النفسي اننا بنبقي مضغوطين جدا لاننا نري المنهج كامل امامنا ولم يبقي وقت علي الامتحانات ودا طبعا ممكن يكون عيب فينا بس بجد نظرا لان تالكليه كليه عمليه فطبعا بنقضي معظم اليوم في الكليه وبنرجع مرهقين جدا وعلشان كدا احنا مقصرين
لكن فعلا نحن في احتياج امتحاناتفي نصف الترم حتي لو كانت مكان امتحانات الشفري لتشجيعنا علي المذاكره وفهم مناهجنا بين اساتذتنا

طبعا حبه اخص بالذكر الدكتور ياسر دكتور الرياضيات هو فعلا مثال للدكتور الجيد بجد انا قبل فتره الامتحان كنت مخلصه الماده ثلاث مرات بفضله واقل نسبه دروس كانت في هذه الماده علي عكس السنوات الماضيه بالرغم من الكم الكبير من المنهج الذي كان يعطيه في المحاضره رغم اننا كنا نخرج من المحاضره فهمين بنسبه 80%ولكن كان العيب الوحيد طول الامتحان فقط

شكرا لحضرتك دكتور ممدوح لاتاحتك لنا هذه الفرصه

انا لسه سنة اولى
والصراحة المناهج حلوة وجميلة
بس انا مش بدرس او بذاكر من الكتب او الورق
دا مخلياه لوقت الامتحان
لكن الدراسة بتبقى من المراجع اللى مكتوبة ورا
واهم مرجع serway طبعااااا دا اقل كلمة تتقال عليه انه رائع
هو مش موجود عندنا الطبعة السادس في المكتبة فانا منزلاه من النت وبطبعه
وفعلا دا اللى تقدر تتعلم منه فيزياء بجميع فروعها صح
سيبك من كتب القسم الفكسانة اللى تكح تراب دي
نبقى نذاكر على الامتحانات
لكن كتعليم ذاكر من المرجع
والصراحة المناهج مشوقة