استفتاء هام جدا وللغايه "يرجي القراءه والمشاركه "

كوكو كتب:

والله الموضوع حلو. والكلام أحلي بس المهم الفعل مش الكلام
احنا بنتعلم في الكليه حاجات منها اللي هيفيدنا بجد ومنها اللي مش هنعمل بيه حاجه أصلا
المهم ان رؤية الكليه تهتم بكده .الكليه دي بقت بيتي خلاص أنا بقعد فيها أكتر من بيتي .نفسي أشوفها أحسن بجد

زهرة الأمل كتب:

ممتاز بجد إن المنتدى مسمع فى إدارة الكليه عندنا ووحده الجوده كمان [ندعوك للتسجيل في المنتدى أو التعريف بنفسك لمعاينة هذه الصورة]

هيا المشكله مش تغيير الرؤيه بالكلام المهم إن الكلام المكتوب دا فى الرؤيه الجديده والهدف الجديد للكليه

يتم تطبيقه فعلياً

تم التصويت

dominghado كتب:

انا حاسه ان صياغة الموضوع مش هامه اوى الاهم الهدف و اعتقد ان الهدف واحد ف الحالتين
ياريت نشوف جامعتنا بجد ف مستوى احسن و بجد الناس تعرف اهميتها كويس

islam كتب:

طبعا موضوع ممتاز ، والأهم هو
الاهتمام بالمنتدى من قبل إدارة الكلية ، وهذا دليل على وصل المنتدى
لمرحلة متقدمة يجب الحفاظ عليها ، ويجب على كل عضو أن يشارك في هذا
الاستفتاء ، ليتمكن المنتدى من إثبات دوره الفعال والقوي في تنمية وتطوير
أداء الكلية وأيضاً أداء طلابها

الكيميائية كتب:

وانا مع باقى الاعضاء فى ان القول لازم يكون مصاحب بالعمل مش كلام وبس ومش شعارات تجميليه

وبعدين فعلا قليل جدا من المناهج اللى اخدناها تكون مهمه فى الحياه العمليه والباقى دش وحشو دماغ عالفاضى مافيش منها اى استفاده خالص

ياريت بجد يكون نسبة الفهم عاليه وكمية المناهج اقل للدفعات الجايه لانى خلاص باذن الله براءه السنة دى ههههههههه
والعملى يكون كتير ومن واقع الحياة لان ده بجد احلى حاجه فى الكليه هى وقت العملى

وبعدين
انا عندى ملحوظه برضوا يعنى يكون فى اهتمام بالعملى شويه يعنى كل حاجه فى
السكشن تتشرح من الالف للياء عشان احنا نكون فاهمين دى ليه بنعملها وايه
اساس استخدامها فى التجربه وازاى التجربه بتمشى كدا هنقدر نتقدم وممكن من
فهمنا احنا نقدر نخترع ونتطور مش ناخد المعمل على ما هو عليه وهى كدا
وخلاص بجد دى مشكله كبيره واجهتها من اول ما اخدت معامل العضويه

انا
كنت داخله كلية العلوم وانا بحسب انى هقدر اخترع وابتكر بس انصدمت فى
حاجات كتير جدا وباسلوب المحاضرات قليل جدا اللى بيكون فيها فهم والباقى
حفظ

اتمنى تكون الرؤيه الجديده مفيده للى باقى لينا بالكليه
وللدفعات الجديده وتكون كلية العلوم هى الكليه الاولى كما كانت من قبل حتى
قبل الطب وكل الكليات التانيه كانت اعلى كليات القمه

SAYED MAGDY كتب:

السلام عليكم ورحمة الله وبركاته
جميل ان رؤية الكلية تتغير عن زمان

بس لو لو ما حصلش ارتباط بين الكلية والمؤسسات الخارجية فى نظرى
مش هيبقى فيه جديد
لان الدافع لاى طالب هو الحصول على فرصة عمل يجد فيها نفسه ويحقق احلامة ومستقبله

noour_2012 كتب:

شكرا على الموضوع بس الاهم من دة هو الفعل مش اننا
نصغر رساله الكليه ورويه الكليه المهم اننا نحس ان الكلام اللى بيتقال
بيحصل وخاصه فى المعامل لو حبيت تفهم حاجه يقلك مفيش وقت يبقى ازاى هنشارك
ونشتغل وكمان المفروض اننا نلاقى رعايه اكبر وخاصه فى المعامل لان احنا فى
كليه علوم للفهم مش للحفظ مش المهم الرويه والرساله المهم هما بيتنفزوا صح
ولا لا وشكراااااااااااااااا