زمان وانا صغير ....

اخباركوا اية ياجماعه والنفسية اخبارها اية سبوها لله وربنا معانا بس انتوا وحشتوني جدا ووحشني ردكوا عليا بصوا بقي احنا كنا واحنا صغيرين اكتر حاجه كنا بنحب نعملها اية فاكرين ولا الزهايمر شغال حاولوا كده اكيد هاتفتكروا لعبه او كنت بتحب تغلس علي حد معين كده يلا جاوبوا مستنياكوا

الأول أحب أقول أنة موضوع جميل و جديد كمان
أنا و أنا صغيرة أفتكر أنى كنت بقعد أغلس على أخويا كتير أوى مع أنة أخويا الوحيد و أكبر منى كمان و كنت ساعات بخلية يعيط بسببى و أما يعيط أقعد أنا كمان أعيط و يصعب عليا
و كانت ماما تقولى طب أنتى بتعيطى لية مش أنتى السبب و الرد يكون أنى _مش عارفة أسكت نفسى_ومن ساعتها و لغاية دلوقى لوأنا عيط ماما و بابا يقعدوا يتريؤا عليا و يقولوا مش عارفة تسكتى نفسك
معلش طولت عليكوا ههههههههه

ههههههههه شكلك كنتى شقية يا دينا

اولا اشكرك sweetmoon على افكارك الجميلة دى واكتر حاجة بتعجبنى فى مواضيعك انها بسيطة جدا وانها من وحى افكارك الجميلة
تسلم ايدك

انا وانا صغير كنت شقى جدا جدا وكنت بعمل حاجات كتيرة اوى
كنت اخرج لابس طقم ابيض الصبح ارجع المغرب بقي كدة وهو بقي طقم اسمر من اللعب والجرى والتنطيط
كنا بنتصاب اصابات كتيرة اوى وبالرغم من ذلك ما كنتش بهدى ولا بستقر ابدا
من هواة المغامرات وانا صغير ههههههه
كنت لما اتفرج على فيلم عربى كنت انا واصحابى اول ما نخرج بعد الفيلم اول حاجة نعملها نمثل الفيلم دة تانى بقي وخد عندك احلى ضحك بس انا كنت ببقي البطل وما كناش بنلاقى بطلة ترضى تمثل معانا ابدا ههههههههههه

والله فية حاجات كتييرة اوى اوى يا سويت موون عايزة ايام عشان نحكيها
بس اشكرك على انك فكرتينا بالايام الحلوة دى

ربنا يخليكوا ليا جدا انا مبسوطه ان لقيت حد رد قبل ماأنام بس زمانك لما كبرت هديت شوية صح ولا لسه وانتي يادندونة زمان اخوكي كان نفسه يموتك ربنا معاه اوعدكوا ان اجيب مواضيع عسل تفرحكوا جدا انا مش وراياحاجه غيركوا واشكركوا من كل قلبي عالرد

هههههههههههه اة طبعا هو دايما اللى بيكون شقى ايام الطفولة بيتظبط بقي لما يكبر ويعقل كدة

بس والله بردة لسة من هواة المغامرات بس بالعقل بقي

بحب اتحط فى مواقف صعبة زى مثلا

نكون راجعين انا واصحابى من مكان متاخر مثلا وما فيش مواصلات بقي وبنعيش مغامرة حلوة
نروح نستكشف مكان جديد
كدة يعنى

ثانك يو على المتابعة والاهتمام

هههههههههههههههه
المغامرة فى حد ذاتها مفيش فيها عقل
و أخويا نفسة يموتنى فعلا مين قالك...............
هههههههههههههههه
لأ أنا بهزر داأحنا بنحب بعض أوى و اللة
و مرة تانية يسلم مخك على الأفكار الجميلة دى

Me, i think i have never been a child

i do not remember so much things about my childhood

i did not stay in a certain place , so i had so much adventures

now, i can not even think about the word-adventure

i think for most of us ,child hood is better than now-when we were angels

موضوع جميل يا سويت موون وبشكرك عليه
انا بقى وانا صغيره كنت شقيه جدااااااااااااا وكنت وانا فى الابتدائى انا واصحابى البنات نكون فريق والولاد يكونوا هما كمان فريق ونعمل مسابقات بين الفريقين ونضرب بعض ههههههههه دى كانت ايام جميله جدااا وكمان اكتر حاجه كنت بحبها انى كنت رئيسه الفصل والبرلمان المدرسى وكمان رئيسه الاذاعه المدرسيه وكنت على طول بقدم الاذاعه ودا كان بيسعدنى جدا وكمان كنت دايما بشارك فى المعرض الفنى لانى كنت بحب الرسم جدااااااااا ومازلت بعشق الرسم واى وقت فراغ ليا برسم فيه
بشكرك تانى يا جميل على الفكره الجميله دى

اولا شكرا عالموضوع
ثانيا انا من صغرى وانا هادى وبحب الهدوء بس كنت بحب العب مع اول صاحب لى كان جارى وكنا لاعيبه بلى ونعمل طيارات ورق ونطيرها والكره طبعا ياااااااااااااااااه كانت ايام جميله والبال كان مرتاح

قلبتى علينا المواجع

مش فاكرة اوى بس الى انا فاكرة

انى كنت بلعب مع اخويا و اصحابة فى الشارع كورة

وكنت بحب اوووى اللعب الاولة وبنك الحظ وجماد وانسان

و نتشت المنديل انا بموت فى العبة دى موت كنت بلعبها مع اقريبى و اصحابى وكنت بحب الرسم اوى وما زلت بس معتش برسم كتير

كافية كدة طولت بس اصل الطفولة دى حاجة حلوة اوى

و مرسى على الموضوع يا مون

وعيزين نعرف و انتى صغيرة كنتى بتعملى اية

اولا شكرا ليكوا كلكوا عالرد كانت ايام جميله جدا اما انا كنت اشقي من الشقاوه كنت فظيعه جدا وكنت بخوف خالتو جدا وولادها عشان انا بنت اختها الأخيره بقي وكانت جدتي مشجعاني جدا علي كده وكانت مدلعاني جدا وبتخاف عليا بس بصراحه مش كنت بكسر حاجه ابدا اه انا كنت غلسه جدا واستفزازية ساعات بس كنت بخاف من ماما جدا بصراحه كانت طفولتي فظيعه بس انا دلوقتي حاجه تانية انا هادية جدا بس قرده مع اصحابي واللي اتعود عليهم انا اجتماعية جدا شكرا ياجماعه عالرد ربنا يخليكوا ليا يينجحنا كلنا قولوا أمين .....