حوار مفتوح حول اقسام الكليه......

أزيك يا مصطفى زى ما هو ظاهر انا فى تلتة حيوان و كيمياء
ايه الفرق او الشروط المطلوبه لدخول اى قسم منهم فى سنه التخصص؟
من الناحية دى أحب أقولك أن مفيش شروط بتتدخل أى قسم انت عايزة و مش شرط التقدير أو كدة مفيش غير قسم Bio اللى بياخد بأولوية التقدير.................

ايه الفرق بينهم فى مجال العمل بعد التخرج؟
هو من الناحية دى كلة بيعمل حاجة أسمها- دبلومة تحاليل و مفيش فرق بينهم لأن كدة أو كدة زى مل حضرتك عارف مفيش خريج من كلية علوم بيشتغل فى أختصاصة ... بس يفضل انك متدخلش قسم خاص لأن اللى بيدخلوة بيبقوا دخلينة عشان يكون ليهم أولوية التعيين فى الجامعة بمعنى أن الكلية لو عايزة معيد كيمياء مثلا بتفضل أنها تاخد من كيمياء خاص عن حيوان و كيمياء مثلا حتى لو ليهم نفس التقدير
كيف اكتب رغبتى بدخول قسم ما...؟
بعد ما تخلص أمتحناتك فى سنة تانية و تبان النتيجة بتروح لشئؤن الطلبة و تاخد منهم طلب الرغبات و هتلاق فى الورقة 5 رغبات بتملاهم على حسب أختيارك و عموما بتتقبل من أول رغبة كتبتها
و بس هى دى كل الحكاية يا رب تكون فهمتنى..............

اولا ازيك يا مصطفى باشا اتمنى تكون بخير

انا بشكر دينا على معلوماتها وهو فعلا كلامها مظبوط

انا فى تالتة نبات وكيميا

ايه الفرق بينهم فى مجال العمل بعد التخرج؟
اولا جميع اقسام بيولوجى تقريبا ما فيش بينها فرق فى مجال العمل لان كل الاقسام تقريبا فيها كيميا فالكيميا دى بتاهلك انك تشتغل فى اى مجال سواء ادوية او مصانع او شركات او ....الخ طبعا مع مراعاة ان التقدير لية دور ااساسى فى العمل


ايه الفرق او الشروط المطلوبه لدخول اى قسم منهم فى سنه التخصص؟
اولا يا درش اقسام بيولوجى هى كالتالى
كيميا حيوى ودى بتطلب تقدير جيد جدا على الاقل
نبات وكيميا
ودة باى تقدير مهما كان حتى لو انتة شايل مواد ومن ضمنها النبات عادى جدا تثقدر تدخلة برغبتك وليس بتقديرك
حيوان وكيميا نفس الكلام بردة بدون تقدير
نبات خاص ودة اللى بيدخلوة بيكونوا عايزين يتعينوا معيدين نبات وطالعين اوائل الدفعة او باباهم دكتور فى القسم طبعا فاهمنى
حيوان خاص نفس الكلام
حشرات وكيميا باى تقدير وحشرات خاص اى تقدير

كيف اكتب رغبتى بدخول قسم ما...؟
رغبتك بتيجى فى سنة تالتة فى بدايتها تقريبا فى اخر الاجازة بتاعة تانية بتروح الشئون بيديك ورقة بتكتب فيها رغبتك بالترتيب ودايما اول رغبة بتكتبها هى اللى انتة بتدخلها
بس ما تبقاش جايب مقبول وتكتب اول رغبة كيميا حيوى ما ينفعش دة القسم الوحيد اللى عايز جيد جدا على الاقل
وكتابة الرغبات دى حاجة سهلة جدا جدا لدرجة انك ممكن تبعت واحد صاحبك يكتبهالك لو انتة مكسل ههههههههههه

فية حاجة بقي يا صاصا عايزك تعرفها بردة
دينا قالت ان كل اقسام بيولوجى بيعملوا دبلومة تحاليل
اة كلامها مظبوط فعلا بس اية الفرق بقي
دبلومات التحاليل دى منها انواع كتير يعنى فية دبلومة اسمها بكتريولوجى وفية دبلومة كيميا حيوى ودول اكتر اتنين الناس بتعملهم
وانا ان شاء الله ناوى بكتريولوجى
والبكتريا دى علم من علوم النبات فايهما اسهل واحد دارس نبات يعملها ولا واحد دارس حيوان ولا واحد دارس كيميا حيوى
طبعا الدكاترة اللى بيدرسولى حاليا فى تالتة نبات وكيميا هما اللى بيدرسوا الدبلومة دى يعنى انتة بتكون عارف نظامهم وطريقة شرحهم والموضوع مش جديد عليك بل يعتبر تكرار
اللى انا عايز اقصدة ان بتاع حيوان وبتاع كيميا حيوى بيواجة صعوبة كبيرة لو عمل دبلومة بكتريولوجى لان هو اصلا مش بيحب النبات

شكرا واسف بجد على الاطالة
واى سؤال يا درش او استفسار فى الكلام دة انا موجود لان فية كلام كتير جدا فى الموضوع دة بس انا طولت اوى
شكرا

شكرا يا دينا و الف شكر يا ابو حميد انا بجد مش عارف اشكرك ازاى انا بستفيد جدا من اطالتك
و ربنا يوفقك فى الدراسه و الدبلومه ان شاء الله