اية اغرب موقف حصلك في حياتك؟؟؟

اذيكوا ياجماعه ربنا يوفقنا ف الإمتحانات كلنا ف حياتنا مواقف غريبه حصلت لينا ممكن تكون ضحكتنا او زعلتنا بس اكيد موقف مميز ياريت نقول اية اغرب موقف حصل لك انا هبدأ لنفسي انا وصحبتي كنا بنشرب عصير وبعدين ولد صغير جه جمبنا وقال لو سمحت ممكن شوية فصاحبتي قالتله لا امشي من هنا فالواد صعب عليا فقولتله خد بتاعي راح قايل لي لا انا عايز عصير صحبتك مش انتي انتي شكلك طيب بس هي غلسه قولتلة خد عصير بقي معلش وده اغرب موقف ليا طب وانتوا مستنية ردكوا

ههههههههههههههههههه صاحبتك برده اللى غلسه

سامحينى معنديش موقف حاضر دلوقتى

بس مبسوطه بجد انى اول حد يرد عليكى

تقبلى مرورى

انا بقول لكل الاعضاء وحشتونى ايام الامتحانات واغرب موقف حصلى فى ثانوية عامة وانا فى اللجنة نسيت اعمل الموبايل سيلنت ورن وهو فى جيبى*انا قلبى ليك وروحى فيك من كتر حبى بخاف عليك*

موضوع جميل وفكرة جميلة

انا اغرب موقف حصلى
كنت انا واخويا بنتفرج على فيلم اجنبى اسمة scary movie ودة كان فيلم رعب المهم شوفناة على فناة mbc2 وبعد الفيلم ما خلص بنقلب على فنااة تانية لاقينا نفس الفيلم شغال بس بعنوان scary movie 2 ودة كان رعب كوميدى يعنى تقليس على الجزء الاول وبعدين استغربنا طبعا من شوية الفيلم دة كان رعب وكنا مرعوبين وبعد كدة الفيلم قلب هزار على قناة تانية ورعب كوميدى جدا
فاستغربنا طبعا جدا من اللى بيحصل
الغريب بقي والاغرب اننا لما خلص الفيلم التانى بنقلب على قناة تانية لاقينا اعلانات عن نفس الفيلم دة ههههههههههههههههه فاستغربنا اوى بقي المرة دى وقولنا هو الفيلم دة بيطاردنا ولا اية كان ناقص يطلع لنا من التليفزيون فى الحقيقة بقي

ودة كان اغرب موقف حصلى بصراحة يا ترى اية تفسيرك اتحاد الاذاعة والتليفزيون بيشتغلنا ولا اية ؟ هههههههههه

شكرا يا جميل على موضوعك وفكرة جديدة وجميلة

فكره لذيذه أوى يا سويت مون احكيلكوا بقى على الموقف اللى حصلى انا كنت قاعده انا وصاحبتى فى مطعم وبناكل وفجأه تليفونها رن حاجه عاديه جدا يعنى بس اللى بيرن رقم غريب وكمان دا كان رقم بيت ومن القاهره كمان وهى مش تعرف حد من القاهره فقولتلها ترد واللى رد عليها كانت ست كبيره الغريب بقى ان اللى ردت عليها قالتلها انتى( قالتلها اسمها) صاحبتى استغربت جدا واللى اغرب اللى حصل بعد كده ان الست دى قالتلها ادينى صاحبتك( وقالنلها اسمى) وقالتلها كمان اللى قاعده جنبك انا لقيت صاحبتى بتقولى تليفون ليكى قولتلها نعم قالتلى تليفون ليكى بجد انا استغربت جدا قولتلها تليفون ليا انا من على موبايلك قالتلى اه والله قولتلها مين قالتلى معرفش واحده غريبه اوى المهم انا خدت الموبايل ورديت قولت ألو لقيتها بتقولى انتى ( وقالت اسمى )قولتلها ايوه مين معايا مردتش عليا وقفلت وانا قعدت بعدها انا وصاحبتى فتره مستغربين ومش لاقين تفسير للى حصل وكنا بنتصل بالرقم دا نلاقى طفل صغير بيرد علينا وبعدين يقفل ودا بجد كان اغرب موقف حصلى ان ازاى اللى اتصلت عرفت رقم صاحبتى وعرفت اسمها وعرفت انى معاها فى الوقت دا وكمان عارفه اسمى كانت بتراقبنا بالقمر الصناعى يعنى ولا ايه؟ اللى عنده بقى تفسير يقولى واسفه جدا على التطويل

ههههههههههههههههههه لا بجد موقف غريب ومش بيحصل الا فى الافلام الاجنبى على فكرة

بس فعلا حاجة غريبة مممكن تكون على سبيل الصدفة

او حد معرفة بس بيشتغلكوا مثلا

ربنا معاكي دانا نفسي خفت دي حاجه غريبه جدا اشكركم جميعا علي مروركم الجميل