احلم_معانا

كنت بفكر اعمل الموضوع ده بس انت دايما بتسبق يامان
عموما واحد

المهم

انا احلامى ابسط مما تتخيل

حلمى انى اتخرج السنه دى ان شاء الله وهحاول اسعى لده
وبعدين اشوف موضوع الجيش الذى يمثل ليا عائق كبير

اما بالنسبه لموضوع الشغل صدقنى انه لابديل عن السفر ودى فكره مسيطره عليا تماما كمان لان معظم قريبى بيشجعونى على كده

وبحلم لما اسافر اثبت نفسى واشتغل شغل اقدر من خلاله احقق جزء من طموحى واحلامى واقدر اكون نفسى واكون راضى عن نفسى
واقدر برده اساعد اهلى واخواتى
واحقق لهم كل او بعض اللى بيحلموا بيه
بس هما احلامهم بسيطه جدا

ثانيا اقدر اوفر الامكانيات اللى تخلينى ارتبط بالانسانه اللى هختارها او هحبها فى يوم من الايام
واخدها معاى بره

بحلم ربنا يرزقنى بولد وبنت

ان شاء الله لو حصل
هسمى الولد يوسف او فارس
والبنت بيرى او .........


ملحوظه محدش يقولى بيرى يعنى ايه
دا اسم سمعته وعجبنى

ميرسى كاسبر على الفكره الجامده دى

ويارب يتحقق كل احلامنا

وانا اتمني اخلص الكلية وبعدها افتح مع التحاليل وطبعا نفسي اسافر برة دبي خاصة انا بحب البلد دي اما بالنسبة الجواز نفسي ارتبط بواحد محترم يحبني جدا ويخاف عليا جدا ونفسي اخلف ولداسمة احمد او يوسف وبنت اسميها روزاليندا انا بحب الاسم دة وكمان نفسي اموت شهيدا وانا بعمل حج ربنا يحقق احلامي

كلنا احلامنا بسيطه اوي لا عاوزين نطلع القمر ولا حتي نكتشف كوكب جديد كلنا عاوزين نتخرج السنه دي ع خير وافتكر انه قرب بس ربنا يعينا نفسي كمان اخد تأجيل من الجيش ولو فعلا متأكد اني هلاقي مستقبلي في بلدي كنت حلفت ماسيبها بس انا بحلم بس اسافر اكسب خبره واعمل مستقبل بعدها ارجع بلدي انتج فيها بالمناسبه انا نفسي اشتغل في مجال تصنيع الدوا وبعد الشغل نفسي اتجوز بنت حلال احبها وتحبني لنفسي تكون طيبه ودمها خفيف وتخاف ربها ونجيب شفاء وروان واحمد نفسي كمان اعوض ابويه وامي واحججهم تاني احلام مش خياليه بس اتمني ربنا يساعدني ويوفقني وانا بجد هعمل اللي عليه

موضوع روووووووووووووووووعه يا كاسبر
************
اولا ان ربنا يهديني اليه و يجذبني اليه ج1ذبة قويه لا احيد من بعدها ابدا

نفسي ن استرد نفسي و قوايا لاني من فترة طويلة وانااشعر

باني تايهة و ان كل ما في وهن سواء حلم او موهبه او طموح وخلافه
بحلم ايضا بان اطور نفسي بحيث استغل كل قدره ربنا وهبها
و نفسي اشعر اني في المكان الصح
ونفسي اثبت 1ذاتي ..نفسي اعمل عمل يخلد 1ذكري
نفسي كمان البلد دي تتقدم وان يكون لي دور كبيييير في 1ذلك
وحاجات كتيييييييييييييييييييييير
****
واما بالنسبه للحياه الشخصية
نفسي اذا تزوجت اتزوج عن حب قووووووووووووووووي
واحساس و تفاهم لابعد الحدوووووووود
و نفسي الحب ده يجي صدفة يعني اتمني ان انا و هو
ميكونش الحب في بالنا
و يباغتنا اذا ما التقينا
وبالنسبة للاولاد
يارب يكونوا..ولد وبنت
هو انا بحب اسم حنين او حياه ولكن هنبقي نختار الاسما انا و شريك حياتي
كمان نفسي اكون اسره سعيييييييييدة و متفاهمة

أنا حلمى انى اخلص الكلية علشان زهقت منها والله زهقت
وبعدين السفر وأخطب اول ما اسافر البنت اللى بحبها لو مش كانت اتجوزت
وبعدين ارجع اتجوز واخدها واسافر ونلف العالم كله
ويبقى ربنا راضى عنى ويدخلنى الجنه