فكر كويس ورد

لو عرضت عليك اي جنسية اجنبيه بهذه الشروط والمزايا :

- يجب ان تعيش في دولة أجنبيه مدى الحياة.
- تحصل على وظيفة مرموقة جدا.
- راتب اكثر بكثير مما تتوقع
- ظمان البقاء في هذه الوظيفة حتى سن التقاعد .
- لديك اسبوع واحد فقط في السنه لتزور مسقط رأسك .

للصريحين فقط 000 هل ستقبل-ي العرض أم لا ؟؟ ولماذا؟؟؟

اسمع ردودكم بئة

بامانة مش هاوااااااااااااااافق لانة بامانة باحب البلد دى بكل مافيها بحلوها ومرها ومش كلام انشاء والله باحبها اوى وبجد

ياسيدى على الوطنية بس اية ردك لو بلدك ماادتش لك حقك و ماقدرتيش تحققى فيها اللى انتى عوزاة

ابدا عمرى مهوافق
عشان مقدرش اسيب الناس اللى بيحبونى
وابعد عنهم مهما كان
المشكله بقى انى للاسف بحب البلد دى
ومش هينفع اسبها

السؤال صعب
بس انا ناس كتير هتنتقدنى

بس عن نفسى

هوافق

واكيد كتير هيستغربوا الرد
بس انا اختارت كده لاسباب معينه محتفظ بيها لنفسى

بس ياجماعه والله انا مصرى وبحب مصر

واكيد البعد عن الاهل صعب

والغربه صعبه

بس اوقات الواحد بيضطر يعمل حاجات غصب بعنه

بمعنى ادق الظروف بتدفعه لكده

والعرض بتاع كبو مغرى جدا

وهيرضى طموحى وهيحققلى جزء كبير من احلامى
ان لم يكن كلها

وهيغير جوايا شئ كبير كان دايما شاغل تفكيرى ومسيطر على عقلى


عموما دا مجرد احلام بنحلامها

وعندما نصطدم بالواقع يتغير كل شئ

لا طبعاااا
الاسباب :
1-حاسه انها تبقي نداله مني
2-البلد والاهل عمرهم ما يتعوضوا ولا يتمنوا بكنوز الدنيا
وشكراا

لو السعودية بس اوافق لشدة حبى لها ولاهلها لانى عشت فيها فترة من عمرى
غير كده مش هوافق لانى بحب مصر بر ضه
بس كل ده احلااااااااااااااااااااام
بس اى انسان مسلم المفروض يتمنى انه يعيش فى بلد النبى ويبقى قريب من الكعبه ويبقى فى بلد بتعطى للدين والمتدينين حقهم
بصراحه اللى عاوز الدنيا والآخرة يروح السعودية

شكرا ليك على سؤالك
بس انت لو وافقت هتعيش طول عمرك غريب ومش هتستحمل تعيش بدون اصحاب عمرك اللى عمرك ماهتعرف تجيب زيهم ابدا
وكفايه انك تعيش بعيد عن اهلك مش اصحابك دى لواحدها مصيبه
لو انت ليك الحكم انك ترجع فى اى وقت يبقى تمام غير كده اعتقد صعب على اى واحد مهما كانت الظروف
وياريت نسمع ردك؟؟؟

لا طبعا مش هوافق مقدرش اعيش من غير اهلى واصحابى
وعايز تعبى وشغلى يبقى لبدى مش لبلد غريبه
ومشكووووور على التوبيك

طبعا يستحيل اوافق
انا مؤمنه اوي بالمثل (اهلك لا تهلك)وبعدين اخر حاجه ممكن تنفع الانسان في الدنيا دي هيه الفلوس يمكن اما حد يقول الوطن وبحبه والكلام ده محدش يادر يفهم ايه الي ورا الكلمه الي ورا الكلمه انك ساعت متيجي تقع في بلدك هتلاقي الف ايد بتشدك وبتحبك بجد لكن بره هتحس انك غريب وكمان عايش بس علشان تحصل فلوس ووحده وحده كل الاحساس والمشاعر والوطنيه هتنشال من قلبك وهتعيش انسان مجرد من اي شئ بلاش نقول هتسيب الي بتحبهم في بلدنا حس انك هتسيب الي بيحبوك هتلاقيها صعب اوي
اسفه طولت

بص ياكبو هوا السؤال صعب جدا
ممكن نقول اى رد دلوقتى بس لما نتحط فى الوقف دة ممكن كل الموزين تنقلب
بس فى رئى ان لو البلد اسية علينا زى ما بنقول ودة عبنا احنا
يبقى غيرنا هيستحملنا اعتقد هوا دة الى لازم نفكر فية

انا مش هوافق خالص
لان بابا مسافر بقاله 25 سنه فى السعوديه
وطبعا هتقولوا لمينا فلوس كتيييييييييييييييييييييير
الحمد لله
بس كله اتصرف على 3عمليات
عملها بسبب اكل المطاعم
عشان احنا مش جمبه ولا فى طبيخ بيتى نضيف وكمان ضغط الشغل والتوتر والقلق علينا طول مهو بعيد عننا

طبعا مفيش اسباب اكتر من كده تخلينى اكره السفر واللى بيفكر يسافر

بكل صراحة مش هوافق
الا اذا نفتني بلدي
يا جماعة انا والله مش بقول شعارات
بس انا لسة
بحب
بلدي ولكن
لو في سبب تاني ظهر وهو ان في سفري اعلاء لشان بلدي يمكن افكر

طبعا الع رض مغرى جدا لكن بالنسبالى مش هوافق لانى مقدرش اسيب حبايبى

ميرسى على الاهتمام باموضوع وعلى كل الاراء اللى انا قرأتها بس اللى عاوز يسافر عاوز عاوزها علشان يعمل مستقبل ويرجع مش علشان يستقر وكلنا هنعمل كدة لو بلدنا ماادتش لنا حقنا

حلوه ردودكوا اوي دي وحلوه اوي الانتماء للبلد بس كل واحد عاوز حاجه من رده ده الولاد عاوزين يعملوا مستقبل اما البنات مش محتاجين الا الجواز ويتسلوا اما يكملوا في الكليه او يشتغلوا في اي مكان مش محتاجين سفر ولا رجوع

هى دى الدنيا ياكبو

احنا ورانا مشوار طويل

ومستقبل لسه فى علم الغيب