بحبك يا ريس (للشاعر احمد فؤاد نجم)

ههههههههههههههههههههه
بجد روعه
بس انا عايزه اعرف هو احمد فؤاد نجم لسه عايش
بعد الكلام الجااامد اوى ده
ولا هو فى سجن ابو زعبل؟؟
ولا بلاش كلام فى السياسه احسن
عموما ميرسى انك جبت الكلام الحلو ده

هههههههههههههههههههههههههههههه
بس عاوز اقولك على حاجة مهمة جدا انتا نسيتها
عارف هيا اية؟.
اقولك هيا اية..........
انت نسيت تكتب كلمة المرحوم جمب اسم الشاعر
ونصيحة منى ليك متظهر فى اى مكان لمدة 10سنين قدام
والفترة قابلة للزيادة ببقاء الريس على قيد الحياة ربنا................. ....................................
يخلية

سورى انا مش مصدقة ان احمد فؤاد نجم يكتب كدة وينشرة
لان مهما كان فية حرية الراى بس مش للدرجة دى
وريسنا مش وحش للدرجة دى
والله هو احسن من غيرة
وسورى مش عاجبنى الشعر دة

اولا الشعر دة عاجبني جدا جداجدا
بس انا عايزة اعرف بجد الراجل دة فين دلوقت
بجد انا احيي شجاعة الشاعر الحر
وردا علي ال
beautiful_bird
لا انا مش معاكي لان اللي مرجعنا ورا كلمتك دي اللي نعرفه احسن من اللي منعرفوش ..و دة احسن من غيره
ده حتي يمكن الشاعر مرضاش يعر الريس اكتر من كدة دة مقالش كتييييييييييييييييييييييير
دة يا دوب فضفض شويه تقدري تكدبي حرف من اللي قاله
وبعدين عشان تري الحقيقة كامله اقراي المؤيد والمعارض لحكومة مبارك
انتي يمكن بس متعرفيش حاجات كتير لانك زيك زينا كل همنا المذاكرة و الترفيه من بعدها ترفيه من اجل الترفيه
ودة حال ناس كتيييير ومعلهاش لوم كبير
*******************
وارجوكي ان تسامحيني لو لمستي حدة في ردي و لكن هذا من حبي فيكي وفي بلدي
فانتي اخت لي احبها ان تكون مطلعة علي احوال بلادها و ما يجري في معتقلاتها

ولا يهمك دة رايك
بس انا عايزة اقولك حاجة عمر ما كان العيب فى ريسنا العيب والله فينا
وانا مش باقول اللى نعرفة احسن من اللى منعرفوش
للاسف احنا بنحب ننسب خطئنا للى اكبر مننا وكل فترة رياسة فيها مساؤها وحسانتها
مفيش حاجة كاملة واى حاجة وحشة فى بلدنا هتبقى مننا
احنا اللى بنسرق بعض واحنا اللى بنكرة بعض
الاول نغير من نفسنا ونشوف لما نغير من نفسنا هيبقى العيب فى الريس والا فينا

يا جماعة احمد فؤاد نجم كان فى المعتقل مدة طويلة
وهو دلوقتى خرج
وبيعمل برنامج على قناة دريم2
والبرنامج بناعة اسمة حبايبنا

اللى احسن من الموضوع المعروض هو اصرار كل عضو على راية مهما عارضة العضو الاخر هو كلام القيدة حلو فى طريقة الالقاء بس وحش فى حق ريس للجمهورية والعيب فعلا فينا مش فر ريسنا العيب فى ولاد البلد وفى الناس اللى حولين الريسونبص لفيلم ظاظا من اللى كانوا اولين الريس وكانوا بيعملوا اية

لا تعلييييييييييييييييييييييييييييييييييييييييييق

موضوع ظريف بس عنوان الموضوع لا يدل على محتواه نهائى وبصراحه انا شايف ان احمد فؤاد نجم زودها حبتين وشكرا ع الموضوع

انا مش معاك لان العنوان مناسب جدا
وهو بمثابة عنوان ساخر

اوكى دى وجهه نظرك بس ياجماعه مهما كان ده الريس بتاعنا برده وبيمثل مصر فى اى مكان طيب احنا بنشتكى من الاسعار من ايام ع الناصر بس انتو نسيتو مزايا الريس واتكلمتوا على العيوب

يا ريت تقول المزايا
وبعدين حين تعظم العيوب و تنحسر المزايا
وعند اذن تكون العيوب اولي بالذكر

اولا انا اسفه للتاخير الفتره الى فاتت بس انا اسفه جدا كنت تعبانه والله
ثانيا سامحونى لو ردى مش هيعجب كتير ده لان من رايى
والله يا جماعه العيب مش فى الريس العيب فينا احنا احنا اللى بنسكت عن حقنا
وبصراحه كده ايام عبد الناصر كان فى كتييييير فى المعتقلات
وايام السادات برده مكنش فى نهضه قد كده
احنا الى دايما عاوزيين حقنا لكن عمرنا ما دورنا عن واجبنا وياريت
تبص على الشباب والبنات واللى بيعملوه دلوقتى بصراحه
احنا برضه مقصريين ومش معنى كده المسئولين مش
عليهم واجب لالالا ابدا واجبهم انهم يوجهونا ويرضوا ضميرهم فينا
اسفه اوووووووووووووووووووووووووووووى طولت عليكم
سلااااااااااام

المزايا هى
الريس طلع اخر يهودى من مصر
الريس مخلينا من غير حربمن يوم ما مسك الحكم
ملوش دعوه باللى بيحصل حوالينا مش زى فيرة ودى جنوده اليمن وفلسطين وماتوا هناك
وهوه احسن من غيره لان اللى هيجى مش هيبقى احسن منه نهائى
عملنا جيش على اعلى مستوى
وفى مزايا تانيه كتير كلنا عارفنها بس صدقنى
مصر بخير وريسنا بخير

لا معلش بقي يا احمد
انا بكره اوي كلمة الريس احسن من غيره
انا في رايي ان الريس لو كانت انتخابات الرئاسة اللي فاتت تمت بحيادية
وكنا مشينا الريس وقتها كان الريس اللي هيجي بعده
هيعرف
ان احنا اللي مشينا اللي قبله واحنا اللي قعدناه
ولنا الحق نختار غيره لو خاب املنا فيه
يعني البلد دي مش ع1ذبه ابو اللي بيحكمنا بيفضل قاعد فبها
لحد ما يموت ولا مين عارف يمكن ابنه يورث البلد كمان
وبعدين احنا مجربناش غيره عشان نقول انه احسن من غيره
وبعدين انت بتقول معيشنا في سلام..السلام اللي احنا عايشين فيه ده بايدينا من ايام السادات يعني هو معملش جديد
وميقدرش يعمل لان الجيش اللي بتتكلم عليه ده نصف الناس بتتهرب منه
وبعدين ما تشوف الاسعار كل يوم في الطالع
قولي خطوه تقدم واحدة بس..
شوف موظف الحكومة راتبه كام ومضطر يرتشي بدل ما يموت من الجوع
تقدم ايه..ده عايز يخصخص البلد

قولي خطوة واحده اخدناها للامام
قولي كان جزاء ايمن نور ايه لما رشح نفسه مش اترمي فالسجن واتلفقت له قضايا بالهبل
هتقولي اشمعنا هو هقولك اللي نتيجة الانتخابات بتقوله..ان اعلي نسبة تصويت بعد الريس هو ايمن نور
انت تعرف اللي بيحصل في المعتقلات ده اعتداءات من كل نوع
طب قولي ليه جدد قانون اللي بيه ممكن يتاخد اي مواطن من بيته من غير ا1ذن نيابه
وبدون تهمه محددة
ويتعذب ويتهان ويمكن يموت وفي النهايه يقولوا معلش..
اسفين مش انت المقصود
الله يخليييك خلي الواحد ساكت
احنا بس اللي عايشين في انعزال او في ضباب يحجب بينا وبين الحقيقه
الاليمه للبلد الحبيسة
وبالنسبه للسلام فمتقلقش اسرائيل في الطريق الينا
ووقتها هنشوف الجيش اللي علي اعلي مستوي
اسفة علي التطوييييييييييييييييييييييل وعلي الحدة

اديكى قولتيها كل واحد يراعى ضميرة بس ومش هيبقى فى اى عيوب بس انا عجبنى الشعر دة جداااااااااااااااااااااااااااااااااااااااااااااا وفعلا معبر عن الواقع الى احنا عايشينة