خطوات تحطيم المصريين من الابتدائي حتي الجامعه مأساة لمن يجرؤ..
------------------------------
[ندعوك للتسجيل في المنتدى أو التعريف بنفسك لمعاينة هذه الصورة]
مصر
كنت فاكرك زمان لما كانوا بيقولي مصر هي امي
كنت بحس بالحنان والحب اللي لازم احسه من امي
كنا بنحيي العلم ونقول
يا شباب مصر هذا علمكم الصاعد رمز العزة والكرامه
كنا بنحب نشوف الافلام اللي فيها حرب اكتوبر واللي فيها وطنيه
الطريق الي ايلات والافلام اللي فيها عبور
كنا بنحسبقشعريره غريبه لما نتفرج علي فيلم ونحس بالانتصار
كنا بننتمي لمصر ونحبها
كنا بنذاكر كتير ونكتب الواجب
كان لما حد يسألنا عايز تبقي ايه ترفع صوتك وتقول دكتور,مهندس طيار.عالم كبير
كان عندنا روح الامل والتفاؤل وكان الصعب سهل
كنا بنتخنق من المدرس ده عشان بيضربنا جامد
وبنحب المدرس اللي بيحترمنا مع انه بيضربنا
كنا بنغني بصوت عالي مصر هي امي نيلها هو دمي
كنا بنخاف من الناظر اللي كان مسئول عننا مش عشان هو ناظر انما عشان احنا صغيرين وبنخاف نتضرب
كنا بنحب نلعب اوي
كانت البنات اللي معانا زي اخواتنا بنلعب معاهم ونحبهم ومفيش بناا اي غدرمش عشان احنا صغيرين انما عشان كنا متربيين علي كده
كنا بنسمع عن احمد زويل وبنفتخر بيه
كنا بنسمع عن مجدي يعقوب ونفتخر بيه
كنا بنسمع عن نجيب محفوظ ونحب نسمع الكلام عنه
كنا بنجيب هدايا لأمهاتنا في عيد الأم
كان المدرسين بينصحونا وبيفيدونا
كان العالم بالنسبه لينا هو المدرسه والبيت
كانوا يقولوا انت بتقضي في المدرسه اكتر ما بتقضي في البيت
مكنش حد بيتكبر علي حد مكنش حد بيغدر بحد
الكلام ده اوحنا صغيرين في الابتدائي لأن العالم اللي كنا عايشين فيه كان الأب والأم والمدرسه
وكلهم عايزيننا احسن ناس وبيحبونا اوي
مكنش حد يعرف عالم اكتر من ده عشان ده عاداتنا كانت حلوة كنا طيبين
فجأة لما كبرنا ورحنا المرحلة الاعداديه
بدانا ناخد دروس خصوصيه في معظم المواد
المدرسين مش بيشرحوا كويس في الفصل
الضرب اتمنع ومحدش المفروض يضرب
بدأنا نكبر ودي مرحلة البلوغ فبدأنا نحن للجنس الآخر اللي كان منفصل عننا
ووطبعا الافلام اللي كنا بتفرج عليها كان فيها معاكسات للبنات فبدأنا نقلدهم
فكنا بنتمسك ونتفصل ونضرب من اوياء امورنا
كنا بنكره المدرسين والمدرسه عشان محدش بيحب إلا نفسه وبيستغلونا في الدروس واحنا كرهناهم كلنا مع اننا مش عارفين يعني ايه استغلال بس حسينا بالظلم فكرهنا الظلم اللي ما اتعودناش عليه
وفي المرحلة الثانويه
روحنا لقينا اللي قبلينا بيطفشوا ويسيبوا المدرسه
والمدرسين تافهيين ومالهومش هيبه زي زمااااااااااان
كنا بنكره المدرسه والمذاكره
كانت الاراده منعدمه
وانتشر الخبث بين الطلاب والمكيده
وطبعا مكناش بنحضر
كان المدرسين بيخافوا مننا يعني هيبه المعلم اللي بيعلمنا راحت يبقي مش هتحتر التعليم اكيد
كنا بنقابل بنات في الدور التالت في المدرسه عند السلم
عرفنا معني الكدب وعرفنا الخداع وعرفنا الغش وعرفنا انا مصر كلها كده
تفكيرنا كان محدود بس كان كويس
كنا بنذاكر عشان نروح كليه حلوة والي بيسمع كلام الخبثاء بيضيع
كانت الدروس هي العمود اللي بترتكز عليه
وطبعا المدرسه بتظبط الغياب بتاعنا وبتعديها
كنا بنتفرج لي افلام............عشان مش لاقيين حد يوجهنا
كنا بنسمع عن السجاير ومحدش حاول يحربها إلا قليل هو مش قليل اوي يعني بس كان في السر
مكنش فيه معامل مكنش فيه تجارب مكنش فيه ثقه بينا المدرس والطالب إلأا القليل
نسينا بنقف الطابور ازاي ونسينا النشيد لأننا مكناش بنحضر ومكنش بنحس بالانتماء
كانت حياة الجامعه حلمنا وكنا بنحس احساس جميل لما نتكسف نقعد جنب بنت ويقولنا المدرس
امال لما هتروح الجامعه هتقعد جنب زميلتك ازاي
الجامعه كانت هي الهدف
هنروح
نكلم بنات ونصيع ونشيل موبايل وكده يعني
دا للناس اللي مش معاها موبايل بس عندها طوح للموبايل والصياعه
وفي الجامعه
شيلنا الموبايل وكلمنا البنات وشربنا السجاير علني وكمان الحشيش
وطبعا عملنا اكتر من ده
فكرنا في السياسه وكانت الكلمه اللي بنقولها وانا مالي ما تولع
كرهنا حياة الجامعه من هلس ولعب ومسخره وظلم الدكاتره
اتخنقنا من الظلم اللي كنا بنكره طول عمرنا
ولما كرهنا الظلم كرهنا الدكاتره ومبقناش نحاول نحضر محاضره وبقينا بنهرب ونقعد في السنتر او الكافتريا
حياة فارغه والفراغ ده وجنا لاتجاهين
1/ الفراغ الدائم والتطنيش وشرب الحشيش والبنات اللي بقول كل همنا واللي يسألنا نقوله عاملين دماغ
2/ اتجاه التفكير اللي ولده الفراغ والغضب زي ماهو معروف ان الفراغ بيولد الغضب ففكرنا في حالنا كويس احنا ليه بقينا كده
وفين المبادئ بتاعت زمااااااااااان وفين......وفين وفين وفين
وبدأنا نفكر طلع كله من الناس اللي حنا كلنا عارفينم
حرامية البلد
وخلصنا الكليه ومقناش شغل واللي عايز يشتغل بيتغرب ويحفر الحجر عشان يجيب فولس
ويتجوز في الحلال وفيه اللي خد الاتجاه الاقرب ونام في الخط ودول العاطلين
وبكده الناس اللي في
البلد انقسمت لــــــــــــــــــــــ
1/العاطلين الحشاشين
/2المهاجرين للدول التانيه وبينفعوا بلد غير بلدهم ومتغربين بره ارضهم
3/الحراميه اللي جوه البلد ودول الناس الكبيره اللي عايشه عيشة الملوك
وسبحان من قال أيحسب ان ماله اخلده
4/الناس اللي بتشتغل جوه مصر اللي متغربين داخل بلدهم واللي مطحونين كل شوية مصيبه عشان محدش يفكر في حالة البلد
هي دي حكاية حماة مصر من صغرهم لحد الجامعه
نموذج صح للتحطيم
ودراسه جامده جدا
اصبح التعليم عقبه ادام صاحب المبادئ وصاحب القلب النضيف
عشان تتعلم يبقي هتبوظ
مصر بتضيع يا ناااااااااااااااااااااااااااااااااااس
حرااااااااااااااااااااااااااااام
دا احنا المصريين احنا المصريين
ربنا قال اننا احسن اجناد الارض
بزمتك لو قامت حرب مين اللي هيحارب
الحشاشين ولا العاطلين ولا المتغربين ولا الفقرا ولا الكبار اللي سارقين البلد ولا بتوع الجيش اللي مش عارفين يمسكول البندقيه
سبحانك ربي
يا رب اهدينا وسامحنا
يا رب ملناش غيرك
بس لازم نقول لأ
قولوا لأ
قولوا لأصحابكوا انشروا الفكر الوطني انشروا الحكايه حسوا بمصر قول لأ في سرك اعمل اي حاجه حس انك بني آدم يا أخي هتقفضل نايم لأمتي
[/size]