كيف ستتصرف؟؟؟

ايه ده

افهم من كده ان الموضوع ده للولاد فقط

والبنات ملهاش مكان ولا ايه؟

بس العموم انا هحط نفسي مكانكم وهرد علي السؤال

بصراحة انا لو كنت ولد وحبيت اخت صحبي

هستني اما ابقي راجل واقف علي رجليه واحس انا اقدر اتحمل المسئولية

وساعتها اروح اصارحه بقلب جامد

واكيد هوه لو انسان عاقل هيحتويني

ويفهمني وكمان يساعدني في شق طريقي

علشان ابقي راجل ملو هدومي واستحق اخته

شكرا ليكى يابوسى على ردك
بس والله الموضوع متاح لكل الاعضاء مش للولاد بس
ومستنى باقى الردود

"نبأى على نور من الاول "
جمله حلوه والله يا نور
بس اقولك بقى انا بحب اجيب المواضيع اللى الناس مش بتحب تتكلم فيها لانها ساعات بتخليهم مش عارفين يعملوا ايه.
وعندك حق ان مفيش ولا ولد حتى الان رد على موضوعى حاجه غريبه فعلا.
وشكرا ليكى على ردك وعلى مرورك

سوري يا جماعه انا ضد رايكم وحاسه ان رايكم مبني علي الرومانسيه مش الواقعيه المفروضه علينا في زمانا ده
يعني راي ان الشخص ده لو قادر انه يخطب البنت دي ومستعد للجواز مش يصارح اخوها بس ده يصارح الدنيا بحلها بس لو كان لسه طالب وبيحبببببببب البنت دي اخت صاحبه ومش مستعد او جاهز ولو حتي للخطوبه يكون سكوته افضل
وحتي لو اتخطبت يفرح ليها لان اللي بيحب بيتمني ل اللي بيحبه الخير دايما ويتمناله ربنا يوفقه ويتمني ليه الافضل

صلوا على النبي
صلي الله عليه وسلم
والله الحب ده لو من طرف واحد الي هوه انا يبقى اسكت احسن لحد لما اكون راجل واروح اتقدملها
لكن لو الظروف سمحت انه يكون حب من الطرفين فطبعا مش هينفع اخبي عليه حاجه
لازم يعرف كل حاجه مهما كان رده فعله فانا لازم اتقبلها
والمفروض اصلا انا لو ليا واحد صاحبي وله اخت المفروض اشلها من دماغي خالص عشان مايحصلش مشاكل
بس برده الحب بيجي كده غصب عن نا كلنا
بس نحاول نبعد عنها احسن عشان ما اخسرش صاحبي ده لاي سبب من الأسباب


ثانكس يا مهند
ده رايي

رايي ان حتى لو حبها المفروض يحافظ عليها يعنى مش يكلمها فى التليفون ولا يقابلها ولا يبين حاجه خالص لاليها ولا لاخوها بس ده فى حاله انه ناوى يصبر شويه لغايه ميكون نفسه ولازم يحط نفسه مكان اخوها عمره ميسمح انه يحصل مع اخته كده وبعدين لو الاخ عرف يبقى مش هيدخله البيت لانه مهما كان راجل وعنده نخوه وغيره على اهل بيته
بس لو كان جاهز ويقدر يتجوز طبعا لازم يتقدم فورا للاخ الاول وبعدين ابوها عشان يبقى اخوها فى ظهره
وياريت اكون وضحت الفكره وعاوزين نعرف راى مهند بقى

السلام عليكم
بص بقي يا عم مهند
بانسبه لي الموضوع واقعي جدا
لاني اتحطيت في الموقفين
كنت باحب اخت واحد صاحبي وما كنتش عارف اعمل ايه افاتحه في الموضوع وللا لا فكنت محتار جدا لكن في نفس الوقت جالي واحد صاحبي وقالي انه بيحب اختي ماعرفتش ارد عله بايه بس قلتله اننا مش هنلاقي احسن منه بس هوه كان لسه في سنه تانيه فقلتله لما تخلص وتجهز وتشتغل اتقدم وانا هابقي جنبك بس يا ريت ما تفتحش الموضوع ده اليومين دول لحد ما تخلص وقفلنا الموضوع وبعده حسيت اني ما باحبش اقابله وكل لما باقابله باتضايق ومن يومه ما جاليش البيت وانا ما رحتلوش بيتهم وعدنا بنتقابل بسيط من الاخر عدت باكرهه مع انه ما غلطش بس هوه استعجل وفتح موضوع قبل معاده
فانا بعد كده حسيت اني ما ينفعش اكلم صاحبي في موضوعي مع اخته غير لما اخلص واشتغل واقدر افكر تفكير عقلاني واقدر اقيم الموضوع كويس وبعدها اتقدم رسمي ولو هي اتخطبت قبل كده فتبقي قسمه ونصيب وانا مش هاموت يعني

احم احم
جه وقت الرد بتاعى
وانا بشكر كل من قال رايه بصراحه ووضوح
انا كنت افكر انى لو وضعت فى هذا الموقف انى هقول لصاحبى عشان انا مش بحب الكدب وان انا اضحك عليه (استغفله).
بس لما سالت ناس قريبى عشان اعرف ردهم قالوا بلاش اخوها يعرف الوقتى خصوصا انه بيعتبرك زى اخوه(مش قصدى على نفسى) لانه ممكن مش يكلمك ويقول انك ضحكت عليه واستنى لغاية ماتخلص وفاتحه عشان ساعتها مفيش مانع من الكلام فى الموضوع ده.
وده متفق مع رد معظم الاعضاء انه ميقولش لصاحبه لغاية ميخلص دراسه على الاقل....
وشكرا لكل من ساهم فى الرد على الموضوع..............

تمام يا عم الناس ما فيش اختلاف
كده احنا متفقين
بس لعلمك اغلب الشباب بيتجوز اخت واحد صاحبه