ســـــــــــؤال بســــــــــــــيط

انا عاوز راى الناس بصراحه فى السؤال ده :
تعمل ايه لو انت بتصيف مثلا ولقيت قدامك وانت بتتمشى على البحر جثه لانسان متحلله .
هل تكمل السير وتعمل نفسك لاتراها ام تقف وتطلب المساعده؟
عاوز الرد ارجووكم على السؤال ده.......
وشكرااااااااااا

جثه انسان متحلله طيب هى لسه فيها عظام يعنى
لو عظام اكيد هجيب حد يساعدنى ونلمها وندفنها
لو لسه لحم موصصلش للعظام اكيد مش هقرب منها
ياريت نعرف رايك يا مهند

ايه يا مهند ده انت اكيد بتتفرج علي شانل 2 كتير قوي وانا ايه اللي يمشيني علي البحر باليل اصلا انا اتهبلت انا لا الا هتخطف ولو ربنا ستر يبقي هتسرق وبعدين لو حصل مفروض الشهامه متخدنيش وجري عليه بقي وحاول اصحيه والكلام ده بس ملمسوش واتصل بالشرطه وهما يشوفوا جثه مين اللي محدش سائل فيها دي والله العظيم انا خفت يا اخي . انا اصلا اول مهشوفها اكيد هعيط.

شكراا على ردودكم
وبصراحه انا حصلى الموقف ده فعلا انا وقريبى بس الحمد لله اتصرفنا مظبوط طلبنا المساعده اول حاجه من ناس جنبنا مشوا بسرعه رحت انا وابن عمى طلبنا امن الشط عشان الجثه تتفحص ويتعرفوا على صاحبها وتدفن لان اكرام الميت دفنه .
انا واخويا واولاد عمى الحمد لله مخفناش بالعكس احنا كان عندنا ثبات كبير ولولا كده مكنوش عرفوا صاحب الجثه مين ولا كان ادفنت .
واسف على الاطاله.........

انت فعلا اتصرفت صح يا مهند ولو انى مش
مصدقه انك كنت ثابت اكيد ركبك كانت بتخبط
على الجيران وياريت كلنا ناخد العظه ان الموت
بيجى فى اى لحظه وميعرفش كبير من صغير

بجد يا مهند انت عملت الصح

لان سواء حصلي الموقف ده صبح او باليل

اكيد اول حاجة هفكر فيها ان اطلب مساعدة حد

وعمري ما هفكر اني اجري واستخبه

مع اني هبقي خايفة اه منكرش ده

بس الصح اني لازم ابلغ حد اكبر يعرف يتصرف

شكرا على مروركم واحب اقول لدعاء ان ركبى والحمد لله مكنتش بتخبط على الجيران
الحمد لله كان عقل الواحد شغال الفتره دى