هنعمل ايه لما نتخرج

اكيد هنقعد في البيت

ههههههههههههههههههههههههههههههههههههههه
سوال مهم جدا واكيد اجابته معروفه
هدور على عقد عمل فى السعوديه
ههههههههههههههههههههههه

احنا فعلا طرحنا السؤال ده وكانت الاجابات بين هتجوز واقعد فى البيت وبين هشتغل مندوب دعايا وبين اسافر بره
وفى ناس فكرت فى مشروعات خاصه كله جميل المهم التفيذ


وربنا معاكم ومعانا انا شخصيا الشغل جانى لحد عندى من حيث لا ادرى وليس فى مجال عملى

انا عن نفسى باذن الله فى مجموعه خطط فى دماغى لو ربنا وفقنى فى اى حاجه يبقى الحمد لله
ولازم يكون الواحد حاطط اهداف فعلا ليه عشان يقدر يتقدم
وفعلا الموضوع ده جه فى وقته وشكرا على عرضه

في البدايه احب اشيد بالمجهود الواضح في المنتدى
وشكر خاص مني لكل القائمين عليه من مديرين و مشرفين و اعضاء كمان
والموضوع اللي انتوا طارحينه هنا مهم جدا جدا
انا الحمد لله ربنا كرمني و اتخرجت السنادي من قسم الكيميا واحب ابارك للي اتخرجوا و بدعي للطلبه اللي لسه في الكليه ان ربنا يكرمهم و يتخرجوا هما كمان

انا هتكلم بصراحه وبموضوعيه شديده
انا كولد لما دخلت سنه رابعه كان قدامي حاجات مينفعش اعمل حاجه على حساب التانيه
يعني مينفعش ادور على شغل وانا لسه بدرس ولنفرض لا قدر الله حصل حاجه و مقدرتش اكمل السنه
فكان لازم امشي المشوار واحده واحده
اولا ان ربنا يكرم و اتخرج ودا الحمد لله حصل
تاني حاجه اشوف الجيش
وكانت دي تعتبر اكبر عقبه
لأن زي ما الكل عارف ان الجيش عندنا بيحب قسم كيميا جدا
ودا برضه الحمد لله ربنا كرم فيه
وكانت الخطوه التالته ودي اللي محتاجه مجهود شويتين اني ادور على شغل
ودي محتاجه مجهود في التفكير للأنسب لكل واحد فينا و ظروفه مش محتاجه اني اروح و ادور و و و الشغل مالي الدنيا بغض النظر عن المقابل المادي مؤقتا لأني لسه في اول المشوار و الشغل بيجيب شغل احسن المهم اني اشتغل
وبعدين انا عاوز اعرف الناس اللي مستنيه لما يجيلها شغل من حد من قرايبها او واسطه او او ما تنزلوا و تدوروا انتوا
ما المدن الصناعيه مليانه مصانع و كلها محتاجه خريجي علوم ولا ان مكنش في مصنع عز ولا مصنع العربي ميبقاش شغل
الكلام بتاع عز دا اتقالي من واحد زميلنا اتخرج السنه اللي فاتت بيقولي انا رحت قدمت في عز و رفضوني ياعم
انا مش مدور على شغل تاني
والله انا كنت عاوز امد ايدي عليه
ياجماعه فكروا كويس قبل كل خطوه تاخدوها
شوفوا الانسب و الاحسن لكل واحد
وربنا يوفق الجميع
ويارب ميكونش كلامي زعل حد ولا طولت عليكم
والله انا اتكلمت بكل صراحه

تقبلوا خالص تحياتي
جوست

اكيد لو خلصنا وراانا جيش والمشوار طويل
اما لو ربنا كرمنا وخلعنا من الجيش فلا بديل عن السفر

لان هنا الشغل صعب والمعيشه اصعب

عادي ياجماعه معظم اللي داخل علوم عارف انه داخلها علشان حاجه من اتنين :اما انه يعمل دبلومة ويبقي دكتور تحاليلأو انه يبقي مندوب ادويه وده طبعا ربحه أعلي ماديا للي عاوز فلوس بسرعه واللي عاوز علي مهله يبقي يعمل له معمل تحاليل بعد ماربنا يكرمه .علي فكره أنا نفسي هاعمل كده

لو فيه شغل اكيد ان شاء الله اشتغل

اما لو مافيش ودة العادى

يااتجوز يااقعد ف البيت

استنى الجواز بردو ههههههههههههه

وتسلمى ع التوبيك ياقمر

بص يا عم انا راجل متخرج من الكلية الحمد للة واخدت اعفاء من الجيش كمان
واللة الشغل موجووووود واللى بيدور بيلاقى

بس النقطة اللى انا عايز اتكلم فيها ان فية فرق لما تشتغل بوسطة هتلاقى نفسك فى شغل مستريح

انما لو شغل من غير وسطة هتلاقى نفسك فى شغل مرمطة

ودا الواقع اللى مصر كلها عايشاة باختصار شديد جدا جدا

انا الحمد للة بلعب فى نادى دلوقتى ومش بفكر فى موضووووووع الشغل دة
لانى والحمد للة مبسوط كدة ...بس لوجالى شغل كويس وهحس انة احلى من النادى هروحة طبعا؟؟

شكرا على الموضوووووووووووع

انا لما اتخرج بعد عمر طويل اصل الكليه دى بتحبنى اوى ومش راضيه تسيبنى
ان شاء الله املى فى السفراستراليا لتكوين نفسىوعمل مشاريع تجاريه وادارتها
اما كليه العلوم فهى بكالوريوس وخلاص ينفع عند الخطوبه

قشطة يا عمدة دى كانت ايااااااااام جميلة جدا جدا
يلا راحت لحالها... احنا هناخد زمنا وزمن غيرنا؟؟
المهم يا عمدة انا بقول ان النادى دة مؤقت على مييجة شغل البترووووووول

وزى ما انت عارف ان الشغل فى البترول حاليا صعب جدا جدا
بعد انخفاض سعر البترووووووول من 150 دولار الى 25 دولار
وانا سمعت ان فية شركات حاليا بتمشى ناس كتير منها
؟
فيارب كدة يعنا ويعين الجميع؟؟

يا جماعة انا باسمع كلمة غريبة كتير اوى
كل واحد يقول هاسافر هاسافر
فية اية ياشباب
والله عمر ما كان المستقبل بالسفر
انت لو عايز تكون حاجة هتكون فى بلدك
ومتقولوش مفيش شغل لا فية
وكتير
بس احنا بقينا بنحب المرمطة والشغل عند اللى يسوى واللى مايسواش
يا ريت نبطل طريقة التفكير المتدنية دى ونحاول نفكر صح
للاسف انتوا مش عايزين تتعبوا فى بلدكوا بس بتقبلوا المرمطة برة البلد
وسورى يا جماعة انا كلامى جامد شوية

معظمنا فعلا حاطط فى دماغه فكره السفر

والفكره مسيطره عليه

وانا من اكتر الناس اللى حاطه فى دماغها الفكره دى

وان شاء الله لو قدرلى واتخرجت
وقدرلى وخلعت من الجيش
الذى يمثل لنا اكبر مشكله

اكيد ان شاء الله هسافر باى طريقه وباى ثمن

لان الشاب مطالب ببناء مستقبل
وتحقيق نفسه
بالعربى كده
يعمل قرشين يتسند عليه

لان لو اتقدم لاى واحده اول سؤال عندك ايه
والمشوار قدامه طويل
شقه وحاجات كتير

غير ان لنا احلام وطموح صعب نحققها هنا
لان العيشه بجد هنا صعبه
والاقتصاد مضروب

يعنى مهما يشتغل هنا يدوب يكفى مصاريفه بالعافيه

لكن بره انا معاكى مرمطه
ومرمطه جامده
بس كل شئ وليه مقابل

هتشتغل هتاخد قصاد شغلك اللى يكفيك وزياده
مع مراعاه فرق العملات
ودا بيقرق معانا كتير


لكن البنات
مش محتاجين شغل ولا مرتب
احنا مشاكلنا كتير
وحلم السفر ممكن يحل جزء كبير منها

اولا انا عاوز اقول ان اللى ايده فى الميه مش زى اللى ايده فى النار
وكل واحد له ظروف معينه بتتحكم فيه والرزق بالذات من عند ربنا مفيهوش شطاره
لكن اللى بيشتغل فى مصر بصراحه مهما كان الشغل ميقدرش يفتح بيت ولا يكون مستقبل علشان شاب طموحه يجوز فى سن صغير ويركب عربيه ويوفر لاولاده حياة مرفهه
اما السفر بيعمل كل ده وفى سنين قليلة
ومن الاااااااااااااااااااااااخر مفيش شاب بيجيلو فرصة سفر وبيفكر حتى
ومعلشى اللى بيسمع غير اللى بيشوف