البحث العلمي ام المنتخب المصري "مناقشه صريحه لكل الاعضاء"

السلام عليكم ورحمه الله وبركاته

احبائي رواد منتدي علوم المنصوره

اسعد الله ايامكم ورزقكم دائما الخير

اليوم انا هنا للتحدث في امر مختلف هذه المره

ولكن اولا دعونا نستعرض بعض النقاط المهمه

1 / اانا بلعب كره قدم واعشق الساحره المستديره
اصحابي بيقولوا عليا متعصب كوره للاهلي ومنتخب مصر
وطبعا مافيش ماتش للاهلي او للمنتخب غير وبتفرج عليه
والله كان عندي امتحان فيزياء في يوم واتفرجت علي ماتش الاهلي قبليها بيوم
عادي يعني اتعودت علي كده
وطبعا في الاغلب بنكسب بس اوقات بنخسر
الانجازات كثير بس خساره بتسبب مشاكل كثير



2 / مصر من اقل دول العالم انفاقا في البحث العلمي
حيث لا تتجاوز ما تنفقه على البحث العلمي 0.2% من إجمالي الناتج القومي
في حين تنفق الدول النامية على البحث العلمي 1% من إجمالي ناتجها المحلي


3 / طبعا ميزانيه مصر المهوله في تامين بعثات المنتخب والملاعب والفلوس للفرق الكسابنه
بنتكلم في ملايين دلوقتي في حقوق البث الفضائي للدوري المصري فقط
والاعلانات بمعني اصح ميزانيه فوق الوصف!!!!.


4 / كشفت أحدث دراسة مصرية أن حجم ما تم إنفاقه على المخدرات في العام الماضي
بلغ 18.2 مليار جنيه مصري (3.42 مليارات دولار) أي بما يعادل 2.5% من الدخل القومي للبلاد.
ويمثل هذا الرقم حسب الدراسة ما يوازي 79.5% من دخل قناة السويس و32.8%
من عائد التصدير، و41.3% من عائد السياحة، و109% من عائد الاستثمار


نبدأ النقاش بعد توضيح عده نقاط

الي متي سنظل هكذا؟؟؟؟
الي متي سنصبح غير واعين بمتطلبات المستقبل؟؟؟؟


اقول
" نحن أمة مشغولة جدًّا بصورة الآخرين عنها وغير مشغولة تمامًا بصورتها عن نفسها "

الجميع وانا علي رأسهم شاهدنا مباريات المنتخب المصري في كأس القارات
فوز البرازيل علينا بصعوبه في الدقيقه الاخيره رفع الرؤوس
فوزنا علي ايطاليا بطله العالم اخبر العالم اننا هنا وفي مجال التنافس
انه انجاز غير مسبوق
وكالات العالم كلها تتحدث عن المنتخب المصري
شئ لا يصدقه عقل
ولكن بعد الهزيمه من المنتخب الامريكي
الجميع يتحدث عن المنتخب الامريكي
انه الاقوي
وبرغم كل ما سبق وقيل عن المنتخب المصري
ظل كل هذا ذكري طيبه لا يتذكرها احد في العالم غيرنا
لاننا شعب يحب الذكريات ويعيش عليها
كذلك فوزنا في امم افريقيا 2006 و2008
وخسارتنا في تصفيات كأس العالم في اولي المباريات
حولت الحلم الي جحيم
ونسينا حجم الانجازات وكل شئ


دعونا نسبق الاحداث ونرمي الكره الان في ملعب البحث العلمي


الاستاذ الدكتور العالم المصري / احمد زويل

1 / انه الحائز علي جائزه نوبل في الكيمياء لعام 1999
2 / في عام 1998 تم إصدار أول طابع بريدي يحمل صورة الدكتور أحمد .زويل في مصر
3 / حصل الدكتور زويل علي جائزة بنيامين فرانكلين لإنجازاته وإسهاماته العلمية لخدمة العلم والعلوم
4 / زمالة مؤسسة الفريد سلون
5 / جائزة الكساندر فون هامبولدت لصغار العلماء في الولايات المتحدة
6 / جائزة .الملك فيصل الدولية
7 / جائزة ويلش عام 1997
8 / جائزة .ليوناردو دافينشي للإمتياز عام 1995
9 / جائزة وولف عام 1992
10 / جائزة هربرت برويدا الهيئة الامريكية للفيزياء عام 1995
11 / ميدالية الأكاديمية الملكية الهولندية للعلوم والفنون

الشهادات الفخرية من جامعة أوكسفورد البريطانية وجامعة كاثوليك البلجيكية
وجامعة بنسلفانيا في الولايات المتحدة الامريكية وجامعة لوزان السويسرية وجامعة سوينبرن الاسترالية

والله ما هذا الا جزء يسير من الجوائز ولا يتسعي لي الوقت لذكرها جميعا لواحد فقط من علماء مصر


ناهيك عن المشد او فاروق الباز
او غيرهم
من المشهورين او غيرهم

مثل العالم المصري الجيولوجي / عصام حجي

" يعمل الدكتور حاليا في مركز هيوستن للفضاء التابع لوكالة ناسا لأبحاث الفضاء
و يشرف في الوقت الراهن على فريق بحث علماء يعملون
ضمن مشروع الذي تتعاون فيه ناسا مع إيسا لدراسة المذنبات،
كذلك يشارك في أبحاث استكشاف الماء في المريخ
كما كان عضوا في فريق عمل مصري فرنسي لدراسة
حقل نيازك ضخم يقع في الصحراء الغربية في مصر"

مين يعرفه؟؟ اعتقد القليل


نرجع للنقاط الاساسيه التي ذكرتها في بدايه مقالي
حجم الانفاق في الرياضه مقابلا التعليم والبحث العلمي

بما يتضح ان حجم الانفاق في البحث العلمي وصل الي 500 مليون

انظروا معي الان لمجله العلوم الامريكيه
لعددها بالنسخه العربيه الصادر بتاريخ
اكتوبر / نوفمبر 2008

سذكر المقال تحت عنوان بناء مستقبل علي العلم
" الانفاق الاجمالي علي البحث العلمي والتطوير في عام 2004 "

البرازيل : 13.5 بليار دولار
الصين : 95.5 بليار دولار
الهند : 23.7 بليار دولار
ستغافورة : 2.6 بليار دولاؤ
كوريا الجنوبيه : 28.3 بليار دولار
تايوان : 15 بليار دولار

لا تتعجبوا فهذه حقائق ومن يريد التدقيق فليرجع للمصدر
organization for economic co-operation and development


اذا حجم الانفاق
ضئيل ضئيل ضئيل جدا
حدث ولا حرج عن ارتفاع معدل المخدرات والنسب موضحه باعلي المقال

استطيع القول الان بأننا نعيش عصر ليس بعصر المعرفه كما يقال دائما
بل بعصر التراجع والبحث عن الوسطه


نصل الان الي نقطه المناقشه

عندما تحول فوز المنتخب الي هزيمه
نسينا كل شئ عن الفوز وذكريات الفوز
تجاهلنا الالقاب والطموحات
وطرحنا كل شئ جانبا كما فعل الجميع


ولكن لا يحدث هذا في مجال البحث العلمي
لن ولم يحدث ان نسي احدا انجاز العالم المصري / احمد زويل
وحتي الان برغم قدم الانجاز لعام 1999 بحصوله علي جائزه نوبل
وحتي الان هو الاشهر عالميا في هذا المجال
ولمن يتابع العالم الجليل
انه من اكبر المحاضرين علي مستوي العالم
ومطلوب دائما في المحافل الدوليه العالميه
ومهما فعل وفشل في ابحاثه القادمه لن ينسي احدا ما كان

وكذلك العالم العبقري اينشتاين كمثال غربي
بالرغم من فشله في اخر سنوات حياته في تحقيق نظريه كل شئ كما تدعي
ولنا معها وقفه اخري
فقد عكف في اخر سنين حياته عن نظريه في ظل تقدم العالم الخارجي
ومات ولم يكمل ابحاثه بشئن هذه النظريه
ولكن لم ولن يتناسي التاريخ العلمي اينشتين كأحد اهم العلماء في التاريخ الحديث
فقد كانت نظرياته عن النسبيه وكذلك الظاهره الكهروضوئيه
من اتقن وادق النظريات في العلم الحديث

اذا العلم والبحث العلمي لا ينساه العالم وكذلك التاريخ
ومن ثم فالنجاح ان اردنا

احبائي اعضاء منتديات علوم المنصوره
اننا مسئولون وبشكل مباشر عما يحدث الان من تدهورات في مجال البحث العلمي
ويقع علينا هذا الهم الاكبر
دائما من نسير عكس التوقعات
نزحزح طريقنا ليناسب الموضه والعلومه
ولم نسأل نفسنا لماذ نفعل هذا ومن المسئول
لا يسلك منا الطريق الصحيح الا القليل جدا جدا جدا جدا


طلبه كليه العلوم خاصه والكليات المختلفه عامه
من عندنا يصبح الحلم واقع ملموس
واذا لم نتقدم اليوم ونصحح من وضعنا ونقف مره اخري علي ارجلنا
لن نقف مره اخري
بالعزم والعزيمه نتسلح
بروح العمل والاخلاص نتقن
ولا نلتفت الي صغائر الامور

اعضاء منتديات علوم المنصوره
كثيرا ما كررت ان هذا المنتدي لا يختلف كثيرا عن العالم الخارجي من حولنا
فهوا عالم مصغر للافكار والنقاشات والابطال والشخصيات وايضا الثقافات
كثيرون منا يظهرون باشكال مصطنعه ولكن الاغلب هنا كما هو يعيش في الواقع

لكني من هذا المقام
وتحت ثنايا هذا المقال

ادعوكم مره اخري وليست باخيره
الي الوقوف مره اخري في طريق التحدي
دعونا نصحح من وضعنا هنا اولا كي نصحح منه خارجا
الكثير ينتظر خطة البدء في هذا
وطالما ما وجدنا حماسه المصريين في البدايه ولكن نرجع كما كنا من قبل

اني اكتب هذا المقال بعد ان اطاحت بيا الافكار والحياه جانبا في عالم الاهواء
وما وجدت الا المصالح الشخصيه والمحسوبيه والتفاهه وانعدام الضمير
وما خفي كان اعظم
وللتفوق مكان اخر غير هذا الزمان
وللمجتهد نصيبه ولكن ليس في تلك البلدان

اكتب هذا المقال بعد فتره من الحزن وفتره اخري من انعدام التفكير
فتره من عدم التوازن
وايضا من اللامبالاه
واعتقد ان الكثيرين يلاحظون اختفائي في فتره هي الاحوج للمنتدي لنا
ولكن دائما ما احزن علي بدء انهيار الحلم

اصدقائي واخوتي واصحابي واحبابي في الله
ادعوكم بقلب مخلص
قلب قد مرض من تلك الحياه
دائما اريد التغيير الي الافضل
ودائما اتكلم هنا لكي نسمو بسمتوانا الفكري والاخلاقي والعقلي والعلمي
ولكن بلا ادني تغيير

اين ضميركم اذا
اين عقولكم اذا
اين شبابكم اذا
اين حبكم لهذه البلد
اين عشقكم لهذا المكان

اليوم نحن معا ولكن غدا في طيات الحياه تائهين
ادعوكم بقلب مخلص مره اخري
للالتفاف ولو لمره نحو مستقبلنا
ونتحدي الجميع
ونرتقي الي الافضل
وان اردتم خطط لذلك
نفتح من الان قسم جديد لخطط التغيير المقبل ورفع مستوانا العقلي والعلمي

والله احبكم في الله ولكني اتمني من الله
ان يجعلنا جميعا قدوه لغيرنا
وفائده لمن بعدنا
وتقدمنا لعلمنا

وفي النهايه تبقي كلمات قليله ولكني اظنها حكيمه

.. العلم ..

كلمة لو حققنا معناها عشنا بها نور الحياة و تحضر العقول
ومصادقة الجد والاجتهاد .. ومحاربة الخمول
لأخذنا منه مزيداً من الثواب
وأعطينا قليلاً من العقاب
العلم لغة المتعلم وسمة المتكلم
أصوله التعامل الحسن ودماثة الخلق العلم كنز الأرض و مطر على الأرض
لتنبت الزهور والثمار عليها
قال الله تعالى : ( وقل ربي زدني علماً)


.. الحلم ..

تأمل من شعور يخطو في طريق طويل بلا نهاية
يُرسم على أرض الخيال
لربما يتحول إلى واقع يلمس فيه الهدف المنشود
وربما يصبح سراباً ينفذ من باب الخيال بظله بكل هدوء
ونحن من نجعل أحلامنا جميلة
ومصطلح سراب الأحلام هو قاتل لجمال الأحلام
فنعيش أحلامنا ونتخيلها ونزرع الأمل فيها
ليغذيها فتنمو وتكبر وإن لم تتحقق
فيكفي عشنا معها أملاً كنور يسكنها
وليس يأساً كظلامٍ يحتلها فتصبح سراباً


.. القلم ..

احساس كائن من البشر
إما ( رجل ) شمس أو ( أنثى ) قمر
جسر التواصل
احساس متواصل بين طرفين
كاتب وقارئ
فالكاتب ذكاؤه .. وسر نجاحه
جمع أدوات جذب القارئ
بفن مبتكر
وأسلوب متمكن مهيمن مسيطر
يشمل طقوس متنوعة
في بوح الحرف .. من دائرة الجوف
باختلاف الاتجاهات الفكرية .. النفسيات .. العواطف
يقال أنه:
( كلما عاش الإنسان مساحة كبيرة من المعاناة كلما زادت درجة إبداعه )
ويقال أيضا:
(كل ابداع له ضريبة نجاحه)


.. همسة ..

العلم + القلم + الحلم = نور للإنسان يهتدي به في طريق الحياة
فيسكن في أرض خصبة مليئة بالنبات والزهور وتغريد الطيور


هذا المقال بقلم :
هشام فتحي
مدير منتدي علوم المنصوره

عدل سابقا من قبل hishamfathi في الأربعاء يونيو 24, 2009 1:05 am عدل 1 مرات

اكيد طبعا ان البداية من عندنا من عند كل كلية من كليات الجامعة
واولهم علوم

عندما تحول فوز المنتخب الي هزيمه
نسينا كل شئ عن الفوز وذكريات الفوز
تجاهلنا الالقاب والطموحات
وطرحنا كل شئ جانبا كما فعل الجميع

فعلا احنا متذكرناش غير الهزيمة ونسينا النصر ولكن فى الاخر هننساة

لكن زى ماانت قولت اكيد الانجاز العلمى عمرة ما هيتنسى

لان مازال معروف الدكتور احمد زويل حتى الان ومعروفة انجازاتة

قليل من البرامج بس من زمان اتكلمت شوية عن بعض اناس اخترعوا اشياء ولكن يعنى زى مابيقولوا

ع اد حالتهم لكن لوكان بجد فى امدادات للانجازات والبحث العلمى كان زمان دلوقتى حالنا اتغير

اها وكان التعقيب الشهير الى كانت المذيع بيقولوا بعد كل اختراع

( ها هما ابناء الفراعنه يعيدون زمن الفراعنة من جديد)

ولكن اهو كلام بيتقال

ولو شوفنا اد اية من ابناء مصر بيهاجروا برة علشان البحث العلمى والحياة العلمية الافضل وكل دة ومصر لسة مش خدت بالها

أصبحت هجرة العقول المصرية إلي الخارج مسلسلا مستمرا آخرها استقالة 11 معيدا من كلية الحاسبات والمعلومات بجامعة عين شمس للعمل بأمريكا الأمر الذي تحول إلي ظاهرة تدق أجراس الخطر وتثير تساؤلا هاما وهو إلي أي مدي تظل مصر تعلم وتربي وفي النهاية يهجرها أبناؤها؟
ما الأسباب التي تدفع هذه العقول النابغة والشباب العبقري إلي الهجرة؟

الدراسات والأبحاث تشير إلي وجود أكثر من 844 ألف شاب منهم 450 ألف كفاءة وعبقرية علمية في كافة المجالات البحثية العلمية.. وهجرتهم تتسبب في خسارة مصر لأكثر من 54 مليار دولار سنويا في الوقت الذي تحتاجها مصر وتستوردها للأسف الشديد من الخارج مرة أخري.

طيب مش احنا لو كونا بنمول البحث العلمى ونخلى الحياة العلمية احسن وننوفر الحاجات الى بيلقوهابرة
مش كنا وفرنا الخسارة دى يعنى مثلا لو رجال الاعمال ساعدوا الناس دى ماهو بردة مش كل حاجة ع الحكومة

وأكدت دراسة صدرت مؤخرا عن الجهاز المركزي للتعبئة والإحصاء بالتعاون مع أكاديمية البحث العلمي أن هناك 54 ألف عالم وخبير مصري في الخارج يعملون في مختلف التخصصات العلمية من بينهم 11 ألفا في تخصصات نادرة و94 عالما في الهندسة النووية و36 في الطبيعة الذرية و98 في الأحياء الدقيقة و193 في الالكترونيات والحاسبات والاتصالات.
وتبين الإحصاءات أن أمريكا تحظي بالنصيب الأكبر من الكفاءات والعقول المصرية المهاجرة بنسبة 39% تليها كندا بنسبة 13.3% واسبانيا في المؤخرة بنسبة 1.5%.
أعداد العلماء

يعنى ماشاء الله اكتر علماء امريكا مصريين وبردة مفيش فايدة مفيش حد عايز يمول البحث العلمى ولاحاجة

احنا مش قصدنا يعنى بلاش الكورة

بس الاهم فالمهم

ولو جينا طبقنا المنطق دة هنلاقى ان الكورة مش مهم خالص ولاحتى انها تتقارن بالبحث العلمى

وتقريبا احنا دلوقتى فى عصر العلم وتكنولوجيا المعلومات يعنى الى بيحتل نصيب اكبر وفى المركز الاول هو البحث العلمى

لذلك ياريت وان شاء الله هتكون البداية من عندنا

ان احنا نحاول بقدر الامكان نخلى البحث العلمى يكون لة نسبة وليست قليلة فى انفاق مصر

السلام عليكم ورحمة الله وبركاته دكتور هشام

فوز المنتخب هو الامنيه الوحيده لادخال السرور علي شعب كشعب مصر الغلبان
هيعمل مفيش غيرها لو فتحنا التليفيزيون مش هنلاقي غير كوره او فن هابط ملوش لازمه قاله انه بينقل معانات شعب وهو بعيد كل البعد عن الشعب بل بيزيده معاناه
انا مش ضد الرياضه او تشجيع الرياضه لكن زى ما حضرتك قولت في اولويات بس فين الفرصه
مفيش
دا كل اللى بيتنقل لنا تفاهات


فيه فى مصر فعلاهيئه للبحث العلمى
لكن للاسف
تشجع التخلف مش العلم
كل اللى تسمعه عنها استخفاف باختراعات واكتشافات العلماء المصريين او يقوله انها مسروقه
والنتيجه النهائيه كما هو الحال تخلف

لازم نخرج ونحقق كل اللى عاوزينه بادينا احنا مش هنستنى حد يوجهنا ولا يتحكم في ثقافتنا
حضرتك اكيد سمعت عن حلم العلم فكرة الشاعر جمال بخيت فكره جميله واهى اتحركت بره الروتين الحكومى
ياريته بس يكمل

اكتب هذا المقال بعد فتره من الحزن وفتره اخري من انعدام التفكير
فتره من عدم التوازن
وايضا من اللامبالاه

الموضوع مش محتاج حزن ولاحاجه محتاج صبر وحماس
ليه لما نبتدى حاجه متكملش لازم نفضل وراها لحد ما تكمل وتبقي في اجمل صوره

والعلومه

كويس ان حضرتك جيبت الانيموشن دا

اولا شكرا علي التوبيك الهايل ده يا هشام بس انا والله شايف من وجهة نظري اننا في اجازه ليه منحاولش نبدأ من جديد فعلا وراانا ايه ليه منفتحش قسم ونعمل فيه افكار كل واحد في مشروع صغير مثلا ممكن يستفاده من ماده او فرع درسه في الكلية ليه منحاولش نفتح الكتب ونطبق اللي درسناه ولو محاوله بس طبعا كله هيقعد يقلق هنذاكر من تاني وكده طب قلي وراك ايه انا شايف من رايي ان يكون فيه قسم جديد للافكار في الاجازه كل واحد يعرف يعمل اي حاجه يقول لغيره الطريقه كل واحد عنده بحث او جمع معلومات يقدمها والباقي يساعده ونشجع بعضنا بكده هنكبر بسرعه والحماس هيزيد اكتر زي مثلا واحد بيعرف يستفاد من الكيماويات في انه يعمل برفان مثلا وغيره وغيره نحاول مجرد محاوله مش لازم نوصل حاجه بحاجه هنوصل بس نحاول وكل يقول افكاره وواحد يعرض فكره وكلنا نحاول نساعده فيها واتمني التوفيق للجميع ودي وجهة نظر مش اكتر

شكرا لاثاره مثل هذا الموضوع وحقايستحق النقاش
ولكن العيب مش فينا احنا نتاج لاهمال واستهتار الدوله بمن سبقنا من اجيال
انا وحده من الشباب اغلب من سبقوني في العمر من
شباب او رجال عائلتي مبدعين ومخترعين ومحبين للعلم بدرجه كبيره
فمنهم شاب عبقري وهو في السنه الاولي من دراسته الجامعيه نال برائه اختراع والسنه الثانيه نال ثان برائه اختراع
واستضاف في برامج التلفاز وتناقلت الصحف اخباره وكتب عنه الشاب العبقري
ومازال يبتكر حتي الان ولكن دون جدوي اين هو الان اين انجازاته لقد ترك مجاله واتجه الي علم الكمبيوتر والبرمجه وحقق نفسه وهو الان مبرمج عبقري ايضا ولكن الغريب انه لا يفقد الامل حتي الان يجتهد ويتعلم ونحن نراه يصيبنا خيبه الامل والتشائم

واخر عبقري في الادب بالرغم من ان دراسته علميه ونال جوائز من الدوله ومدح ت قصائده في الراديوا ونال جائزه الشيخ الشعراوي في بحث الاعجاز العلمي في القران الكريم وقد فاز بالمركذ الاول

وغيره من ابدع في الطب وتفوق في دراسته وبعد كل ذلك يات ابن دكتور اقل منه في المرتبه لياخز مكانه
وغيرهم الكثيرون والكثيرون

فكيف تنتظر من شباب يروا من قبلهم محطمين بالرغم من تميزهم
نحن تخازلنا نتيجه ما سبقنا من احباط العيب ليس فينا العيب في مجتمعنا الذي لا يعطي لابناءه حقهم

ولكن من وجه نظري ان ما جعل الدوله لا تهم بهذه الكوادرهو عدم اهتمام المجتمع بالعلم فعند ظهور عبقري او عالم مصري لا نلتفت له علي عكس العروض التي تات لهم من الغرب ولكن تخيل لو لاحكم في مباره لكره القدم ظلم لاعب ولا اداله طرد ولا حتي كرت اصفر منغير سبب تلاقي الدنيا قامت ولم تقعد وكل محد يقابل حد ميتكلم غير علي الحكم ال ظالم

فالخطا في المنظومه ككل دوله وشعب
فلا بيدنا غير ان نبدا بانفسنا في انتظار القسم الجديد املا في التغير

اسفه للاطاله

بجد الموضوع اكتر من رائع ومحتاج فعلا للنقاش والفكره مثيره جدا لاننا فعلا محتاجين اللى يهتم بمجال العلم والبحوث العلميه لان بجد فى عقول فى مصر محتاجه بس كلمه تشجيع علشان تتقدر تخرج كل الابداعات اللى جواها وتحس ان هيكون فيه اللى يساعدها على تنفيذ كل الافكار بتاعتها وكلنا نطمع فى نظره اهتمام من المسؤل عن كل ده وياريت نبدا ونفذ نموذج مصغر من الفكره بزراعت اول نبته فى المنتدى ويمكن نلاقى ملبى واكيد مش هنخسر وبجد شكرا ليك اوى وتقبل مرورى

فى البدايه احب اشكرك يا هشام طبعا عالموضوع الجميل والواضح فيه مجهودك
فكرتك طبعا جميله وعرضك للمشكله اللى احنا والبلد فيها فعلا مقنع ويحمس كل واحد مننا انه يبدأ بنفسه
بس لو مكناش هنوجد خطه تناسب كل واحد فينا وتناسب طريقه تفكيره وقدرته على التنفيذ
وان كل واحد فينا مايحسش انه ماشى مع نفسه هنيأس والحماس اللى البعض فيه هيضيع
زى حاجات كتير ظروف البلد خلتنا نسيبها تضيع
واخيرا اتمنى للجميع التوفيق

انا من رائيي الكوره تتخصخص والانديه وبكدا المشكله تتحل
والحكومه توفر مجهودها للتعليم

المهم احنا هنفضل نقول الحكومه والشعب ومحدش قال اقتراحات

بلاش قسم جديد

احنا نخلي الموضوع دا اللى نتكلم فيه وكل واحد يقول حل للمشكله دى بعد ما صاحب الموضوع كتبه واختفي تانى

الخطوه الاولي لازم نطور من المنتدى كل واحد يقدم اقصي ما عنده هنبتدى مع بعض هدفنا واحد هو الافاده والاستفاده

الخطوه التانيه ان احنا ننقل دا بره المنتدى في كليتنا اللي بيشارك في المنتدى واللى مش بيشارك

هنخرج بره كمان الكليات اللى حوالينا هندسه صيدله حقوق ......
هتقولولي ازاى؟
احنا هنعمل
مجله دينيه علميه ثقافيه اجتماعيه متكامله
فكرتها وتصميمها عندى
حتى المواضيع اللى ممكن نحطها
هتشمل
اعجاز علمى اكتشافات جديده تعريف بعلمائنا قضايا الشباب
محتاجه حد يبقا معايا لانى نفسي اعمل اي حاجه قبل ما اتخرج

عاوزين حد بيعرف فوتو شوب وجرافيك
حد يكون متصل برعاية الشباب عشان المجله تكون مدعومه يعنى يمضى عليها وكيل الكليه

ايه رائيكم؟

تحياتى للجميع

المهم السبيل الوحيد لأي مصري انه يثبت نفسه انه يبيع دماغة لأعلي سعر يجي زي ما يجي امريكا بريطانيا اسرائيل اي مكان في العالم ولو حاول يعقد في بلده يحط نهاية شريط حياته اشي رصاصة في دماغه . سم في اكل



ونعم الاقتراحات ونعم التطوير

بس احنا فعلا خلصنا التصميم
ولسه هنعلن ده للناس هنا في المنتدي مع خطه التغيير

امتى وازاى وفين
طلعت قديمه
طيب بلاش يبقي فيه كونيكال وفلاسك والسوائل الخضرا ولا محلول فهلينج
لو حضرتك يعنى هتاخد راينا في التصميم
برضه دي من زمان واحنا بنحققها
وحققنا حاجات كثير بره المنتدي

معلش عاوزه اعرف زى ايه لانى في الكليه مش بحس بحاجه ببقي في وادى والعالم الاخر في وادى
وانا هستنى ان شاء الله خطة التغيير واجيبلكو الحجات اللى عملتها للمجله

يارب يكون عمل خير وفي فايده ويجمع الاعضاء على خير وفي طاعه