منتدى علوم المنصورة
حملة التبرع بالدم Ezlb9t10


منتدى علوم المنصورة
حملة التبرع بالدم Ezlb9t10

منتدى علوم المنصورة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى علوم المنصورةدخول

اهلا بك يا زائر لديك 16777214 مساهمة


حملة التبرع بالدم

descriptionحملة التبرع بالدم Emptyحملة التبرع بالدمالجمعة مايو 20, 2011 11:50 pm

more_horiz
Heba Salam

سلام عليكم جميعا

انهارده بعد الورشه انا خرجت رحت للاستاذه الدكتوره هناء وهى دكتوره بقسم الحيوان وكانت

بدرسلنا ماده الدم الترم الى فات دار بينا حوار طبعا عرفتها بالرابطه وكلمتها عن حلمه التبرع

بالدم وطبعا الى هنعمله طبعا كانت متعاونه معايا جدا وخرجت من الحوار بمجموعه نقاط مهمه

كالاتى

1_لازم قبل ما نعمله الحمله لازم يكون العميد عارف ده ومصرح بيه وده تجنبا لاى مشاكل


2_الشىءالتانى المهم ان احنا علمين ولسنا اطباء وبالتالى تبعا للاخلقيات مينفعش اننا نقوم

بالعمل ده بدون اشراف طبيى لازم يكون فى طبيب معانا فانا اقترحت عليها اننا ممكن نتفق مع دكتور (طبيب) من الوحده العلاجيه عندنا فى الكليه يشرف علينا اثناء الحمله


فايريت نحاول نقوم بالخطوه دى اننا نكلم طبيب يبقى معانا

3_الدكتوره هناء شخصيا قالت انها ممكن تبقى معانا وتسعدنا اثناء الحمله

دى الحاجات الاوليه الى لو عملنها اعتقد اننا هنقدر نشتغل ونبدأ الحمله بتاعتنا واحب اسمع وجهات نظركم وهنعمل ايه ان شاء الله؟؟؟؟؟

descriptionحملة التبرع بالدم Emptyرد: حملة التبرع بالدمالسبت مايو 21, 2011 12:11 am

more_horiz
Mohammed Orochimano
السلام عليكم ورحمة الله وبركاته
تمام يا هبة كويس جدا ... وجودها هيساعد كتير في تأكيد دقة التحليل خاصة في ظل وجود الطبيب من العيادة الطبية

بالنسبة للحملة ان شاء الله عايزين نبدأ الأحد وحتي الأربعاء زي ما قلنا في الورشة
اما هنعمل خيمة او هنكون في الحديقة اللي قدام البوابة الفامية حسب التجهيز المتاح

هنقسم المكان لمنطقتين ... منطقة للبنات لأخذ العينات من البنات ومنطقة للشباب لأخذ العينة من الشباب وتحليلها وتسليم النتيجة لصحابها

توزيعنا هنتناقش فيه ونوصل لأفضل شكل تنظيمي للحملة /
1) يكون في بنتين في الشارع امام قسم البنات ... وولدين في الشارع امام قسم الشباب
هيرحبوا بالداخلين او حتي اللي بيمروا جنب الخيمة يسألوا أسئلة من نوعية ...دي خيمة اية او حملة اية او
حتي بتعملوا اية ... ويكون وظيفتهم جذب اهتمام الطلاب وحثهم علي الدخول ومعرفه فصيلة دمهم وياخدوا ورق توعية بالمعلومات المتعلقة حوالين فئة دمهم ويشجعوهم علي الدخول سواء هيتركوا بياناتهم للتبرع أم لا

2) يكون في بنتين / ولدين داخل الخيمة هيردوا علي استفسارات الطلبة الي دخلوا الخيمة فعلا ... وهيوعوهم سريعا بامراض الدم بمساعدة البوسترات اللي هتكون متوفرة داخل الخيمة

3) يكون في بنتين / ولدين علي طرابيزات التحاليل بيشكشكوا في الطلبة ويصفوا دمهم علشان ياخدوا العينات ويحللوها وبيعرفوهم فصيلة دمهم اية وهنديلهم ورقتين ... أول ورقة فيها توعية بأنواع فئات الدم وكل فئة بتأخذ وتدي لأي فصيلة ... وتوعية سريعة بامراض الدم وكيفية الوقاية منها
ثاني ورقة فيها نوع فصيلة دمه ومعلومات علي التوصيف البيولوجي لفصيلة دمه والمأكولات اللي ينصح بتناولها والمأكولات الي يحذر منها

4) والطلاب ماشيين هيعدوا تاني علي الشباب في نقطة رقم 2 فياخدوا بياناتهم للتبرع ويعرفوهم ان البيانات هتكونللعيادة الطبية ولمستشفي الطلبة ومشتشفي الجامعة .... وليست للعرض في مكان عام واننا فقط هنعلق اسم القسم وفصائل الدم المتوفرة للتبرع فيه ...وهكون مجهز لكم كشوفات وفيها الخانات المطلوب ملئها إن شاء الله

بمعني أصح هنحتاج 6 بنات و 6 أولاد في الحملة علي أقل تقدير
بحيث يبدلوا مع بعض باستمرار ومحدش يبقي عليه ضغط في احد المواقع الثلاثة دول

الحمد لله احنا كلنا أكثر من 6 أولاد و6 بنات
يعني هنقدر نريح بعض ونغطي اماكن بعض لحد ما جزء يحضر محاضراته ويرجع وهكذا ...

دلوقتي يا ريت الكل يعرفني في الموضوع هنا بالتفصيل
هيكون متواجد امتي في الخيمة في الأيام من الأحد وحتي الاربعاء
بحيث نقسم نفسنا فلان وفلان من الساعة كذا للساعة كذا يوم كذا
وان شاء الله هكون متواجد معاكم طوال ايام الحملة بحيث لو في اي حاجة ناقصة او مشكلة او حاجة نتداركها في ساعتها

----------------------------------

نقطة اخيرة ظهرت بالبحث
الورقة اللي هيكون فيها التعريف البيولوجي لفصيلة الدم والمأكولات المريحة والمأكولات اللي يحذر منها
يكون فيها كل فصائل الدم ولا فصيلة دم الشخص فقط ؟
لانه بعد البحث في مصادر مختلفة لقيت انه المعلومات ممكن تكون كثيرة جدا
بالتالي ممكن يكون شئ ممل للشخص انه يكون معاه ورق كثير فيه بقية فصائل الدم
فقولولي رأيكم الأخير في النقطة دي علي جنب بعد اقتراحاتكم لاشكال مختلفة منا التنظيم او اي افكار ثانية

Manar Habib
مانو .. ..
المعلومات الكتييره اللى انت جمعتها واللى لسه هنجمعها .. نكتبها فى معلقتين متشابهتين ونعلقهم جهه الخروج من الخيمه ويكون واقف بجوارهم بنت وولد ويقوموا بالخطوه رقم 2 وهى التوعيه وفى نفس الوقت تعريف بالرابطه وميعاد الاجتماع .. الى آخره
نختزل الخطوه 2 فى الخطوه 1 , الناس اللى هتجذب الطلاب بيقوموا بتنظيم عمليه الدخول, بالنسبه لى هكون متواجده فى الحمله يوم الاثنين ان شاء الله من بعد الساعه9.30لحد الساعه 3..اعذرنى مش هقدر اشارك فى الايام التانيه Smile

Geo Abd Elhadi
بالنسبه للابر خلاص انتو قولتو البنات هيوفروها ولو احتجتوا تانى ياريت تعرفونا
بالنسبه بقى للشرايح يوم الاربع هيكون 600 شريحه جاهزين
بس تستخدموا 599 شريحه بس وتعينولى واحده لما آجى
بالنسبه بقى للجهاز اللى بنستخدمه فى اخذ عينة الدم لتحليل السكر وخلافه محتاجينه ولا هتستخدمو الابر على طول
الجهاز متاح

Heba Salam
الورقه فعلا بيقى فيها فصيله واحده بس بحيث ان كل واحد ياخد فصليته اظن ده افضل
انا هبقى موجوده الاحد من 9,5 ل 11
الاتنين من 12 ل 5 وهبقى موجوده فى الاتنين المعرض والحمله هبدل بين الاتنين
الثلاء صعب جدا
الابعاء ممكن اكنسل محاضرات الصبح واحضر من 8 ل 1 بعد كده سكاشن
ان شاء الله ابقى معاكم كل الايام ولو عرفت اكنسل محاضرات فى النص هحضر اكتر من كده ان شاء الله
بالنسبه للمواد الكميائبه هحاول نسال فى اقرب وقت ونبلغكم
وربنا يوفقنا ان شاء الله

Heba Salam
يا ريت يا محمد الجهاز يبقى موجود افضل لو متاح

Mohammed Orochimano
لو الجهاز مش بيتغير له الابر يبقي بلاش منه لانه مش هينفع تستخدمه لاكثر من طالب
ولو الابر في الجهاز بتتغير اعتقد هيقلقوا من مجرد تكرار الشك بنفس الجهاز خاصة لو مش فاهمين مسالة تغيير ابره الجهاز

علشان كدا برشح نشتغل بابر طبية منفصلة تستخدم مرة واحدة وتترمي

Ahmedd Mohamed
بالنسبه للورق انا متهيقلى أن الورقه يبقى فيها كل الأنواع لعده أسباب وهى
1- تقليل التكلفه
2-هتقدر تحدد العدد من كل فصيله على أى اساس
أما بالنسبه للحضور أنا معاك أيام الأحد والُثلاثاء والأربعاء من بعد الساعه2
يوم الأثنين من بعد الساعه 12.5

Ahmedd Mohamed
بالنسبه للمسأله التنظيمية عندى إقتراح صغير
وهو أن الموجودين بدل ما يبقوا 6 يبقو ا 7
السابع يبقى المسئول عن كتابه البيانات الخاصه بالطلبه بس وهم داخلين
وبعد أذنك يا مانو أنا هاخد الرد بتاعك وأعدل عليه وتشوف وجهه نظرى ايه

Lolo Lola
تمام اوووووووى يا شباب وكل يوم اتنين بيعدى عليا وانا مش معاكم فيه بندم بجدددد انى مش جيت بس غصب عنى والله..ان شاء الله اكون موجودة يوم الاتنين الجاى وهاجى بقى الاتنين ومش مهم اى حاجة تانية لانى عندى احساس مرعب بالتقصير...وممكن اكون موجودة فى النقطة 1 اللى ذكرتها يا مانو بس دا بعد اذن الجميع طبعا...وبالتوفيق لينا يااااااااااااااااااااااااااااااااااااارب

Ahmedd Mohamed
هنقسم المكان لمنطقتين ... منطقة للبنات لأخذ العينات من البنات ومنطقة للشباب لأخذ العينة من الشباب وتحليلها وتسليم النتيجة لصحابها

توزيعنا هنتناقش فيه ونوصل لأفضل شكل تنظيمي للحملة /
1) يكون في بنتين في الشارع امام قسم البنات ... وولدين في الشارع امام قسم الشباب
هيرحبوا بالداخلين او حتي اللي بيمروا جنب الخيمة يسألوا أسئلة من نوعية ...دي خيمة اية او حملة اية او
حتي بتعملوا اية ... ويكون وظيفتهم جذب اهتمام الطلاب وحثهم علي الدخول ومعرفه فصيلة دمهم

2) يكون في بنتين / ولدين داخل الخيمة هيردوا علي استفسارات الطلبة الي دخلوا الخيمة فعلا ... وهيوعوهم سريعا بامراض الدم بمساعدة البوسترات اللي هتكون متوفرة داخل الخيمة

3) يكون في بنتين / ولدين علي طرابيزات التحاليل بيشكشكوا في الطلبة ويصفوا دمهم علشان ياخدوا العينات ويحللوها وبيعرفوهم فصيلة دمهم اية وهنديلهم ورقتين ... أول ورقة فيها توعية بأنواع فئات الدم وكل فئة بتأخذ وتدي لأي فصيلة ... وتوعية سريعة بامراض الدم وكيفية الوقاية منها
ثاني ورقة فيها نوع فصيلة دمه ومعلومات علي التوصيف البيولوجي لفصيلة دمه والمأكولات اللي ينصح بتناولها والمأكولات الي يحذر منها

4) والطلاب ماشيين هيعدوا تاني علي شاب فياخد بياناتهم للتبرع ويعرفوهم ان البيانات هتكون للعيادة الطبية ولمستشفي الطلبة ومشتشفي الجامعة .... وليست للعرض في مكان عام واننا فقط هنعلق اسم القسم وفصائل الدم المتوفرة للتبرع فيه ...وهكون مجهز لكم كشوفات وفيها الخانات المطلوب ملئها إن شاء الله

بمعني أصح هنحتاج7 بنات و 7 أولاد في الحملة علي أقل تقدير
بحيث يبدلوا مع بعض باستمرار ومحدش يبقي عليه ضغط في احد المواقع الثلاثة دول

الحمد لله احنا كلنا أكثر من 6 أولاد و6 بنات
يعني هنقدر نريح بعض ونغطي اماكن بعض لحد ما جزء يحضر محاضراته ويرجع وهكذا ...

Geo Abd Elhadi
بالنسبه لمعلومات كل فصيله
بتهيألى تتعمل كروت اجمل واحسن واسهل وابسط وكل حاجه
يعنى الورقه تبقى اربع كروت
وهتوفر وكمان مش هتحتاجوا كلام كتير اصلا تكتبوه
وكدا تقدروا تفصلوا كل فصيله لواحدها وتتطبعوا نسخ كتير واللى عايز لحد فصيله تانيه ياخد يعنى عادى

Manar Habib
@ ahmedd
فكره السابع لكن بعد معرفه الفصيله ويكون موجود بداخل الخيمه جميله
بالنسبه للورق فلو كل فصيله لوحدها هتكون افضل
عدد الطباعه هيكون حسب الانواع الشائعه والنادره .. بخصوص الجهاز استخدامه آمن لكن عادى وجوده مش هيفرق كتير

Heba Salam
يا ريت كل الناس الى هتحضر الحمله تبقى موجوده يوم الخميس علشان تعرف هتعمل ايه وازى تحدد الفصيله وكمان الناس تصرف فى بالطو بس يكون نضيف محدش ياخد بالطو من حد فى قسم كميا انا بحذر انا عن نفسى بالرغم انى عندى بالطو بس اكيد هشوف بالطو تانى المهر لازم يكون على اعلى مستوى

Heba Salam
Manar Habib
بالنسبه للورق فلو كل فصيله لوحدها هتكون افضل
عدد الطباعه هيكون حسب الانواع الشائعه والنادره .. بخصوص الجهاز استخدامه آمن لكن عادى وجوده مش هيفرق كتير

معاكى فى ده يا منار

Manar Habib
اتفقنا
يوم الخميس ان شاء الله .. هبه هتشرح طريقه معرفه فصيله الدم ..وهنوزع المهام
وهيكون معانا المعلومات اللى هنحطها فى المعلقه
رجاء .. لما ميزانيه الرابطه تقرب تخلص ياريت تبلغونا لان كلنا مسؤلين

Manar Habib
احنا اتفقنا اننا ننزل معلقه واحده عن فصائل الدم "خاصه بالدم"
امراض الدم .. فصائل الدم .. التبرع بالد م
وقولنا انها هتتعلق جمب الخيمه

Ahmedd Mohamed
Manar Habib
انتى كنتى موجوده النهارده فى الورشة
المفروض ان احنا اتفقناعلى ان المعلقه مش هتنزل الأسبوع الجاى هتتأجل ليوم الأثنين

Manar Habib
فى بدايه الورشه انهارده قولنا اننا هنزل معلقه واحده بس
ده اللى سمعته ..عموما هى فكره حلوه
ولا فى اعتراض؟

Ahmedd Mohamed
لأ أنا مش معترض بس خلى بالك ان فى بنتين النهارده قالوا انهم هينزلوا بموضوعين على ما اعتقد!

Ahmedd Mohamed
تحبوا أكلم لكم حد فىكلية الطب سنه 5

Mohammed Orochimano
تمام احنا فعلا كنا قلنا انه علشان هنكون مشغولين الاسبوع دا في التنسيق للحملة
فهنأجل المعلقة ليوم الاثنين او للاسبوع القادم علشان لو لم يتاح الوقت لتنسيقها
بينما هنفضل نجمع في الداتا علي موضوع المعلقة في المناقشات علشان تبقي الحاجة جاهزة وما يحصلش تأخير تاني

بينما هنجهز معلقة عن الدم وامراضه وفصائله وفوائد التبرع وخلافه من المواضيع المتعلقة بالدم وتكون بجوار الخيمة وممكن نعمل كمان نسخة تتعلق في مكان تاني بالكلية وفيها اشارة لمكان الخيمة مثلا

اسف كنت نسيت اذكر النقطة دي فعلا هنا في الموضوع وشكرا علي ذكرها

كمان لو حاببين تدعو دكتورة او معيدة تشرح طريقة العينة والتحليل يبقي كويس برضه

Heba Hegazy
موجوده ان شاء الله يوم الاحد من بعد 11
الاثنين رست ..
الثلاثاء مش هينفع
الاربعاء بعد الساعه 2
هحاول احضر اجتماع يوم الخميس لو نفع
او اقول للمعيده تعرفنى...لو مخدتش الموضوع ده بكره ف السكاشن

Alyaa Saad
يا جماعه انا ان شاء الله هشارك معاكم بالشرايح لان عندي كتير.اما بالنسبه للورقه بتاع الفصايل فانا شايفه ان لو فيها بس معلومات فصيلتي فقط هيبقي افضل .وفي حاجه تانيه ان انا وبعض الزميلات في الرابطه عندنا معرض ان شاء الله يوم الاتنين وهيكون معانا شاشه عرض هنحاول نعمل نوع من التوعيه خلال المعرض ان شاء الله عن فصائل الدم وانواعها عن طريق مقدمه هنعرضها بحيث يكون ده دعم للحمله . وياريت لو نحاول نغير ميعاد ورشه يوم الخميس ونخليه الساعه 10 بدل الساعه 12 لان عندي سكشن الساعه 12 وكمان يوم الاتنين عندي سكشن12 ومش بعرف احضر ونفسي بجد اشارك في فعاليات العمل بتاع الورشه عشان اصلا ما حضرتش ورشه الاتنين

Albrins Ahmed
على فكرة بالنسبة للجهاز اللي بياخد عينات الدم بتاع السكر ما ينفعش لأن بيحتاج ابر كتير يعني على الاقل ابرة لكل طالب لأن لو استخدمنا نفس الابرة حيبقى فيها ضرر كبير ونقل للأمراض
أنا حبيت بس ادي وجهة نظري

Alyaa Saad
يا جماعه احنا مش بنسحب ده مجرد نقطة دم بناخدها ع الشريحه ونشتغل عليها وعلي فكره الجهاز اكيد امن وعشان في ناس كتير مش هتتحمل الوغز بالابره لان لما كنا بنشتغل بالابره في المعمل كنا بنتعب جدا لان اولا مش بنقدر نغز اللي قدمنا كان بيبقي امر صعب علينا احنا شخصيا غير كده اللي قدامي بيكون صعب عليه يتحمل الوغزه اولا لانه مش مريض مثلا عشان يرضي انه يتشكشك فبالتالي هيقول لنفسه انا ايه اللي يجبرني علي كده وممكن ما يرضاش يعرف فصيلته فمن رايي نستخدم الجهاز افضل منعا للالم ولو حد شك ان الجهاز مش امن هثبتله انه امن باني هغير الابره قدامه

Alyaa Saad
احنا كطلبه بيو كيميستري اشتغلنا علي الكلام ده في المعمل السنه اللي فاتت وان شاء الله لما نيجي لوقت العملي اكيد هنعرف كل زمايلنا اللي في الاقسام التانيه ومش درسوا الحاجات دي

Heba Hegazy
ايوووووون عشان انتوا كلكم فى تالته بقه
ياريت نعرف توزيع المواعيد بدرى عشان كل واحد يعمل حسابه

Alyaa Saad
انا ان شاء الله هكون موجوده يوم الاحد بعد 3
يوم الاتنين مش هينفع خالص
يوم الثلاثاء و الاربعاء بعد الساعه 1

Heba Salam
بالنسبه يا جماعه للطبيب الى هيشرف علينا حد اتفق مع طبيب معين ولا هنعمل ايه؟؟؟؟؟؟؟

Mohammed Orochimano
ممكن نكلم طبيب من الوحدة العلاجية او من كلية طب لو في حد هيحضر منهم

حتي الان لسة مش جمعنا مواعيد الكل علشان نعرف مين هيكون موجود امتي في كل الايام
يا ريت الشباب وبقية البنات عرفوني امتي مواعيدكم الفاضية في الايام من الاحد الي الاربعاء
عايزين نضبط التنظيم علشان ما يبقاش في فترات بدون تغطية
معاد الحملة ممكن نخليه من10 الي 2 او 3 مثلا حسب رأيكم في المعاد بحيث ما يبقاش في تأثير كبير علي محاضراتكم

أما التجهيزات الفنية ان شاء الله علي بكرة تكون كل حاجة خلصت وهروح مع الشباب نأخذ الموافقة من العميد بإذن الله علشان لو هنجهز الخيمة بدري قدر الامكان

كمان لو احد جهز معلومات عن الدم وامراضه والوقاية منها وفوائد التبرع وشروط التبرع يبعتها هنا في الموضوع علشان نضعها في الحسبان لتجهيز معلقة عن الدم سواء في الخيمة او الكلية

Lolo Lola
انا يوم الاحد هخلص 1 والاتنين رست والتلات هخلص على 12 ونص والاربعاء عندى رست برضو......
دى بقى شوية معلومات وصلتلها عن التبرع بالدم

مايفترض بالمتبرع القيام به قبل الحضور

نيل قسط كافي من النوم على الاقل 5 ساعات

تناول وجبه غذائيه قبل التبرع




الاشخاص اللائقون للتبرع

اي شخص لايقل عمره عن 18 سنه

ان لايقل وزن المتبرع عن 50 كيلوا غرام

ان تكون نسبة خضاب الدم لائقه للتبرع

خلو الشخص المتبرع من بعض الامراض التي يمتنع معها التبرع


موانع التبرع

ان لايكون الشخص قد قام باي عملية تبرع في الاشهر الثلاث الاخيره

ان لايكون الشخص المتبرع قد اجرى اي عملية جراحية مؤخراً

اصابة المتبرع باحد الامراض التالية:

ضغط الدم , السكري ,اصابته بالملاريا على الاقل خلال السنتين الاخيرتين

الفشل الكلوي , تضخم الكبد ,امراض الصدر , حمى الروماتيزوم, امراض الغدد الدرقيه

امراض الدم الوراثية , ونزيف الدم

عدم استخدام المتبرع لاي ادوية

بعض الاجراءات الطبية قبل التبرع

القيام بنوعين من الفحوصات اولاً اجراء فحص شامل للعلامات الحيويه

قياس الضغط , درجة الحرارة , نبضات القلب . الوزن

ثانياً اجراء فحص للدم لمعرفة نسبة خضاب الدم يجب ان تكون نسبة الهيموجلوبين

بين 13-17,5 جم في الرجال، وبين 12-14,5 جم في السيدات

وتحديد فصيلة الدم


المدة التي تستغرقها عملية التبرع

اجمالاً 20 دقيقة

المدة التي يجب ان تفصل بين كل تبرع واخر لنفس الشخص

3 اشهر لانها الفترة المثالية لاعادة انتاج خلايا الدم


بعض التوصيات عقب عملية التبرع

الاسترجاء لمدة عشر دقائق

عدم بذل مجهود بدني زائد خلال ساعتين من التبرع

تناول السوائل لاعادة تعويض الجسم

Lolo Lola

فوائد التبرع بالدم

والتبرع بالدم أوثق عرى التعاون والتراحم والتعاطف بين أفراد المجتمع، قال تعالى { وتعاونوا على البر والتقوى } وقوله


تعالى

{ إنما المؤمنون إخوة } ومن السنة النبوية قوله صلى الله عليه وسلم
[ لا يؤمن أحدكم حتى يحب لأخيه ما يحب لنفسه ] وقال أيضاً
[ من كان في حاجة أخيه كان الله في حاجته

*** وفيها منح المتبرع فرصة للتأكد من خلوه من الأمراض المعدية
( الالتهاب الكبدي بأنواعه - مرض سرطان الدم - الزهري - الإيدز - الملاريا ) كما له فائدة كبيرة جدا في التخلص من الصداع.
*** إن التبرع بالدم ينشط خلايا نخاع العظام لدى المتبرع (مكان تصنيع الدم) مما يزيد من فاعليتها ويجدد نشاطها وتنتج المزيد من خلايا الدم الجديدة.
*** بتبرعك بالدم أنت تشارك في إنقاذ حياة عدة أشخاص في احتياج ملح للدم أو أحد مشتقاته، حيث إن الدم يمكن فصله لمكونات رئيسية فيمكن لأكثر من مريض الاستفادة بها.

*** التقليل من احتمال الإصابة بأمراض القلب وانسداد الشرايين لأن التبرع بالدم يقلل نسبة الحديد في الدم والتي ثبت علمياً أن زيادة نسبة الحديد تزيد من نسبة الإصابة بهذه الأمراض والمساهمة في علاج
بعض الحالات المرضية مثل الزيادة الغير طبيعية في عدد كريات الدم الحمراء ونسبة الحديد ومنع حدوث مضاعفات هذه الأمراض.
*** وبمتابعة شخص قبل تبرعه وبعد تبرعه بالدم نلاحظ أنه قبل التبرع ، يكون عنده عدد الكريات الحمراء مرتفعاً، مما يجعلها متراكمة داخل الأوعية الدموية وبالتالي فإن وصولها إلى الخلايا لتزويدها بالأكسجين يكون بطيئاً، والمحصلة اضطراب في أداء خلايا الجسم ويكون الشخص أقل نشاطاً وأقل حيوية والعكس صحيح.



*** كما أن التبرع بالدم، يعتبر العلاج الأنسب لبعض الحالات المرضية كحالات النزيف المستعصية، فبعد التبرع بالدم يسترجع المرء البلازما في 24 ساعة ، الكريات الحمراء في 3 أسابيع، والصفائح بعد 7 أيام، ولهذا بعد عملية التبرع يحدث ما يسمى طبياً HEMODILUTION يعني أن الكريات الحمراء والبيضاء والصفائح أقل عدداً، وأن البلازما تحتل الحجم الأكبر، وبالتالي فإن عوامل التخثر الموجودة في البلازما تكون أكثر تركيزاً في الدم، وتصل بسرعة وسهولة لمكان النزيف ، كذلك بالنسبة لبروتينات البلازما التي تلعب دوراً في انسداد الجروح، تكون مُركزة في السائل الدموي وتصل بسرعة وسهولة إلى مكان الجرح . فمثلاً في حالة المريض بقرحة المعدة إذا تبرع بالدم فإن البروتينات ستصل بكمية كبيرة وبسرعة إلى المعدة لعلاج وسد القرحة مقارنة مع إنسان مريض بقرحة لا يتبرع بالدم، وبالتالي فانسداد الجرح عنده سيستغرق وقتاً أطول.
*** نذكر أيضاً حالة الشقيقة "الصداع النصفي" التي ترجع أساساً إلى تقلص قطر بعض شرايين الدماغ ، فإن بعض الكريات الحمراء الحاملة للأكسجين تجد صعوبة للوصول إلى خلايا الدماغ وبالكمية المطلوبة فينتج عن هذا آلام مزمنة في الرأس، ولكن بعد عملية التبرع بالدم وبالرغم من تقلص الشرايين، فإن الكريات الحمراء تكون قليلة العدد نسبياً، وبالتالي يمكنها اختراق هذه الشرايين الضيقة، والوصول إلى خلايا الدماغ وتزويدها بالأكسجين فيزول ألم الرأس بإذن الله تعالى .

*** كما وجد أن نسبة الإصابة بمرض القلب المزمن منخفضة عند المتبرعين بالدم. ولقد فسر العلماء ذلك بأن انخفاض معدل تخزين الحديد الناتج عن التبرع بالدم هو الذي يحمي المرء من أمراض القلب المزمنة حيث أثبتت الأبحاث الطبية أن تخزين الحديد بصفة مستمرة يرفع من نسبة الإصابة بأمراض القلب
privacy_tip صلاحيات هذا المنتدى:
لاتستطيع الرد على المواضيع في هذا المنتدى