[ندعوك للتسجيل في المنتدى أو التعريف بنفسك لمعاينة هذه الصورة]
إزيكم يا أحلى أعضاء عاملين إية
النهاردة موضوعنا هيكون مختلف جدا وأنا بحضر له منذ فترة طويلة بصراحة يمكن من 500 مشاركة ولا حاجة
الموضوع دا هو المشاركة رقم 1000 ليا فى المنتدى
رحلة طويلة مكونة من 999 مشاركة فى أنحاء المنتدى دا
999 شكر لكل الناس العظيمة اللى شاركتنا بحاجة فادتهم وحبوا يشاركونا بيها
999 موقف تجاه موضوع معين أو فكرة معينة
999 مناقشة بين موافقة ومعارضة من اى من الجانبين
999 إضافة لذكريات صنعتموها بإيدكم وإتحفرت جوايا بشكل أو بأخر سواء سلبيا أو إيجابيا
999 لحظة شاركتها معاكم إستفدت منكم وإن شاء الله تكونوا إستفدتوا منى
[ندعوك للتسجيل في المنتدى أو التعريف بنفسك لمعاينة هذه الصورة]
أحداث كتير مرت ومواقف أكتر على مدار 999 موقف حصل بينى وبينكم فى المنتدى دا
إتفقنا كتير وإختلفنا كتير ولكن الحمد لله مستوى العلاقة بينا كان كويس والحمد لله
خلال ال 999 مشاركة الماضيين قربت من ناس كتير فكرهم كويس جدا وينفعوا كلهم يكونوا قادة فى المستقبل ويكون كل واحد منهم علم فى مجاله
وبرضه خلال نفس ال 999 مشاركة بعدت عن ناس كان اغلب همهم محاولة النيل من المنتدى أو الإساءة إليه بشكل أو أخر
[ندعوك للتسجيل في المنتدى أو التعريف بنفسك لمعاينة هذه الصورة]
999 مشاركة بتعدى كدا قدام عينى
بتفكر مشرفين مروا عليا ومشرفين لسة معانا
إخوتى
هشام
مهند
وسام
تانتو
أحمد القسط
أخواتى
دكتورة بوسى
دعاء
نور
قطر الندى
قمر الليل
ناس بصراحة غاية فى الإحترام وغاية فى الأخلاق وعلى المستوى الشخصى ناس أكتر من رائعين ربنا يبارك فيهم ويحفظهم
دا غير المشرفين الجدد اللى أتمنى إنهم يكملوا معانا المسيرة بنفس وتيرة إخوانهم المشرفين الحاليين
واللى بجد بتعتمد على تقديم كل ما يمكن تقديمه من أجل الأعضاء
[ندعوك للتسجيل في المنتدى أو التعريف بنفسك لمعاينة هذه الصورة]
وبرضه بفتكر أعضاء كتير مروا علينا
فى منهم اللى لسة معانا ولسة حاسس بإن المنتدى دا بيته التانى
وفى منهم اللى إتقدم أكتر وحصل على الإشراف علشان يفيد المنتدى أكتر وأكتر
وفى منهم اللى فارقنا بدون ما يأثر دا على إيماننا بالمنتدى أو تمسكنا بالفكرة اللى مجمعانا هنا
[ندعوك للتسجيل في المنتدى أو التعريف بنفسك لمعاينة هذه الصورة]
999 مرة دخلت فيهم المنتدى علشان أهداف مختلفة
ولكن فى كل مرة كان هدفى شيئ واحد مشترك مع الأهداف التانية
مجرد الفرجة على المنتدى
مش موقف سلبى
ولكن إستمتاع بالمنتدى وهو كل يوم بيكبر
ناس بيقعوا وبقوم بتوجيهم على قد ما أقدر
وناس بتبدع وتستحق الشكر اللى مش بعرف أوفي حقه ليهم
وناس بتؤمن بأفكارنا أكتر وأكتر
وناس بتبعد عن هدفنا أكتر وأكتر
[ندعوك للتسجيل في المنتدى أو التعريف بنفسك لمعاينة هذه الصورة]
بجد إستفدت من المنتدى دا كتير
قربنا لربنا كتير عن طريق المنتدى الاسلامى اللى بعتبره من أنجح المنتديات هنا
وخاصة منتدى الا رسول الله لانى كنت ماسك اشرافه زمان
وعلى المستوى العلمى عرفت حاجات مكنتش أعرفها عن علوم كتير مختلفة
زودت معارفى معاكم
على المستوى الثقافى زادت معلوماتى
واتعلمت اكتر منكم
وعلى المستوى الاجتماعى كسبت معرفتكم
ومعرفة عقلياتكم
بجد أنا راضى عن نفسى معاكم
وحاسس إن المنتدى دا زودنى كتير جدا أكتر مما نقصنى
[ندعوك للتسجيل في المنتدى أو التعريف بنفسك لمعاينة هذه الصورة]
بجد المنتدى له مساحة كبيرة جدا عندى
لأنه متميز وغير أى منتدى تانى عرفته
وبجد الكلام اللى فات دا كله والله مش شايف انه جزء من اللى عشته معاكم فى المنتدى
ولكن برضه أهم حاجة إن حاسس بالسعادة من ناحية المنتدى
ولأن الموضوع خلص وقبل ما أقفل فأنا أحب أتوجه بالشكر العميق والجزيل لطاقم الإشراف العزيز الذى ساهم كل يوم فى دفع المنتدى نحو الأمام
وطبعا لا أنسى الأعضاء فى نصيبهم من الشكر
فشكرا لكل من ساهم لرقى المنتدى وشكرا لكل من ساعد على تطوير المنتدى وشكرا لكل من نور المنتدى بوجوده بيننا
بجد مش قادر أوفيكم حقكم فى الشكر لأنه بدونكم لم نكن لنفعل شئ أبدا
بجد برفع القبعة تحية وإحتراما للعقليات الموجودة معانا فى المنتدى
وبجد إنتو تستاهلوا أكتر بكتير من كل اللى بنعمله علشانكم
أسيبكم فى حفظ الله وأمنه
بحبكم فى الله
[ندعوك للتسجيل في المنتدى أو التعريف بنفسك لمعاينة هذه الصورة]
سلام
