كل واحد يدخل يعرف نفسه

السلام عليكم احلى شباب فى مصر كلها شباب كليه العلوم

الموضوع ده انا عامله علشان الاعضاء يقربو من بعض اكتر او على الاقل نعرف احنا بنكلم مين
واحنا زمايل كليه واحده والموضوع ده كل واحد هيدخل يعرف نفسه كالاتى:
الاسم الكليه القسم السن الفرقه الاهتمامات

البلد منين ايه اكتر حاجه بتحبها ايه اكتر حاجه بتكرهها

واتمنى من كل الاعضاء يدخلو ويعرفونا على نفسهم

وانا هبدا بنفسى
الاسم..... كريم

الفرقه .....التالته ورايح رابعه ان شاء الله

القسم......... جيولوجيا(جيوفيزياء)

البلد.......السنبلاوين ام الدنيا

الاهتمامات....بحب كره القدم جدا والنادى الاهلى والشطرنج موووت والنت طبعا للحاجا ت المفيده

اكتر حاجه بحبها .....ان انا الاقى زمايلى كلهم بيحبو بعض ومفيش مشاكل بنا وان الواحد يكون فاهم للقسم اللى فيه ومخلص لعمله

اكتر حاجه بكرهها .....الخيانه من اقرب الناس ليا والكذب والظلم

اوك يا سي كوكو
انا محمد صاحبك وقدرك الاسود
سنه ثالثه ، بس ربنا يسهل وانجح التيرم اللي فات ده ، يبقي كده رايح رابعه
والاهتمامات يعني ممكن تقول القراءه وقعده الاصحاب
ومن مواليد برج العقرب
والسلام عليكم ورحمه الله وبركاته

حبيييييييييييييييييبى وصديق عمرى وقدرى محمد
منور المنتدى والموضوع والله
واتمنى لك مزيد من التوفيق

شكرا على الموضوع بس الموضوع لازم يتثبت كدا فى اول مكان لان مهم جدا للطلبه انهم يتعرفو على بعض
انا اسمى احمد
تقدرو تقولو كدا انى صاحب مكان فى الكليه

انا بقة ميدو " أحمد "
ومش معاكم في الكلية يا سي كريم وكلامك معناه اللي مش في علوم المنصورة ميلزمناش
انا سنة اولى هندسة ميكنة

انا من المنصوره صحيح 24 سنه

اهلا بيك يااحمد ياكيمائى معانا
وكمان منور ياحمد ميدو واحنا اخوات وزمايل جامعه واحده واهلا بيك معانا فى المنتدى
ويارب نفيد ونستفيد من بعض

انا بقى مهند
2 كيمياء وفيزياء وانتم طبعااا عارفين القسم ده
بحب نادى الزمالك وبعشق حاجه اسمها الكوره
بمعنى انى مهوووووس كوره
بحب زمايلى جداا هشام ووسام

منور يامهند معانا ودائما بالتوفيق والتقدم

بسم الله الرحمن الرحيم
انا اخوكم الفقير الى الله علاء الدين السيد حسانين
ومعروف فى الكليه ب "علاء حسانين"
معيد بقسم الكيمياء شعبه الكيمياء العضوية
وانا بقى من بلد "كريم" طبعاهى ايه ؟؟؟؟؟؟؟؟؟
.....................السنبلاوين
وبحب الطلبه جداً وبتعبرهم اخواتى
وبكره الغرور لانه اول الهلك والبعد عن الله عزوجل
واتمنى ان انا اكسب من المنتدى اخوات اكتر طول العمر

والسلام عليكم ورحمه الله وبركاته

منور يادكتور معانا والله واان شاء الله نستفيد من علمك وخبراتك
واحنا اخواتك طبعا وان شاء الله تكون مبسوط معانا

عدل سابقا من قبل Mohand في الإثنين يونيو 23, 2008 11:16 pm عدل 1 مرات

منور ياهشام انت ومحمد هلال ويارب المنتدى يكبر كمان وكمان واحنا نكون اصدقاء جامدين اوى

طب حيث كدا بقى انا احمد موظف فى قسم الكمياء الى ماسك فتره الصبح فى معمل ك4 , ك5 وبشتغل فتره بليل بردو بس انا هخطب قريب علشان كدا انا مش معاكم فى المنتدى كتير دعواتكم معايه وعقبالك جميعا ... اوع اوع حد يفكر يخطب المشوار طويل اوىىىى

اهلا بيك ياحمد معانا والف الف مبروك وربنا يتمم بخير ومتنساش تعزمنا فى الفرح ان شاء الله

kimo_geo كتب:

اهلا بيك ياحمد معانا والف الف مبروك وربنا يتمم بخير ومتنساش تعزمنا فى الفرح ان شاء الله

الف الف الف مبروك يا احمد انا عارف والله المشوار طويل وربنا يعينك بس اقولك فكرة حلوة سيبك انت من الخطوبة والجواز وخليك معانا فى المنتدى على الاقل احنا مش حنشيلك هم حاجة

بسم الله الرحمن الرحيم
انا بسمة
20سنة
علوم دمياط
بكالريوس السنة دي
قسم علم الحيوان
الحمد لله امتياز مع مرتبة الشرف
والحمد لله الاولي علي كلية علوم دمياط يعني احتمال اتعين معيدة الله اعلم
انا من دمياط الجديدة
بحب القراءة جدا
اكتر حاجة بكرهها الكدب
واتمني ان انتوا تقبلوا وجودي معاكم في المنتدي

طبعا كلنا مبسوطين لوجودك معانا يا بوسى وربنا يوفقك وتحققى حلمك

أنا يا جماعة اسمى ( مانو على مانو ) زى ما واحد صحبى مسمينى ودا اكتر اسم بحبه

انا طبعا معاكو فى كلية علوم وكنت فى سنة 2 رياضة ... بس دلوقتى ان شاء الله رايح 3 احصاء وعلوم الحاسب بعد ما النتيجة ظهرت والحمد لله .

انا عايش بقالى 19 سنة تقريبا ومن بلاد الله الواسعة

بالنسبة لهوايتى هيا نفسها مجال شغلى وهو البرمجة وتصميم المواقع اللى شغال فيها من 5 سنين لحد دلوقتى

كمان بحب الكتابة خاصة القصص والخواطر الشعرية وبعشق حاجة اسمها لعب شطرنج

طبعا بحب الناس كلها بلا استثناء الحلو منهم والوحش بس أكتر حاجة بكرهها هى الخداع بكل صوره غير كدا كله اوكى معايا

شعارى فى الدنيا دى انك ما تستغربش من حاجة لان كله دلوقتى ممكن

You Can Never Know ... But Never Say Never

أهلا بوجودك وكل سنة وحضرتك طيبة يا ندى