مختارات من قصيدة منشورات فدائية على جدران اسرائيل لنزار قبانى

مختارات من قصيدة منشورات فدائية على جدران اسرائيل لنزار قبانىالخميس سبتمبر 23, 2010 11:11 pm

منشورَاتٌ فِدَائيّة على جُدْرَانِ إسْرائيل

لن تجعلوا من شعبنا

شعب هنودٍ حمر..

فنحن باقون هنا..

في هذه الأرض التي تلبس في معصمها

إسوارةً من زهر

فهذه بلادنا..

فيها وجدنا منذ فجر العمر

فيها لعبنا، وعشقنا، وكتبنا الشعر

مشرشون نحن في خلجانها

مثل حشيش البحر..

مشرشون نحن في تاريخها

في خبزها المرقوق، في زيتونها

في قمحها المصفر

مشرشون نحن في وجدانها

باقون في آذارها

باقون في نيسانها

باقون كالحفر على صلبانها

باقون في نبيها الكريم، في قرآنها..

وفي الوصايا العشر..

2

لا تسكروا بالنصر…

إذا قتلتم خالداً.. فسوف يأتي عمرو

وإن سحقتم وردةً..

فسوف يبقى العطر

المسجد الأقصى شهيدٌ جديد

نضيفه إلى الحساب العتيق

وليست النار، وليس الحريق

سوى قناديلٍ تضيء الطريق

من قصب الغابات

نخرج كالجن لكم.. من قصب الغابات

من رزم البريد، من مقاعد الباصات

من علب الدخان، من صفائح البنزين، من شواهد الأموات

من الطباشير، من الألواح، من ضفائر البنات

من خشب الصلبان، ومن أوعية البخور، من أغطية الصلاة

من ورق المصحف نأتيكم

من السطور والآيات…

فنحن مبثوثون في الريح، وفي الماء، وفي النبات

ونحن معجونون بالألوان والأصوات..

لن تفلتوا.. لن تفلتوا..

فكل بيتٍ فيه بندقيه

من ضفة النيل إلى الفرات

*********

رد: مختارات من قصيدة منشورات فدائية على جدران اسرائيل لنزار قبانىالجمعة سبتمبر 24, 2010 12:30 am

لا تسكروا بالنصر…

إذا قتلتم خالداً.. فسوف يأتي عمرو

وإن سحقتم وردةً..

فسوف يبقى العطر

شكرا لوليتا على القصيدة الجميلة
وشكرا كمان لأنك خلتينى بدأت احترم نزار قبانى
لأنى بصراحة كنت بحبه آه، بس مش باحترمه
يعنى لو صنفنا الناس لناس نحبها ونحترمها (ودول غالبا ندره)،وناس نحترمها ومانحبهاش ،وناس نحبها ومانحترمهاش
هو كان بالنسبالى من النوع الأخير،بس بالقصيدة دى ممكن يدخل من طرقة الإحترام بتاعتى
وده بسبب حسن اختيارك طبعا،علشان كده
شكرا مرة تانية.

رد: مختارات من قصيدة منشورات فدائية على جدران اسرائيل لنزار قبانىالجمعة سبتمبر 24, 2010 12:49 am

شكرا على تعليقك الجميل خنساء

عاوزة اقولك انو لما بنقرأ قصيدة وبنحبها وبتأثر فينا وبنحس انها واقع عايشينو مش بنبص ابدا لصاحبها ولا هو ايه وحش ولا حلو احنا بنهتم بالقصائد بتاعتو نقراها وننقدها اكيد لو فيها حاجة
وانا معاكى ان فيه قصايد لنزار مثلا انا مش بحبها ومعترضة عليها كمان وبشدة بس نزار كتب شعر سياسى ولا اروع
وفيه قصائد تانية ليه اكتر من رائعة....وهو دا دورنا اننا نتذوق الشعر ...كلماته ....معانيه...اهدافه....واقعيته وخياله واكيد ننقده

واخيرا اشكرك على مرورك مرة تانية
[ندعوك للتسجيل في المنتدى أو التعريف بنفسك لمعاينة هذه الصورة]

رد: مختارات من قصيدة منشورات فدائية على جدران اسرائيل لنزار قبانىالجمعة سبتمبر 24, 2010 12:42 pm

شكرا لوليتا على رأيك انتى الجميل ،بس أحب أوضح نقطة بسيطة يمكن فهمتينى فيها غلط (ده بعد إذنك طبعا)أنا فى أول كلامى قولت (أنا باحبه آه) وانتى قولتى (وفيه قصائد تانية ليه اكتر من رائعة....وهو دا دورنا اننا نتذوق الشعر ...كلماته ....معانيه...اهدافه....واقعيته وخياله )
يبقى كلامك يثبت كلامى مش ينفيه ،لأن أنا مش هاحبه من غير ماقرأ شعره اللى بالصورة اللى انتى وصافتيها (بس مش كله طبعا).
باقيت جملتى كانت (بس أنا مش باحترمه) أيوة طبعا ، ليه بأه؟ لأنه انسان ماحترمشى قلمه،والقلم أمانه ،يبقى هو خان الأمانة،ولاحتى احترم عنين الناس ولاودان الناس ولاحتى فكرهم،
يبقى الطبيعى ان أنا كمان ماحترموش،هم سموه شاعرالنساء وشاعر المرأة ،رغم انه عمره ماحترم المرأة اللى هو شاعرها،عمره ماتكلم عنها ككيان،دايما بيتكلم عنها من زاوية مختلفة ممكن تندرج تحت الغزل الصريح (اللى هو حرام) وطبعا هو برع فيه و بإكتساح كمان ،كمان أنا مش قولت انى بكرهه (يعنى لابحبه ولابحترمه) وده صنف رابع أنا ماذكرتوش أصلا فى كلامى لأنى الحمد لله مش بكره حد( لاشاعر ولاغير شاعر).
فيه واحد مرة راح مخصوص لفاروق جويدة ،تخيلى ليه؟ علشان يقول له أنا مآمنك على بناتى.كانوا بيسمعوا كلامه من غير مايعرفوه ولا يعرفهم ولايشفوه ولايشوفهم،هو قدر يربيهم بشعره تربية لاتقل عن تربية أبوهم وأمهم.إذا هنا الكلمة أصبحت منهج حياة .
أسألك أنا بقه ياجميل،هل لو ربنا كرمك كده ببنوته عسوله وعايزة تربيها على حاجات حلوة ذى الأدب والشعر،هل هتآمنى تسيبيها لوحدها مع ديوان لنزار قبانى عنوانه بس يخجل اللسان من ذكره.
لو جاوبتى هاتعرفى أنا ليه مش باحترمه.
وفيه جملة انتى بتقولى فيها (بس نزار كتب شعر سياسى ولا اروع) ، استنى بأه يالوليتا انتى هنا ياحبيبتى فهمانى غلط خالص، أنا بالشكل ده أبقه ديكتاتورية (أنا مش هتلر ولاستالين يالوليتا!!)
لأوكمان مش بنى آدمه بالمرة. هل أنا مثلا مش باحترم غير الشاعر السياسى؟ ومش بقرأغير ليه؟ لأ طبعا.
شوفى أنا مش هاقلبها حصة تاريخ .بس يعنى ايه شاعر سياسى أصلا؟ شاعر يعنى حاسس (انسان حاسس يقدر يترجم احساس فى صورة كلمات)، سياسة يعنى قضايا وأحاسيس مجتمع( مجموعة أفراد ).إذا شاعر سياسى يعنى واحد يقدر يعبر عن المجتمع فى فرحه وفى جرحه، وزمان علمونا ان (فاقد الشىء لايعطيه) ،يعنى بالبلدى كده ( الفاضى عمره مايصب على المليان أبدا ).
أسألك هنا برده.هل العقل بيقول ان انسان يقدر يعبر عن احساس مجتمع بالكامل وهو أساسا عاجز عن التعبير عن مشاعر الفرد الواحد أو احساسه هو الشخصى(سواء فرحان أو مجروح)؟
برده لو جاوبتى على السؤال ده يبقى ممكن تفهمينى صح.
طبعا أنا طولت أوى وقولت كلام كتير (يمكن أطول من قصيدة نزار نفسها)،بس ده كله علشان أوصلك وجهة نظرى ورا الجملة اللى أنا قولتها فى التعليق الاول.
واتمنى يارب توصلك وتقبليها بصدر رحب .
شكرا giver

رد: مختارات من قصيدة منشورات فدائية على جدران اسرائيل لنزار قبانىالجمعة سبتمبر 24, 2010 1:30 pm

اكيد فهمت وجهة نظرك يا خنساء ومبسوطة برايك ومناقشتك وانا فعلا كنت فاهمة قصدك بالخطأ بس فهمت قصدك دلوقتى واكيد دى مناقشة تسعدنى وتفيدنى كمان بالتأكيد

اهلا بك يا زائر لديك 16777214 مساهمة

مختارات من قصيدة منشورات فدائية على جدران اسرائيل لنزار قبانى

descriptionمختارات من قصيدة منشورات فدائية على جدران اسرائيل لنزار قبانىالخميس سبتمبر 23, 2010 11:11 pm

descriptionرد: مختارات من قصيدة منشورات فدائية على جدران اسرائيل لنزار قبانىالجمعة سبتمبر 24, 2010 12:30 am

descriptionرد: مختارات من قصيدة منشورات فدائية على جدران اسرائيل لنزار قبانىالجمعة سبتمبر 24, 2010 12:49 am

descriptionرد: مختارات من قصيدة منشورات فدائية على جدران اسرائيل لنزار قبانىالجمعة سبتمبر 24, 2010 12:42 pm

descriptionرد: مختارات من قصيدة منشورات فدائية على جدران اسرائيل لنزار قبانىالجمعة سبتمبر 24, 2010 1:30 pm