ازاي نجيب تقدير؟

اولا بحب ارحب بكل زمايلي واخواتي هنا في المنتدي وترحيب خاص للطلبة المستجدين واتمني للجميع التوفيق والنجاح

والله انا حبيت اعمل الموضوع ده عشان حاسس انه ممكن يفيد ناس كتير ويارب يكون كده فعلا

طبعا واضح من عنوان الموضوع انه سؤال وسؤال مهم جدا كمان ازاي نجيب تقدير؟؟؟؟

كتير هيقلي يعمي احنا داخلين عاوزين نعدي السنه بسنتها لو حتي هنطلع بمادتين واللي يقلك يعمي يعني اللي هيقدرو اخدو ايه

هرد عليه واقله اخدو كتير لان بخلاف تعيين الكلية حتي لو عاوز تشتغل بره تقديرك هيساعدك كتير وهيوفر عليك مشوار اكبر وهيخلي اللي قدامك ياخد عنك فكره كويسه

وغير كده وكده اقعد مع نفسك او اقعدي مع نفسك وقول كده ليه انا محاولتش حتي مجرد محاوله اني احسن شويه من تقديري

طبعا ناس هتقلك يعمي احنا خلاص لسالي سنه وهخلص واللي هيقول لسه سنتين طب ليه مجبش تقدير كويس يحسنلي التراكمي بتاعي

علي العموم انا شكلي طولت وهرجع لغرضي من الموضوع

انا بس اتمني ان كل اللي في المنتدي سواء خريجين او معيدين او دكاتره او طلاب انه يخش ينصح غيره ممكن يعمل ايه عشان يجيب تقدير عاوزين الناس الكويسه اللي بتجيب تقدير تنصحنا نذاكر ازاي نعمل ايه نبدأ ازاي خصوصا اننا في اول السنه

وحتي اللي مش بيجيب تقدير عالي بس عنده طريقه حلوه ساعدته في المذاكره بس محصلش نصيب انه يجيب تقدير عالي

بجد محتاجين نصايح بعض ومحتاجين نساعد بعض عشان نبقي احسن من كده الناس كلها حوالينا بتعلي واحنا للاسف لسه

ياريت يا جماعه نساعد بعض ضروري واتمني اني مكنش طولت عليكم وهنتظر ردودكم

وشكراااااااااااااااااااااااااااااااااااااااااااااا

عدل سابقا من قبل organic_chemistry في السبت أكتوبر 10, 2009 6:36 pm عدل 1 مرات

تحضر كل المحاضررات وتسجلها كويس وتزاكرها كويس هوه ده السبيل الوحيد للامتياز الحضور والتركيز فى المحاضره

كلام جميل وكلام معقول مقدرش اقول حاجة عنه هههههههههههههههههههههههه
طبعا انا لسة فى تانية واحب انصح بحضور المحاضرات بانتظام وكمان المذاكرة اول باول
عشان منراكمشى ع نفسنا اى حاجة وان شاء الله ربنا يوفقنا جميعا يا رب ااااااااميييييييييييييييين

بسم الله الرحمن الرحيم

اولا كده والصلاة على النبى انا مش هنصح حد

اللى ياكل على درسه ينفع نفسه

واللى بيشيل قربة مخرومه بتخر على دماغه

[ندعوك للتسجيل في المنتدى أو التعريف بنفسك لمعاينة هذه الصورة] ههههههههههههههههههههههه

وبعدين انا مش هقول حاجه عشان انا مش شاطر اساسا ومعايا حقوق

ايوه بالظبط هيا حجه عشان منصحش حد

عشان انا انانى ومش بحب الا مصلحتى [ندعوك للتسجيل في المنتدى أو التعريف بنفسك لمعاينة هذه الصورة]

بس ممكن

ممكن يعنى اضغط على نفسى واقول حاجه

اوعو تفتكرو انها نصيحه لااااااااااااااااا مستحيل

دا انا عايز اقول ممكن حد يقول

طب وايه لازمة المذاكره اول بأول ما اللى هذاكرو هنساه تانى ملوش لازم

اولا التكرار بيعلم ال............. الشطار يلا زى بعضوا

ثانيا ودا الاهم ان فيه حاجه اسمها mid term
وبيكون بعد الدراسه بحوالى 3 اسابيع

يعنى تتلموا بقى وتذاكرو هنفضل نقولكو ذاكرو بقى لحد امتى [ندعوك للتسجيل في المنتدى أو التعريف بنفسك لمعاينة هذه الصورة]

ممكن حد يجى يذاكرلى يا جماعه

هههههههههههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

see you

اولا انا برحب بكل الناس اللى فى المنتدى
وكمان لازم اشكر [ندعوك للتسجيل في المنتدى أو التعريف بنفسك لمعاينة هذا الرابط]
لانة بجد ممكن يكون سبب فى لفت نظر الكثير للاجتهاد
وانا عن نفسى لسة فى اولى
يعنى متهيالى صعب انصح حد (انا عاوز اللى ينصحنى)
طبعا انا مع الناس اللى قالت الحضور والمحاضرات وكل ذلك
ولكن قبل كل شئ ان الانسان يكون صريح مع نفسة ويراعى ضميرة
ولكن بعد كل دة فنعمل ونعمل ماعلينا....واللة الموفق

اولا بشكر كل اللي ردو علي الموضوع ويارب يكون في حد استفاد لو حتي 20% من الموضوع بس انا عاوز الناس الكبار كمان يردو اكيد لسه في نصايح يا جماعه ياريت تقولوهم نصايح عن تنسيق المذاكره وازاي تذاكر في علوم اصلا وازاي تتعامل مع المواد متبخلوش يا جماعه لو سمحت علي اخواتكم وزمايلكم هنا في المنتدي ومتخافوش ياللي بتجيبو تقديرات كلنا هنا اخوات وبنخاف علي بعض محدش هيحسد حد هههه شكراااااااا للجميع مره اخري

[i][b]حلو الموضوع بس النصايح الموجوده حاجات بديهيه حضور المحاضرات وكده عادى يعنى بس كويس ان حد مهتم

بسم الله الرحمن الرحيم

حاجه صغيره كنت عايز اقولها

لو الدكتوره مرضيتش تديكى الdata show

فيه حاجه كويسه جدا وممكن متكتبيش ورا الدكتوره كمان

لان مش هتقدرى تكتبى وتفهمى فى نفس الوقت

معظم الدكاتره اللى بيعتمدوا على الdata show

ان لم يكن كلهم

بيكون عباره عن الكتاب ولكن فى صورة عرض

كل اللى عليكى انك تجيبى معاكى الكتابه المحاضره

تفتحى على الجزء اللى الدكتوره بتشرحه تحديديه ولو ليكى ملاحظات على حاجه او معلومه مش موجوده تضيفيها

وتبقى جمعتى فى نفس الوقت مصادرك فى مصدر واحد

اهم حاجه لازم الكل يعرفها فى الكليه دى بالذات

ويا رب اكون من اللى بينفذوها

عشان بصراحه انا حاسس انى بقيت صايع ومش بعمل حاجه ايجابيه

اهم حاجه عدم الاستسلام

عارفه لو جيتى قبل الامتحان وفاضل ساعه واحده عليه وانتى لسه مذاكرتيش

متستسلميش

كل حاجه ممكنه فى الكليه

يعنى متفكريش انك مدام مكنتيش بتفهمى كويس فى المحاضره انك مش هتنجحى ولا هتجيبى تقدير فى الماده

لأ ناس كتير واعرفهم بالاسم واصحابى كانو على طول بيفهموا ويشاركوا الدكتور

ومع ذلك التقدير بتاعهم فى الماده دى مش بيكون المتوقع وممكن العكس

يعنى الخلاصه ان الكليه ملهاش كبير ومفيش حاجه بتحكمها

اعملى اللى عليكى والباقى على ربنا

خليكى مع الدكتور

ركزى فى السكشن

لا تنساقى وراء اى حديث خارج سياق الموضوع سواء فى المحاضره او السكشن

ان شاء الله اضمنلك تقدير حلو



على فكره انا اجيد نصح الآخرين ولا اجيد نصح نفسى

يعنى اللى انا بقوله دا ممكن اكون انا اصلا مش بعملوا

هههههههههههههههههههههههههههههه

بس اهو الواحد بينصح غيره

see you

لاما تكتبى ورا الدكتوره وهيه اكيد بتسيبكم تكتبوا او تشوفى حد بيكتب وتاخدى منه او تجيب ورق من بره زى ماا بتقولى بس لازم تقارنيه بالمحاضره ومع احترامى لاى حد فى الدنيا كل الطلبه اللى فى الدنيا بتجيب ورق كورسات وبتشوفه ولو عرفتى تجيبى هاتى وقارنيه بالمحاضره ولو لقتيه هوه هوه المحاضره خلاص هاتيه واقعدى فى المحاضره افهمى وبصى التقديرات دى حاجه سهله عارفه العيال اللى بتقعد فى الشارع اللى قدام الشئون اللى قاعدين مبيعمولش حاجه دول اغلبهم بيجيبوا تقديرات يعنى متشليش هم التقدير المهم يكون ليكى هدف يعنى عايزه تعملى ايه بالتقدير ؟ واكيد لو هدفك كبير هتزاكر بجد ومش هتضيعى وقت ومش هتروحى تقعدى معاهم هههههههههههههههههههه معلش اصلى بضايق من الشارع ده جدا بس برده بينجحوا ازاى معرفش يلا سلام انا قولت كلام كتير اوى هههههه نلخص بقه ههههههههههه 1
1_ تحاولى تكتبى ورا الدكتوره حتى لو مش هتفهمى
2_تشوفى حد من زميلاتك تكون بتعرف تكتب بسرعه وتاخدى منها
3_ لو عرفتى تجيبى ورق كورسات من بره هاتى وقارنيه بالمحاضره ولو هوه هواه المحاضره زاكرى منه لان بيبقا فيه معدين بيشرحوا من دماغهم وملهمش دعوه بالمحاضره وللاسف اغلبيه طلبه الكورسات مش بيحضروا فمبيعرفوش المعيد بيشرح زى الدكتور ولا لا مش فاضيين ههههههه حكايه المكتبه دى اعتقد يعنى اننا متعدودناش عليها من صغرنا فبلاش منها عشان متلخبطيش نفسك لو انها مهمه جدا
بس للاسف متعودناش عليها او احنا بنحب الحاجه السهله

heba كتب:

اهدى بس يا قمر الحكايه مش مستهله انتى معصبه نفسك ليه

ان شاء الله تجيبى التقدير الى انتى عايزاه

تجيبى امتياز وترتبى على الدفعه كمان ان شاء الله

انا معاكى ان حكايه البوجكتر دى مشكله جامده وخصوصا

ان فيه مواد زى الكمياء استحاله تتفهم الا لما الدكتور يكتب بايده

بس مش معنا كده اننا نستسلم


انا مش معاكى فى حكايه ورق محدد دى انتى لازم تذكرى من كل حاجه

ده احنا يا بنتى كنا بنجيب كتب من المكتبه ونستعرها علشان نذاكر منها

انا باقى هقولك شوفى يا جميل
ممكن تروحوا للدكتور المكتب وتستاذنوه انكم تخدوا power pointمنه وتصوروه

او

انتى تستعينى بالله كده وتحاولى تكتبى ورا الدكتور مره ووالتانيه وهتلاقى ايدك اخدت على كده

وباقت ايدك سريعه جدا



تحاولى تذكرى من الكتاب الامثله والمسائل والكلام ده

وتحاولى تطلعى تشوفى كتب فى المكتبه تذكرى نمها وتفيدك وخصوصا فى المسائل

ولو عايزه تجيبى ورق من بره انتى ممكن تجيبى بس انا مبفضلش الموضوع ده

انتى ممكن تعملى ورق افضل من الورق الى بره

وكل المصادر الى فاتت دى تجمعها فى كشكول واحد بحيث يكون عندك يوم الامتحان مصدر واحد تذكرى منه وده لتوفير الوقت

وصدقينى الموضوع سهل جدا وغير العضويه ماده لذيذه جدا

ومن اسهل المواد وبكره تعرفى ان الى بقوله ده صح

يلالالالالالالالالالالا شدى حيلك عايزين تقديرات حلوه

انا مش متعصبه والله ولا حاجه

بس انا اول مرة بس احس بالغباء كدا

الدكتورة دى رحنا نقولها عايزين الفلاشا

قالت لنا انتوا عايزين مجهود واحده راحت المانيا وراحت وراحت يجيلكم كدا فى ثوانى

من غير تعب

فقلنا صباح الفل صباحه اجتهاد بقى

و ربنا يسهل

وانا الحمد لله فهمت منها المحاضرة اللى فاتت

بس لسه مش عارفه ازاكر اللى فهمته دا ازاى

و ميرسى يا قمر على ردك

domeco كتب:

بسم الله الرحمن الرحيم

حاجه صغيره كنت عايز اقولها

لو الدكتوره مرضيتش تديكى الdata show

فيه حاجه كويسه جدا وممكن متكتبيش ورا الدكتوره كمان

لان مش هتقدرى تكتبى وتفهمى فى نفس الوقت

معظم الدكاتره اللى بيعتمدوا على الdata show

ان لم يكن كلهم

بيكون عباره عن الكتاب ولكن فى صورة عرض

كل اللى عليكى انك تجيبى معاكى الكتابه المحاضره

تفتحى على الجزء اللى الدكتوره بتشرحه تحديديه ولو ليكى ملاحظات على حاجه او معلومه مش موجوده تضيفيها

وتبقى جمعتى فى نفس الوقت مصادرك فى مصدر واحد

اهم حاجه لازم الكل يعرفها فى الكليه دى بالذات

ويا رب اكون من اللى بينفذوها

عشان بصراحه انا حاسس انى بقيت صايع ومش بعمل حاجه ايجابيه

اهم حاجه عدم الاستسلام

عارفه لو جيتى قبل الامتحان وفاضل ساعه واحده عليه وانتى لسه مذاكرتيش

متستسلميش

كل حاجه ممكنه فى الكليه

يعنى متفكريش انك مدام مكنتيش بتفهمى كويس فى المحاضره انك مش هتنجحى ولا هتجيبى تقدير فى الماده

لأ ناس كتير واعرفهم بالاسم واصحابى كانو على طول بيفهموا ويشاركوا الدكتور

ومع ذلك التقدير بتاعهم فى الماده دى مش بيكون المتوقع وممكن العكس

يعنى الخلاصه ان الكليه ملهاش كبير ومفيش حاجه بتحكمها

اعملى اللى عليكى والباقى على ربنا

خليكى مع الدكتور

ركزى فى السكشن

لا تنساقى وراء اى حديث خارج سياق الموضوع سواء فى المحاضره او السكشن

ان شاء الله اضمنلك تقدير حلو



على فكره انا اجيد نصح الآخرين ولا اجيد نصح نفسى

يعنى اللى انا بقوله دا ممكن اكون انا اصلا مش بعملوا

هههههههههههههههههههههههههههههه

بس اهو الواحد بينصح غيره

see you

انا مكنتش متوقعه ان العمليه هاتبقى معقده كدا

بس ربنا يسهل كدا وندور على واحده دحيحه كدا ولا حاجه

من النوع اللى بيفهم و يكتب فى نفس الوقت الوقت

نروح كدا نصاحبها

و ربنا بقى يسهل و اول سنه دى تعدى

هههههههههههههههههه

و ربنا يوفقك ان شاء الله

اهو جايز بتعدى بدعوات اللى انت بتنصحهم دول ولا حاجه

ali elsaied كتب:

لاما تكتبى ورا الدكتوره وهيه اكيد بتسيبكم تكتبوا او تشوفى حد بيكتب وتاخدى منه او تجيب ورق من بره زى ماا بتقولى بس لازم تقارنيه بالمحاضره ومع احترامى لاى حد فى الدنيا كل الطلبه اللى فى الدنيا بتجيب ورق كورسات وبتشوفه ولو عرفتى تجيبى هاتى وقارنيه بالمحاضره ولو لقتيه هوه هوه المحاضره خلاص هاتيه واقعدى فى المحاضره افهمى وبصى التقديرات دى حاجه سهله عارفه العيال اللى بتقعد فى الشارع اللى قدام الشئون اللى قاعدين مبيعمولش حاجه دول اغلبهم بيجيبوا تقديرات يعنى متشليش هم التقدير المهم يكون ليكى هدف يعنى عايزه تعملى ايه بالتقدير ؟ واكيد لو هدفك كبير هتزاكر بجد ومش هتضيعى وقت ومش هتروحى تقعدى معاهم هههههههههههههههههههه معلش اصلى بضايق من الشارع ده جدا بس برده بينجحوا ازاى معرفش يلا سلام انا قولت كلام كتير اوى هههههه نلخص بقه ههههههههههه 1
1_ تحاولى تكتبى ورا الدكتوره حتى لو مش هتفهمى
2_تشوفى حد من زميلاتك تكون بتعرف تكتب بسرعه وتاخدى منها
3_ لو عرفتى تجيبى ورق كورسات من بره هاتى وقارنيه بالمحاضره ولو هوه هواه المحاضره زاكرى منه لان بيبقا فيه معدين بيشرحوا من دماغهم وملهمش دعوه بالمحاضره وللاسف اغلبيه طلبه الكورسات مش بيحضروا فمبيعرفوش المعيد بيشرح زى الدكتور ولا لا مش فاضيين ههههههه حكايه المكتبه دى اعتقد يعنى اننا متعدودناش عليها من صغرنا فبلاش منها عشان متلخبطيش نفسك لو انها مهمه جدا
بس للاسف متعودناش عليها او احنا بنحب الحاجه السهله

و الله انا عايزة اجيب تقدير علشان ماما وعدانى انى لو جبت تقدير عالى اوى

امتياز او جيد جدا قريب من الامتياز

هاتجيب لى لاب توب

يعنى مش لغرض حب العلم والحوارات دى خااااااااااالص

اصلى من النوع اللى ملوش خلق على المزاكرة اوى

فكنت بقى عايزة اازاكر من حاجه مباشرة

لكن انى اروح المكتبه و ادور على كتب و كدا الموضع كدا يبقى صعب عليا اوىىىى

انا كان نفسى ابقى قاعده على الرصيف [ندعوك للتسجيل في المنتدى أو التعريف بنفسك لمعاينة هذه الصورة]

و بعدين اجيب تقدير فى الاخر

بس يا عينى انت شكلك شايل من الناس دى اوى[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههههههههه

انا مليش دعوه

نور هيا اللى قالت اميره

على العموم

اهلا بيكى معانا عضوه فى المنتدى

وطالبه فى كلية العلوم

تحياتى اليكى

عمو دوميكو [ندعوك للتسجيل في المنتدى أو التعريف بنفسك لمعاينة هذه الصورة]

see you

شكرا على النصائح