لا صحاب الدماغ العالى والفكر العالى
والكعب العالى يمتنعون
لا تذهب لبعيد
مفيش فايده ......
سعد زغلول
لو لم اكن مصريا لوددت ان اكون مصريا .........
مصطفى كامل
وما الحياه الا حلة محشـــــــــــــــــى كبيره .............
واحدمن الناس
سقط فى فجوه .. كاد ان يخسر نفسه
..
قد ثقه .. ليس ف المحيطين فقط.. بل فقد ثقه ف ما يمتلكه
..
بدايه غامضه .. لانكسار اكثر غموض
..
طريق وان سلكه .. يعلم الله وحده الى ما ينتهى
فرضيات النظريه ...
المحشى .. جوا الحله .. ف صفوف .. الاقرب منها الى النار والابعد
المحشى .. جوا الحله .. صوابع متخته واخده مساحتها وصوابع مزنوقه
المحشى .. جوا الحله .. مختلط .. البتنجان وورق العنب وفلفل
المحشى .. جوا الحله .. متختخ كان او مزنوق .. هيتاكل
...................
احنا .. جوا الحياه .. ف طبقات .. الاقرب منا الى النار ..مشقات الحياه
تلهبه والابعد اليها تكتفى بلسعه
من لا يجد قوت يومه .. ومن لا يملك مايكفى لشراء حلم عمره ف الرفيرا
حتى ينضج الجميع ع نار هاديه .. يحترق منهم م يحترق ..
.........................
احنا .. جوا الحياه .. ف ناس متختخه واخده مساحتها وناس مزنوقه
ناس عارفه تعبر عن رايها .. ومجرد متقول كلمه بتتسمع
وناس بتلالى ف مالطه ومحدش معبر ابوهم ..
حتى يتزنق الجميع .. يختنق منهم م يختنق ..
..................................
احنا .. جوا الحياه .. مختلط .. رجالا او نساء .. سودا او بيض
مصريين او فرنسيين
يختلط الجميع .. ينصهر منهم م ينصهر .. ليصبح مسخا لاحدهم
..................................
احنا .. جوا الحياه .. متختخين كنا او مزنوقين .. بنلالى كنا
او مسموعين .. محروقين كنا او مستويين .. مختلطين كنا او منصهرين
حتى يؤكل الجميع .. 'يهضم منهم م 'يهضم ..
ومن لم يأكل اليوم .. سيؤكل غدا ..
لانه سيكون صوباع محشى ف حله اكبر ..
ولذلك
وما الحياه الا حلة محشى كبيره ...
سؤال المناقشه ؟؟
انت ورق عنب ولا بتنجان ؟؟ ونوع حلتك ومقاسها ايه؟
هل تستطيع الاجابه؟
اسمح لى ان انبهك
اننا لسنا مؤهلين لحيازة القمه.
خلقنا جميعا .. نملك موهبه ف شىء ما. ..ولكن
متضيعش عمرك وانت لسه معرفتهاش.
ومتندمش ع خسارتك ف معركه .. لم تكن لك م البدايه.
؟؟
؟