السلام عليكم و رحمة الله و بركاته
ملخص ورشة عمل رقم (15)
بسم الله
الورشة انقسمت 3 أجزاء:
الجزء الاول : كان حوار عام عن ثورة العلم و الفكر العلمى للمجتمع و قدرتنا على تغيير تظرة المجتمع للعلم و اتسم الجزء الاول بالحوار المفتوح .. و ده ألاء ممكن تتكلم اكتر عنه و توضح النقاط اللى طرحت من خلاله
الجزء التانى :
اتكلمنا فيه عن المشكلة الاكبر التى تواجهنا و تؤثر تأثير مباشر على افكارنا و الحملات و المشاريع المختلفة اللى ممكن نعملها .. و فى نفس الوقت تحدى لنا مفروض نأخذه بكل جدية .. و هو عددنا و انتشارنا
الجزء الثالث :
اتكلمنا على احد الافكار اللى هنبدأ بيها و هى الفيديو بطريقة المونتاج .. بحيث نعمل احنا فيديوهات علمية بطريقة مبسطة
هابدأ بالجزء الخاص بالانتشار
1- عن طريق الاتصال المباشر .. من خلال اننا بنوصل فكرنا لاصدقائنا و نوصلهم ايه اهدافنا و طموحاتنا و ايه اللى ممكن نعمل الفترة اللى جاية و ازاى ان كل واحد فينا له دور فى بناء مصر على اساس علمى 2- عن طريق النت .. و دى فيها اكتر من جزئية ..
اولها .. تنشيط صفحة ثورة العلم بحيث تصبح من الصفحات التى بيتعملها تحديث كل فترة قليلة جدا .. كل دقيقتين فى جديد .. و علشان منسيبش الموضوع مفتوح اتفقنا ان كل واحد مننا مسئول عن ساعة يحددها يكون مسئول عن تنشيط الصفحة فيها من خلال فيديوهات علمية .. اخبار .. معلومات .. مقولات عن العلم .. مقولات للعلماء .. علشان كده عايز من كل واحد منكم انه يرد على الموضوع ده و يقولى الساعة اللى اخترها علشان يبقى مسئول فيها عن الصفحة
[b]ثانيا.. نشر الصفحة على المنتديات العامة و العلمية .. كل المنتديات و خصوصا صاحبة الاعداد الكبيرة .. نعمل اكونتات و ننشر الصفحة على المنتديات .. عايزين ننشر ثورة العلم فى كل مكان .. و ده هيكون من خلال صيغة ثابتة هتنزل بعد الموضوع مباشرة
و كمان ننشر الصفحة بتاعة ثورة العلم على الصفحات فى الفيس بوك
[b]ثالثا .. الايميلات .. طبعا كل واحد منكم بيجيله ابعت هذه الرسالة لكل من عندك و الحاجات دى .. احنا عايزين
نبعت الصيغة التعريفية لثورة العلم و رابط الصفحة لكل الناس اللى عندنا على الايميل .. و كذا مرة .. و منزهقش من ده ..
فى حاجة اخيرة فى الموضوع ده .. ان فى لينك لشات بوكس هيكون موجود .. و ده هدفه مش شات .. الهدف منه
ان اى حد منكم عنده مشكلة بخصوص اى نثطة من النقاط دى .. يبلغنا مباشرة علشان نقدر
نتواصل و نناقش المشكلة و نحلها باسرع وقت
ندخل بقى على حكاية الفيديوهات ..
الفكرة بكل بساطة
اننا نوصل فكرة و معلومة علمية بابسط طريقة عن طريق فيديوهات نقوم احنا بتصميمها .. فى مجموعة و هى الاغلب هتكون مسئولة عن ايجاد افكار للفيديوهات و جمع المحتوى العلمى لهذه الفكرة .. ثم يقوم مجموعة الاخراج " أسامة و روميساء " بتطبيق الفكرة و اخراجها على شكل فيديو .. المطلوب ان الناس تفكر فى فكرة علمية .. و طريقة تقديمها بشكل مبسط جدا .. و ارسالها مع مجموعة صور توضح الموضوع اللى بنتكلم عنه
فى انتظار مساهمات
سريعة و اخطارنا بالمواعيد اللى اختارتوها لتكونوا فيها مسئولين عن الصفحة